ಜೊತೆಯಾದ ಪಾಂಡ್ಯ ಜಡೇಜಾ
ಕೊಹ್ಲಿ ವಿಕೆಟ್ ಕಳೆದುಕೊಂಡ ಬಳಿಕ ಆಲ್ರೌಂಡರ್ಗಳಾದ ರವೀಂದ್ರ ಜಡೇಜಾ ಹಾಗೂ ಹಾರ್ದಿಕ್ ಪಾಂಡ್ಯ ಅದ್ಭುತ ಆಟವನ್ನು ಪ್ರದರ್ಶಿಸಿದರು. ನಿಧಾನಗತಿಯಲ್ಲಿ ಇನ್ನಿಂಗ್ಸ್ ಬೆಳೆಸಿದ ಈ ಜೋಡಿ ಅಂತಿಮವಾಗಿ ಆರ್ಭಟದ ಆಟವನ್ನು ಪ್ರದರ್ಶಿಸಿದರು. ಶತಕದ ಜೊತೆಯಾಟವನ್ನು ನೀಡಿದ್ದಾರೆ.
ದಾಖಲೆಯ ಜೊತೆಯಾಟ
ಪಾಂಡ್ಯ ಹಾಗೂ ಜಡೇಜಾ ಜೋಡಿ ಮುರಿಯದ ಆರನೇ ವಿಕೆಟ್ಗೆ ಬರ್ಜರಿ 150 ರನ್ಗಳ ಜೊತೆಯಾಟವನ್ನು ನೀಡಿದ್ದಾರೆ. ಇದು ಟೀಮ್ ಇಂಡಿಯಾ ಪರವಾಗಿ ಆರನೇ ವಿಕೆಟ್ಗೆ ದಾಖಲಾದ ಮೂರನೇ ಅತಿ ಹೆಚ್ಚಿನ ಜೊತೆಯಾಟವಾಗಿದೆ. 110 ಎಸೆತಗಳಲ್ಲಿ ಈ ಜೋಡಿ ಈ ಮೊತ್ತವನ್ನು ಕಲೆಹಾಕಿದೆ.
ಅರ್ಧ ಶತಕ ದಾಖಲು
ಐದನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಹಾರ್ದಿಕ್ ಪಾಂಡ್ಯ 76 ಎಸೆತಗಳಲ್ಲಿ 92 ರನ್ ಬಾರಿಸಿದರೆ ಬಳಿಕ ಬಂದ ರವೀಂದ್ರ ಜಡೇಜಾ 50 ಎಸೆತಗಳಲ್ಲಿ 66 ರನ್ ಸಿಡಿಸಿ ಮಿಂಚಿದರು. ಹಾರ್ದಿಕ್ ಪಾಂಡ್ಯ ಈ ಸರಣಿಯಲ್ಲಿ ಎರಡನೇ ಬಾರಿಗೆ 90+ ರನ್ ಗಳಿಸಿದ್ದಾರೆ.
ಉತ್ತಮ ಇನ್ನಿಂಗ್ಸ್ ಆಡಿದ ನಾಯಕ
ಇದಕ್ಕೂ ಮುನ್ನ ನಾಯಕ ವಿರಾಟ್ ಕೊಹ್ಲಿ ಕೂಡ ಆಸಿಸ್ ಬೌಲ್ಗಳ ವಿರುದ್ಧ ಉತ್ತಮ ಬ್ಯಾಟಿಂಗ್ ಪ್ರದರ್ಶನವನ್ನು ನೀಡಿದರು. 63 ರನ್ ಗಳಿಸಿದ ಕೊಹ್ಲಿ ಸರಣಿಯಲ್ಲಿ ಮೂರನೇ ಬಾರಿಯೂ ಹ್ಯಾಜಲ್ವುಡ್ಗೆ ವಿಕೆಟ್ ಒಪ್ಪಿಸಿದರು. ಆಸಿಸ್ ಪರವಾಗಿ ಹ್ಯಾಜಲ್ವಿಡ್, ಸೀನ್ ಅಬಾಟ್ ಹಾಗೂ ಜಂಪಾ ತಲಾ ಒಂದು ವಿಕೆಟ್ ಪಡೆದರೆ ಆಷ್ಟನ್ ಅಗರ್ ಎರಡು ವಿಕೆಟ್ ಕಿತ್ತರು.