ಆಸ್ಟ್ರೇಲಿಯಾದ ಯಶಸ್ವಿ ಬೌಲರ್
ಭಾರತದ ನಾಯಕ ವಿರಾಟ್ ಕೊಹ್ಲಿಯನ್ನು ಹೆಚ್ಚು ಬಾರಿ ಔಟ್ ಮಾಡಿದ ದಾಖಲೆಗೆ ಆ್ಯಡಂ ಜಂಪಾ ಕಾರಣರಾಗಿದ್ದಾರೆ. ರಾಜ್ಕೋಟ್ನಲ್ಲಿ 76 ಎಸೆತಗಳಿಗೆ 78 ರನ್ ಬಾರಿಸಿದ್ದ ಕೊಹ್ಲಿ, 43.1ನೇ ಓವರ್ನಲ್ಲಿ ಜಂಪಾ ಎಸೆತಕ್ಕೆ ಮಿಚೆಲ್ ಸ್ಟಾರ್ಕ್ಗೆ ಕ್ಯಾಚಿತ್ತು ನಿರ್ಗಮಿಸಿದರು.
ಕೊಹ್ಲಿ ಪಾಲಿಗೆ ಅಪಾಯಕಾರಿ ಬೌಲರ್
ಆಸ್ಟ್ರೇಲಿಯಾ ತಂಡದಲ್ಲಿ ಸದ್ಯ ಕೊಹ್ಲಿ ಪಾಲಿಗೆ ಅಪಾಯಕಾರಿ ಬೌಲರ್ ಅಂದರೆ ಅದು ಆ್ಯಡಂ ಜಂಪಾ. ಕೊಹ್ಲಿ ವಿಕೆಟ್ ಮುರಿಯೋ ಬೌಲರ್ ಸಹಜವಾಗೇ ಕ್ರಿಕೆಟ್ ಅಭಿಮಾನಿಗಳ ಲಕ್ಷ್ಯ ಸೆಳೆಯುತ್ತಾರೆ. ಅಂಥದ್ದರಲ್ಲಿ ಜಂಪಾ ಇಲ್ಲೀವರೆಗೆ ಏಕದಿನದಲ್ಲಿ ಒಟ್ಟು 5 ಬಾರಿ ಕೊಹ್ಲಿಯನ್ನು ಔಟ್ ಮಾಡಿದ್ದಾರೆ. ಗಮ್ಮತ್ತೆಂದರೆ ಮುಂಬೈನಲ್ಲಿ ನಡೆದಿದ್ದ ಆಸ್ಟ್ರೇಲಿಯಾ-ಭಾರತ ಮೊದಲ ಪಂದ್ಯದಲ್ಲೂ ಕೊಹ್ಲಿಯನ್ನು ಜಂಪಾ ಕೇವಲ 4 ರನ್ಗೆ ಪೆವಿಲಿಯನ್ಗಟ್ಟಿದ್ದರು.
ಕೊಹ್ಲಿ ಹೆಚ್ಚು ಬಾರಿ ಔಟಾಗಿದ್ದು
ಏಕದಿನ ಕ್ರಿಕೆಟ್ನಲ್ಲಿ ವಿರಾಟ್ ಕೊಹ್ಲಿಯನ್ನು ಹೆಚ್ಚು ಸಾರಿ ಔಟ್ ಮಾಡಿದ ದಾಖಲೆ ಸಾಲಿನಲ್ಲಿ ಸದ್ಯ ವೆಸ್ಟ್ ಇಂಡೀಸ್ನ ರವಿ ರಾಮ್ಪೌಲ್ ಮೊದಲ ಸ್ಥಾನದಲ್ಲಿದ್ದಾರೆ. ರಾಮ್ಪೌಲ್ ಒಟ್ಟು 6 ಬಾರಿ ಕೊಹ್ಲಿಯ ವಿಕೆಟ್ ಪಡೆದಿದ್ದಾರೆ. ಇನ್ನು ಶ್ರೀಲಂಕಾದ ತಿಸೆರಾ ಪೆರೆರಾ ಮತ್ತು ನ್ಯೂಜಿಲೆಂಡ್ನ ಟಿಮ್ ಸೌಥೀ ಒಟ್ಟಿಗೆ 5 ಬಾರಿ (ಏಕದಿನದಲ್ಲಿ) ಕೊಹ್ಲಿ ವಿಕೆಟ್ ಮುರಿದ ದಾಖಲೆ ಹೊಂದಿದ್ದಾರೆ.
ಟಿ20ಯಲ್ಲಿ ಎಲ್ಲಾ ಉಲ್ಟಾ!
ಏಕದಿನದಲ್ಲಿ ಜಾಂಪಾ, ಕೊಹ್ಲಿ ಪಾಲಿಗೆ ಅಪಾಯಕಾರಿ ಬೌಲರ್ ಎನಿಸಿದರೆ, ಟಿ20ಐನಲ್ಲಿ ಕೊಹ್ಲಿ, ಜಂಪಾ ಪಾಲಿಗೆ ಡೇಂಜರಸ್ ಬ್ಯಾಟ್ಸ್ಮನ್ ಎನಿಸಿದ್ದಾರೆ. ಟಿ20ಐನಲ್ಲಿ ಜಂಪಾ ವಿರುದ್ಧ ಕೊಹ್ಲಿ 100ಕ್ಕೂ ಹೆಚ್ಚು ಸ್ಟ್ರೈಕ್ರೇಟ್ ಹೊಂದಿದ್ದಾರೆ. ಈ ಮಾದರಿಯಲ್ಲಿ ಕೊಹ್ಲಿ, ಜಂಪಾಗೆ ವಿಕೆಟ್ ಒಪ್ಪಿಸಿದ್ದು ಕೇವಲ 2 ಬಾರಿಯಷ್ಟೇ.