ಆಸ್ಟ್ರೇಲಿಯಾ ಬೃಹತ್ ಮೊತ್ತ
ಈ ಭರ್ಜರಿ ಆಟದ ಪರಿಣಾಮವಾಗಿ ಆಸ್ಟ್ರೇಲಿಯಾ ನಿಗದಿತ 50 ಓವರ್ಗಳಲ್ಲಿ ಭರ್ಜರಿ 374 ರನ್ ಪೇರಿಸಿತು. ಈ ಮೊತ್ತವನ್ನು ಟೀಮ್ ಇಂಡಿಯಾ ಬೆನ್ನಟ್ಟಲು ಆರಂಬಿಸಿತು. ಮೊದಲ ವಿಕೆಟ್ಗೆ ಅರ್ಧ ಶತಕದ ಜೊತೆಯಾಟವನ್ನು ನೀಡಿದ ಮಯಾಂಕ್ ಧವನ್ ಜೋಡಿ ಇನ್ನೇನು ಉತ್ತಮವಾಗಿ ಪಂದ್ಯ ಸಾಗುತ್ತಿದೆ ಎನ್ನುವಾಗ ಮೊದಲ ವಿಕೆಟ್ ಕಳೆದುಕೊಂಡಿತು.
ಕುಸಿತ ಕಂಡ ಟೀಮ್ ಇಂಡಿಯಾ
ಮಯಾಂಕ್ ಅಗರ್ವಾಲ್ 22 ರನ್ ಗಳಿಸಿ ಔಟಾದ ಬಳಿಕ ಬಂದ ವಿರಾಟ್ ಕೊಹ್ಲಿ 21 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು. ಬಳಿಕ ಬಂದ ಶ್ರೇಯಸ್ ಅಯ್ಯರ್ ಬಂದ ಹಾಗೆಯೇ ಫೆವಿಲಿಯನ್ ಸೇರಿಕೊಂಡರು. ಕೆಎಲ್ ರಾಹುಲ್ ಕೂಡ 12 ರನ್ಗಳಿಗೆ ಆಟವನ್ನು ಮುಗಿಸಿದರು.
ಧವನ್ ಪಾಂಡ್ಯ ಜೊತೆಯಾಟ
ಬಳಿಕ ಹಾರ್ದಿಕ್ ಪಾಂಡ್ಯ ಆರಂಭಿಕ ಆಟಗಾರ ಧವನ್ಗೆ ಜೊತೆಯಾದರು. ಈ ಜೋಡಿ ಅದ್ಭುತವಾಗಿ ಇನ್ನಿಂಗ್ಸ್ ಬೆಳೆಸುತ್ತಾ ಸಾಗಿತು. ಒಂದು ಹಂತದಲ್ಲಿ ಈ ಜೋಡಿ ಭಾರತಕ್ಕೆ ಗೆಲುವು ತಂದುಕೊಡಬಹುದು ಎಂಬ ಆಶಾವಾದವುಂಟು ಮಾಡಿತು. 128 ರನ್ಗಳ ಜೊತೆಯಾಟವನ್ನು ನೀಡಿದ ಈ ಜೋಡಿ 74 ರನ್ಗಳಿಸಿದ್ದ ಧವನ್ ವಿಕೆಟ್ ಕಳೆದುಕೊಂಡಿತು.
ಭಗ್ನವಾದ ಕನಸು
ಬಳಿಕ ಹಾರ್ದಿಕ್ ಪಾಂಡ್ಯ ಹಾಗೂ ಜಡೇಜಾ ಜೊತೆ ಸೇರಿ ಹೋರಾಟವನ್ನು ಮುಂದುವರಿಸಿದರು. ಆದರೆ ಈ ಹಂತದಲ್ಲಿ ಒತ್ತಡಕ್ಕೆ ಒಳಗಾದ ಪಾಂಡ್ಯ 90 ರನ್ ಗಳಸಿ ದೊಡ್ಡ ಹೊಡೆತಕ್ಕೆ ಪ್ರಯತ್ನಿಸಿ ವಿಕೆಟ್ ಒಪ್ಪಿಸಿದರು. ಅಲ್ಲಿಗೆ ಭಾರತದ ಗೆಲುವಿನ ಕನಸು ಭಗ್ನವಾಯಿತು. ಅಂತಿಮವಾಗಿ ನಿಗದಿತ 50 ಓವರ್ಗಳಲ್ಲಿ ಭಾರತ ತಂಡ 308 ರನ್ಗಳಿಗೆ 8 ವಿಕೆಟ್ ಕಳೆದುಕೊಂಡು ಶರಣಾಯಿತು.