ಜಿಂಬಾಬ್ವೆ ಪ್ರವಾಸ ಕೈಗೊಂಡು ಸ್ನಾನಕ್ಕೂ ನೀರಿಲ್ಲದೇ ಪರದಾಡಿದ ಕೆಎಲ್ ರಾಹುಲ್ ಪಡೆ; ಕಾರಣವೇನು?

ಸ್ನಾನಕ್ಕೂ ನೀರಿನ ಕೊರತೆ

ಜಿಂಬಾಬ್ವೆಯ ಹರಾರೆ ನಗರದಲ್ಲಿ ನೀರಿನ ಕೊರತೆ ಇರುವ ಕಾರಣ ಬಿಸಿಸಿಐ ಟೀಮ್ ಇಂಡಿಯಾ ಆಟಗಾರರಿಗೆ ದಿನಕ್ಕೆ ಕೇವಲ ಒಂದು ಬಾರಿ ಸ್ನಾನ ಮಾಡುವಂತೆ ಸೂಚಿಸಿದೆ ಹಾಗೂ ಸ್ನಾನ ಮಾಡುವಾಗ ಕಡಿಮೆ ನೀರನ್ನು ಬಳಸುವಂತೆ ತಿಳಿಸಿದೆ. ಈ ವಿಷಯವನ್ನು ಬಿಸಿಸಿಐ ಟೀಂ ಮ್ಯಾನೇಜರ್ ಮೂಲಕ ಆಟಗಾರರಿಗೆ ತಲುಪಿಸಿದ್ದು ನೀರನ್ನು ಮಿತವಾಗಿ ಬಳಸುವಂತೆ ತಿಳಿಸಿದೆ.

ಪೂಲ್ ಸೆಷನ್ ರದ್ದು

ಹೀಗೆ ನೀರಿನ ಬೃಹತ್ ಸಮಸ್ಯೆ ಇರುವ ಕಾರಣ ಈಗಾಗಲೇ ಸಾಕಷ್ಟು ಸಮಸ್ಯೆ ಎದುರಿಸುತ್ತಾ ಸ್ನಾನ ಮಾಡಲೂ ಸಹ ಪರದಾಡುತ್ತಿರುವ ಟೀಮ್ ಇಂಡಿಯಾ ಆಟಗಾರರಿಗೆ ಪೂಲ್ ಸೆಷನ್ ಅನ್ನೂ ಸಹ ರದ್ದು ಮಾಡಿ ಬಿಸಿಸಿಐ ಆದೇಶ ಹೊರಡಿಸಿದೆ. "ಹೌದು, ಹರಾರೆಯಲ್ಲಿ ನೀರಿನ ಪರಿಸ್ಥಿತಿ ತೀವ್ರವಾಗಿದ್ದು, ಆ ಬಗ್ಗೆ ಆಟಗಾರರಿಗೆ ಮಾಹಿತಿ ನೀಡಲಾಗಿದೆ. ಯಾವುದೇ ಕಾರಣಕ್ಕೂ ನೀರನ್ನು ವ್ಯರ್ಥ ಮಾಡದಂತೆ ಮತ್ತು ಸಾಧ್ಯವಾದಷ್ಟು ಕಡಿಮೆ ಸಮಯದವರೆಗೆ ಸ್ನಾನ ಮಾಡುವಂತೆ ತಿಳಿಸಲಾಗಿದೆ. ಅಲ್ಲದೆ, ನೀರನ್ನು ಉಳಿಸಲು ಪೂಲ್ ಸೆಷನ್‌ಗಳನ್ನು ಕಡಿತಗೊಳಿಸಲಾಗಿದೆ" ಎಂದು ಬಿಸಿಸಿಐ ಹಿರಿಯ ಅಧಿಕಾರಿಯೋರ್ವರು ಇನ್‌ಸೈಡ್ ಸ್ಪೋರ್ಟ್ಸ್ ವೆಬ್ ತಾಣಕ್ಕೆ ಮಾಹಿತಿ ನೀಡಿದ್ದಾರೆ.

ಭಾರತ-ಜಿಂಬಾಬ್ವೆ ಮೊದಲ ಪಂದ್ಯದಲ್ಲಿರ್ತಾರಾ ಆರ್‌.ಸಿ.ಬಿ ಹುಡುಗ ಶಾಬಾಜ್..? *Cricket | OneIndia Kannada

ಇದಕ್ಕಿಂತ ಕೆಟ್ಟ ಹಂತ ತಲುಪಿದ್ದ ಜಿಂಬಾಬ್ವೆ

ಇನ್ನು ಟೀಮ್ ಇಂಡಿಯಾ ಜಿಂಬಾಬ್ವೆ ಪ್ರವಾಸ ಕೈಗೊಂಡಾಗಲೆಲ್ಲಾ ನೀರಿನ ಅಭಾವವನ್ನು ಎದುರಿಸಿದೆ. ಈ ಹಿಂದಿನ ಪ್ರವಾಸಗಳಲ್ಲಿಯೂ ಇದೇ ರೀತಿಯ ತಲೆದೋರಿದ ಉದಾಹರಣೆಗಳಿವೆ. ಇನ್ನು ಹರಾರೆ ವಿಚಾರಕ್ಕೆ ಬಂದರೆ ಈ ಹಿಂದೆ 2019ರ ಸಮಯದಲ್ಲಿ ನೀರಿನ ಸಮಸ್ಯೆ ತೀವ್ರ ಹೆಚ್ಚಿನ ಪ್ರಮಾಣದಲ್ಲಿ ಇದ್ದದ್ದರಿಂದ ಆ ವರ್ಷ ಅಲ್ಲಿನ ಜನ ಕುಡಿಯುವುದಕ್ಕಾಗಿ ಕೊಳಚೆ ನೀರನ್ನೇ ಬಳಸಲೂ ಸಹ ಆರಂಭಿಸಿದ್ದರು. ಇಷ್ಟರ ಮಟ್ಟಿಗೆ ಹರಾರೆ ನಗರದ ನಿವಾಸಿಗಳು ನೀರಿನ ಕುರಿತಾಗಿ ಸಮಸ್ಯೆಯನ್ನು ಎದುರಿಸಿದ್ದಾರೆ.