ವೇಗಿಗಳಿಗೆ ಸಹಕಾರಿಯಾದ ಪಿಚ್
ಭಾರತ-ನ್ಯೂಜಿಲೆಂಡ್ ನಡುವಿನ ಪಂದ್ಯಕ್ಕಾಗಿ ರಾಯ್ಪುರದಲ್ಲಿ ಹಸಿರು ಪಿಚ್ ಅನ್ನು ಸಿದ್ಧಪಡಿಸಲಾಗಿದೆ. ಇದು ವೇಗಿಗಳಿಗೆ ಹೆಚ್ಚಿನ ಸಹಾಯ ಮಾಡುವ ಸಾಧ್ಯತೆ ಇದೆ. ಪಂದ್ಯ ಸಾಗುವ ವೇಳೆ ಪಿಚ್ ನಿಧಾನವಾಗಲಿದೆ ಎಂದು ನಿರೀಕ್ಷೆ ಮಾಡಲಾಗಿದ್ದು ಸ್ಪಿನ್ನರ್ ಗಳಿಗೂ ನೆರವು ನೀಡುವ ಸಾಧ್ಯತೆ ಇದೆ.
ಐಪಿಎಲ್ ಪಂದ್ಯಗಳ ವೇಳೆ ಈ ಅಂಗಳದಲ್ಲಿ ದಾಖಲಾಗಿರುವ 164 ರನ್ ಗರಿಷ್ಠ ಸ್ಕೋರ್ ಎನಿಸಿಕೊಂಡಿದೆ. 149.6 ಇಲ್ಲಿನ ಸರಾಸರಿ ಸ್ಕೋರ್ ಆಗಿದೆ. ಬ್ಯಾಟರ್ಗಳು ಇಲ್ಲಿ ಸುಲಭವಾಗಿ ರನ್ ಗಳಿಸಲು ಸಾಧ್ಯವಿಲ್ಲ. ತಾಳ್ಮೆಯಿಂದ ಕ್ರೀಸ್ಗೆ ಕಚ್ಚಿ ನಿಂತು, ಪಿಚ್ ಅರ್ಥ ಮಾಡಿಕೊಂಡರೆ ಮಾತ್ರ ರನ್ ಗಳಿಸಬಹುದಾಗಿದೆ.
ಈ ಕ್ರೀಡಾಂಗಣದಲ್ಲಿ ಬೌಂಡರಿಗಳು ಕೂಡ ಸಾಕಷ್ಟು ದೊಡ್ಡದಾಗಿರುವುದು ಬೌಲರ್ ಗಳಿಗೆ ಅನುಕೂಲಕರವಾಗಿದೆ. ಸರಿಯಾಗಿ ಟೈಮಿಂಗ್ ಮಾಡದ ಹೊರತು ಬ್ಯಾಟರ್ ಬೌಂಡರಿ ಗಳಿಸುವುದು ಕಷ್ಟವಾಗಲಿದೆ.
Ranji Trophy 2022-23: ಮಯಾಂಕ್ ಅಗರ್ವಾಲ್ ದ್ವಿಶತಕ; ಕರ್ನಾಟಕ vs ಕೇರಳ ಅಂತಿಮ ಫಲಿತಾಂಶ
ಉಮ್ರಾನ್ ಮಲಿಕ್ಗೆ ಅವಕಾಶ?
ರಾಯ್ಪುರ ಅಂಗಳ ವೇಗಿಗಳಿಗೆ ನೆರವು ನೀಡುವುದರಿಂದ ಎಕ್ಸ್ಪ್ರೆಸ್ ವೇಗಿ ಉಮ್ರಾನ್ ಮಲಿಕ್ ಆಡುವ ಬಳಗದಲ್ಲಿ ಸ್ಥಾನ ಪಡೆಯುವ ಸಾಧ್ಯತೆ ಇದೆ. 156 ಕಿಲೋ ಮೀಟರ್ ವೇಗದಲ್ಲಿ ಬೌಲಿಂಗ್ ಮಾಡುವ ಮೂಲಕ ಭಾರತದ ಪರ ದಾಖಲೆ ಬರೆದಿರುವ ಉಮ್ರಾನ್ ತಮ್ಮ ವೇಗದಿಂದ ಬ್ಯಾಟರ್ ಗಳನ್ನು ಕಾಡಿರುವುದಂತೂ ಸತ್ಯ.
ಪವರ್ ಪ್ಲೇ ಮತ್ತು ಮಧ್ಯಮ ಕ್ರಮಾಂಕದ ಓವರ್ ಗಳಲ್ಲಿ ವಿಕೆಟ್ ಪಡೆಯುವ ಸಾಮರ್ಥ್ಯ ಹೊಂದಿದ್ದು, ಅವರ ಎಕಾನಮಿ ಕೂಡ ಸಾಕಷ್ಟು ಸುಧಾರಣೆಯಾಗಿದೆ. ಶ್ರೀಲಂಕಾ ವಿರುದ್ಧದ ಸರಣಿಯವಲ್ಲಿ ಅವರು ನೀಡಿದ ಪ್ರದರ್ಶನ ಇದಕ್ಕೆ ಸಾಕ್ಷಿಯಾಗಿದೆ. ಉಮ್ರಾನ್ ಮಲಿಕ್ಗೆ ಯಾರು ಜಾಗ ಬಿಟ್ಟುಕೊಡುತ್ತಾರೆ ಎನ್ನುವುದು ಸದ್ಯದ ಪ್ರಶ್ನೆಯಾಗಿದೆ.
ಭಾರತ, ನ್ಯೂಜಿಲೆಂಡ್ ಸಂಭಾವ್ಯ ಪ್ಲೇಯಿಂಗ್ XI
ಭಾರತ : ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಇಶಾನ್ ಕಿಶನ್, ಸೂರ್ಯಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ, ವಾಷಿಂಗ್ಟನ್ ಸುಂದರ್, ಶಾರ್ದೂಲ್ ಠಾಕೂರ್, ಕುಲದೀಪ್ ಯಾದವ್, ಮೊಹಮ್ಮದ್ ಶಮಿ /ಉಮ್ರಾನ್ ಮಲಿಕ್, ಮೊಹಮ್ಮದ್ ಸಿರಾಜ್
ನ್ಯೂಜಿಲೆಂಡ್ : ಫಿನ್ ಅಲೆನ್, ಡೆವೊನ್ ಕಾನ್ವೇ, ಹೆನ್ರಿ ನಿಕೋಲ್ಸ್, ಡೇರಿಲ್ ಮಿಚೆಲ್, ಟಾಮ್ ಲ್ಯಾಥಮ್ (ನಾಯಕ), ಗ್ಲೆನ್ ಫಿಲಿಪ್ಸ್, ಮೈಕೆಲ್ ಬ್ರೇಸ್ವೆಲ್, ಮಿಚೆಲ್ ಸ್ಯಾಂಟ್ನರ್, ಹೆನ್ರಿ ಶಿಪ್ಲಿ, ಲಾಕಿ ಫರ್ಗುಸನ್, ಬ್ಲೇರ್ ಟಿಕ್ನರ್.