ಸ್ವಲ್ಪದರಲ್ಲಿ ಕೈ ತಪ್ಪಿದ ದಾಖಲೆ
ಅಕ್ಷರ್ ಪಟೇಲ್ ಇಂಗ್ಲೆಂಡ್ ವಿರುದ್ಧ ಆಡಿದ ಅಂತಿಮ ಮೂರು ಇನ್ನಿಂಗ್ಸ್ಗಳಲ್ಲಿ ಐದು ವಿಕೆಟ್ಗಳ ಗೊಂಚಲನ್ನು ಪಡೆದುಕೊಂಡಿದುಕೊಂಡಿದ್ದರು. ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯ ನಾಲ್ಕನೇ ಪಂದ್ಯದಲ್ಲಿ ಈ ಸಾಧನೆಯನ್ನು ಮಾಡುವ ಅಪೂರ್ವ ಅವಕಾಶ ಅಕ್ಷರ್ ಪಟೇಲ್ ಮುಂದಿತ್ತು. ಆದರೆ ನಾಲ್ಕು ವಿಕೆಟ್ ಕಬಳಿಸಿದ ಅಕ್ಷರ್ ಪಟೇಲ್ಗೆ ಮತ್ತೊಂದು ವಿಕೆಟ್ ತನ್ನದಾಗಿಸಲು ಸಾಧ್ಯವಾಗಲಿಲ್ಲ.
ಸತತ 4 ಇನ್ನಿಂಗ್ಸ್ಗಳಲ್ಲಿ ಭಜ್ಜಿ ಸಾಧನೆ
2001 ರಲ್ಲಿ ಹರ್ಭಜನ್ ಸಿಂಗ್ ಆಸ್ಟ್ರೇಲಿಯಾ ವಿರುದ್ಧ ಈ ಸಾಧನೆಯನ್ನು ಮಾಡಿದ್ದರು. ಸ್ಟೀವ್ ವಾ ನೇತೃತ್ವದ ಬಲಿಷ್ಠ ತಂಡಕ್ಕೆ ಹರ್ಭಜನ್ ಸಿಂಗ್ ಅಕ್ಷರಶಃ ಕಂಟಕವಾಗಿ ಪರಿಣಮಿಸಿದ್ದರು. ಆ ಸರಣಿಯ ನಾಲ್ಕು ಪಂದ್ಯಗಳಲ್ಲಿ ಹರ್ಭಜನ್ ಸಿಂಗ್ 28 ವಿಕೆಟ್ ಪಡೆದುಕೊಂಡಿದ್ದರು. ಇದರಲ್ಲಿ ಸತತ 4 ಐದು ವಿಕೆಟ್ಗಳ ಗೊಂಚಲು ಸೇರಿತ್ತು.
ಏಕೈಕ ಬೌಲರ್ ಎಂಬ ಹೆಗ್ಗಳಿಕೆ
ಈ ಮೂಲಕ ಸತತ ನಾಲ್ಕು ಐದು ವಿಕೆಟ್ಗಳ ಗೊಂಚಲು ಪಡೆದ ಏಕೈಕ ಬೌಲರ್ ಎನಿಸಿದ್ದಾರೆ ಹರ್ಭಜನ್ ಸಿಂಗ್. ಕೊಲ್ಕತ್ತಾ ಟೆಸ್ಟ್ನ ಎರಡು ಇನ್ನಿಂಗ್ಸ್ಗಳಲ್ಲಿ 7/123 ಹಾಗೂ 6/73 ಮತ್ತು ಚೆನ್ನೈ ಪಂದ್ಯದಲ್ಲಿ 7/133 ಹಾಗೂ 8/84 ವಿಕೆಟ್ ಪಡೆದು ಸಾಧನೆ ಮಾಡಿದ್ದರು.