ಕೊರೊನಾ ವೈರಸ್ ನಂತರ ಕ್ರಿಕೆಟ್ ಪಂದ್ಯಗಳು ಮತ್ತೆ ಆರಂಭವಾದಾಗಿನಿಂದ ಇದುವರೆಗೂ ಸಹ ಟೀಂ ಇಂಡಿಯಾ ಉತ್ತಮ ಪ್ರದರ್ಶನದೊಂದಿಗೆ ಮುನ್ನುಗ್ಗುತ್ತಿದೆ.
ಇತ್ತೀಚೆಗಷ್ಟೇ ಕೊನೆಗೊಂಡ ಇಂಗ್ಲೆಂಡ್ ವಿರುದ್ಧದ ಎಲ್ಲಾ ಸರಣಿಗಳನ್ನೂ ವಶಪಡಿಸಿಕೊಂಡ ಟೀಮ್ ಇಂಡಿಯಾ ಜಯದ ಅಲೆಯಲ್ಲಿ ತೇಲುತ್ತಿದೆ. ಕೊನೆಯದಾಗಿ ನಡೆದ 3 ಪಂದ್ಯಗಳ ಏಕದಿನ ಸರಣಿಯಲ್ಲಿ ಟೀಮ್ ಇಂಡಿಯಾ ಭರ್ಜರಿ ಪ್ರದರ್ಶನವನ್ನು ನೀಡಿದೆ.
ಇಂಗ್ಲೆಂಡ್ ವಿರುದ್ಧ ಆಡಿದ ಎಲ್ಲ 3 ಏಕದಿನ ಪಂದ್ಯಗಳಲ್ಲಿಯೂ ಟೀಮ್ ಇಂಡಿಯಾ 300ಕ್ಕೂ ಹೆಚ್ಚು ರನ್ಗಳನ್ನು ಬಾರಿಸಿದೆ. ಅಷ್ಟೇ ಅಲ್ಲದೆ ಕಳೆದ ವರ್ಷ ಆಸ್ಟ್ರೇಲಿಯಾ ವಿರುದ್ಧ ನಡೆದ 3 ಏಕದಿನ ಪಂದ್ಯಗಳ ಸರಣಿಯ ಎಲ್ಲಾ ಪಂದ್ಯಗಳಲ್ಲಿಯೂ ಟೀಮ್ ಇಂಡಿಯಾ 300+ ರನ್ಗಳನ್ನು ಕಲೆಹಾಕಿತ್ತು. ಈ ಮೂಲಕ ಟೀಮ್ ಇಂಡಿಯಾ ಕಳೆದ 6 ಏಕದಿನ ಪಂದ್ಯಗಳಲ್ಲಿ ಸತತವಾಗಿ 300ಕ್ಕೂ ಹೆಚ್ಚು ರನ್ಗಳನ್ನು ಬಾರಿಸುವುದರ ಮೂಲಕ ಇದೇ ಮೊದಲ ಬಾರಿಗೆ ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ ಸತತ 6 ಏಕದಿನ ಪಂದ್ಯಗಳಲ್ಲಿ 300+ ರನ್ ಬಾರಿಸಿದ ವಿಶಿಷ್ಟ ದಾಖಲೆಯನ್ನು ಬರೆದಿದೆ.
ಟೀಮ್ ಇಂಡಿಯಾದ ಕಳೆದ 6 ಏಕದಿನ ಪಂದ್ಯಗಳ ರನ್ ಪಟ್ಟಿ ಇಲ್ಲಿದೆ ನೋಡಿ..
ಭಾರತ v ಇಂಗ್ಲೆಂಡ್ : 329
ಭಾರತ v ಇಂಗ್ಲೆಂಡ್ : 336/6
ಭಾರತ v ಇಂಗ್ಲೆಂಡ್ : 317/5
ಭಾರತ v ಆಸ್ಟ್ರೇಲಿಯಾ : 302/5
ಭಾರತ v ಆಸ್ಟ್ರೇಲಿಯಾ : 338/9
ಭಾರತ v ಆಸ್ಟ್ರೇಲಿಯಾ : 308/8