Click it and Unblock the Notifications
ಪಂತ್ ಸ್ಫೋಟಕ ಅರ್ಧ ಶತಕ
ದೀರ್ಘ ಸಮಯದ ಬಳಿಕ ಏಕದಿನ ತಂಡದಲ್ಲಿ ಆಡಿದ್ದ ಭಾರತದ ವಿಕೆಟ್ ಕೀಪರ್ ರಿಷಭ್ ಪಂತ್ ರಿಷಭ್ ಪುಣೆ ಪಂದ್ಯದಲ್ಲಿ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶಿಸಿದ್ದರು. 40 ಎಸೆತಗಳಲ್ಲಿ 77 ರನ್ ಕೊಡುಗೆ ನೀಡಿದ್ದರು. ಇದರಲ್ಲಿ 3 ಫೋರ್ಸ್, 7 ಸಿಕ್ಸರ್ ಸೇರಿತ್ತು (ಪಂದ್ಯದ ಸಂಕ್ಷಿಪ್ತ ಸ್ಕೋರ್‌: ಭಾರತ 336 ರನ್, 6 wkts, 50 Ov, ಇಂಗ್ಲೆಂಡ್: 337 ರನ್, 4 wkts, 43.3 Ov). ಐಪಿಎಲ್‌ನಲ್ಲಿ ಪಂತ್ ಡೆಲ್ಲಿ ಕ್ಯಾಪಿಟಲ್ಸ್‌ನ ಪ್ರಮುಖ ಬ್ಯಾಟ್ಸ್‌ಮನ್‌.
— Aditya Das (lodulalit001) March 26, 2021 |
ಔಟಾಗದೆ ಉಳಿದಿದ್ದ ಪಂತ್
40ನೇ ಓವರ್‌ನಲ್ಲಿ ಟಾಮ್ ಕರನ್ ಎಸೆತದ ವೇಳೆ ಪಂತ್ ಅವರನ್ನು ಲೆಗ್‌ ಬಿಫೋರ್ ವಿಕೆಟ್ (ಎಲ್‌ಬಿಡಬ್ಲ್ಯೂ) ಎಂದು ಔಟ್ ತೀರ್ಪು ನೀಡಲಾಗಿತ್ತು. ಪಂತ್ ಕೂಡಲೇ ಡಿಸಿಶನ್ ರಿವ್ಯೂ ಸಿಸ್ಟಮ್ (ಡಿಆರ್‌ಎಸ್) ಮೊರೆ ಹೋದರು. ರಿಪ್ಲೇ ಗಮನಿಸಿದಾಗ ಅದರಲ್ಲಿ ಚೆಂಡು ಪಂತ್ ಅವರ ಕ್ರಿಕೆಟ್ ಬ್ಯಾಟ್‌ಗೆ ತಾಗಿದ್ದು ಕಾಣಿಸಿತ್ತು. ಹೀಗಾಗಿ ಔಟ್ ತೀರ್ಪನ್ನು ರಿವರ್ಸ್ ಮಾಡುವಂತೆ ಆನ್ ಫೀಲ್ಡ್‌ ಅಂಪೈರ್‌ಗೆ ಸೂಚಿಸಲಾಯ್ತು. ಪಂತ್ ಔಟಾಗದೆ ಉಳಿದರು. ಆದರೆ ಬ್ಯಾಟ್ ತಾಗಿ ಬೌಂಡರಿ ಗೆರೆ ತಾಗಿದ್ದ ಚೆಂಡಿಗೆ 4 ರನ್ ನೀಡಲಿಲ್ಲ. ಇದರ ಬಗ್ಗೆ ಪಂತ್ ಮುಖದಲ್ಲೂ ಅಸಮಾಧಾನ ಸುಳಿದಾಡಿತ್ತು.
ತಂಡಕ್ಕೆ ಯಾಕೆ ರನ್ ನೀಡಲಿಲ್ಲ?
ಬ್ಯಾಟ್ ತಾಗಿ ಚೆಂಡು ಬೌಂಡರಿ ಗೆರೆ ತಾಗಿದ್ದರೂ ತಂಡಕ್ಕೆ ರನ್ ಸೇರ್ಪಡೆಯಾಗದಿರುವುದಕ್ಕೆ ವಿಚಿತ್ರ ಕಾರಣವಿದೆ. ಐಸಿಸಿಯ ಡಿಆರ್‌ಎಸ್ ಶರತ್ತು 3.7ರ ಪ್ರಕಾರ, 'ಒಬ್ಬ ಆಟಗಾರ ರಿವ್ಯೂಗೆ ವಿನಂತಿ ಮಾಡಿಕೊಂಡರೆ, ಅಸಲಿ ತೀರ್ಪು ಔಟ್ ಇದ್ದಿದ್ದು ನಾಟ್‌ಔಟ್ ಎಂದು ಬದಲಾದಾಗ, ಒರಿಜಿನಲ್ ತೀರ್ಪು ಬದಲಾದ ಕೂಡಲೇ ಎಸೆತವನ್ನು ಡೆಡ್ ಬಾಲ್ ಎಂದು ಪರಿಗಣಿಸಲಾಗುತ್ತದೆ. ಬ್ಯಾಟಿಂಗ್ ತಂಡಕ್ಕೆ ಔಟ್‌ಗೆ ಬದಲಾಗಿ ನಾಟ್‌ಔಟ್ ಲಾಭ ಸಿಗುತ್ತದೆ. ಆದರೆ ಯಾವುದೇ ರನ್‌ನ ಲಾಭ ಸಿಗುವುದಿಲ್ಲ,' ಎಂದಿದೆ. ಹೀಗಾಗಿಯೇ ಪಂತ್ ಬ್ಯಾಟ್ ತಾಗಿದ ಚೆಂಡು ಬೌಂಡರಿ ಗೆರೆ ದಾಟಿದ್ದರೂ ತಂಡಕ್ಕೆ ರನ್ ಸೇರ್ಪಡೆಯಾಗಿರಲಿಲ್ಲ.
