ನವದೆಹಲಿ, ಮಾರ್ಚ್ 14: ಆಸ್ಟ್ರೇಲಿಯಾ ವಿರುದ್ಧದ ಐದು ಪಂದ್ಯಗಳ ಏಕದಿನ ಸರಣಿಯಲ್ಲಿ 2-0ಯ ಮುನ್ನಡೆಯಲ್ಲಿದ್ದ ಭಾರತ, ಸರಣಿಯನ್ನು 2-3ರಿಂದ ಕಳೆದುಕೊಂಡಿದೆ. ಈ ನಡುವೆ ಚೈನಾಮನ್ ಬೌಲರ್ ಕುಲದೀಪ್ ಯಾದವ್ ಅನಗತ್ಯ ದಾಖಲೆಯೊಂದನ್ನೂ ಬರೆದಿದ್ದಾರೆ.
ಆಸ್ಟ್ರೇಲಿಯಾಕ್ಕೆ ಶರಣೆಂದ ಭಾರತ, ಕಾಂಗರೂ ಪಡೆಗೆ ಏಕದಿನ ಸರಣಿ
ದೆಹಲಿಯಲ್ಲಿ ಬುಧವಾರ (ಮಾರ್ಚ್ 13) ನಡೆದ ಭಾರತ-ಆಸ್ಟ್ರೇಲಿಯಾ 5ನೇ ಮತ್ತು ಕೊನೆಯ ಏಕದಿನ ಪಂದ್ಯದಲ್ಲಿ ಭಾರತ 35 ರನ್ ಸೋಲಿನೊಂದಿಗೆ ಏಕದಿನ ಸರಣಿಯನ್ನು ಕಳೆದುಕೊಂಡಿತು. 2015ರ ನಂತರ ತವರಿನಲ್ಲಿ ನಡೆದ ಏಕದಿನ ಸರಣಿಯನ್ನು ಭಾರತ ಕೈಬಿಟ್ಟಿದ್ದು ಇದೇ ಮೊದಲ ಸಾರಿ.
Bad day in the office for @imkuldeep18 today.#KuldeepYadav #INDvAUS #INDvsAUS #Kuldeep pic.twitter.com/R8mFwJa2Xw
— Rooter - Live Sports App (@RooterSports) March 13, 2019
ಸರಣಿ ಸೋಲಿಗೆ ಒಬ್ಬರನ್ನೇ ಗುರಿ ಮಾಡುವಂತಿಲ್ಲ. ಪಂದ್ಯವೊಂದರ ಸೋಲಿಗೆ ತಂಡದಲ್ಲಿರುವ ಎಲ್ಲರೂ ಹೊಣೆಗಾರರೆ. ಆದರೆ ಅಂತಿಮ ಏಕದಿನ ಪಂದ್ಯದ ಬಳಿಕ ಕುಲದೀಪ್ ಯಾದವ್ ಕೆಟ್ಟ ಬೌಲಿಂಗ್ಗಾಗಿ ದಾಖಲೆ ಬರೆದಿದ್ದನ್ನು ಮರೆಮಾಚುವಂತಿಲ್ಲ.
ICC T20 Rankings: ಪಾಕಿಸ್ತಾನ ಫಸ್ಟು, ಭಾರತ ನೆಕ್ಸ್ಟು, ರಾಹುಲ್ ಬೆಸ್ಟು!
ದೆಹಲಿ ಪಂದ್ಯದಲ್ಲಿ ಕುಲದೀಪ್ 10 ಓವರ್ಗಳಲ್ಲಿ 74 ರನ್ ನೀಡಿ ಕೇವಲ 1 ವಿಕೆಟ್ ಕೆಡವಿದ್ದರು. ಅಂತೂ ಐದು ಪಂದ್ಯಗಳ ಏಕದಿನ ಸರಣಿಯಲ್ಲಿ ಕುಲದೀಪ್ 50 ಓವರ್ಗೆ 302 ರನ್ ನೀಡಿ ಕೇವಲ 10 ವಿಕೆಟ್ ಸಾಧನೆ ಹೊಂದಿದ್ದಾರೆ. 30.20ಯ ಬೌಲಿಂಗ್ ಸರಾಸರಿಯಿದು. ಅತೀ ಕೆಟ್ಟ ಸರಾಸರಿಯೂ ಹೌದಿದು.