|
ಪಂದ್ಯದಲ್ಲಿ ಶತಕ ಮತ್ತು 5 ವಿಕೆಟ್
ಟಿ20 ಅಂತರರಾಷ್ಟ್ರೀಯ ಪಂದ್ಯವೊಂದರಲ್ಲಿ ತಂಡವೊಂದರ ಆಟಗಾರರು ಶತಕ ಮತ್ತು ಐದು ವಿಕೆಟ್ ಸಾಧನೆ ಮಾಡಿರುವುದು ಇದು ಎರಡನೆಯ ನಿದರ್ಶನ.
2015ರಲ್ಲಿ ಡರ್ಬನ್ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾದ ಮಾರ್ನ್ ವಾನ್ ವೈಕ್ ಅಜೇಯ 114 ರನ್ ಗಳಿಸಿದ್ದರೆ, ವೇಗಿ ಡೇವಿಡ್ ವೈಸ್ 23 ರನ್ ನೀಡಿ 5 ವಿಕೆಟ್ ಪಡೆದಿದ್ದರು.
ಇಂಗ್ಲೆಂಡ್ ವಿರುದ್ಧ ಬುಧವಾರ ನಡೆದ ಪಂದ್ಯದಲ್ಲಿ ಕೆ.ಎಲ್. ರಾಹುಲ್ ಔಟಾಗದೆ 101 ರನ್ ಬಾರಿಸಿದರೆ, ಕುಲದೀಪ್ ಯಾದವ್ 24 ರನ್ ನೀಡಿ 5 ವಿಕೆಟ್ ಪಡೆದರು.
|
ಕೊಹ್ಲಿ ವೇಗದ 2,000 ರನ್
ಟಿ20ಯಲ್ಲಿ 2,000 ರನ್ ಗಡಿ ದಾಟಿದ ನಾಲ್ಕನೆಯ ಆಟಗಾರ ಎಂಬ ಕೀರ್ತಿಗೆ ವಿರಾಟ್ ಕೊಹ್ಲಿ ಭಾಜನರಾದರು. ಜತೆಗೆ ಕಡಿಮೆ ಪಂದ್ಯದಲ್ಲಿ ಈ ಸಾಧನೆ ಮಾಡಿದ ಹೆಮ್ಮಯೂ ಅವರದಾಯಿತು.
ಅತಿ ವೇಗದ 1,000 ರನ್ ಸಾಧನೆ ಮಾಡಿದ ದಾಖಲೆಯೂ ಕೊಹ್ಲಿ ಹೆಸರಿನಲ್ಲಿದೆ. ಕೇವಲ 27 ಪಂದ್ಯಗಳಲ್ಲಿ ಕೊಹ್ಲಿ ಸಾವಿರ ರನ್ ದಾಟಿದ್ದರು.
ವಿರಾಟ್ ಕೊಹ್ಲಿ, ಭಾರತ- 56 ಪಂದ್ಯ
ಬ್ರೆಂಡನ್ ಮೆಕಲಂ, ನ್ಯೂಜಿಲೆಂಡ್- 66 ಪಂದ್ಯ
ಮಾರ್ಟಿನ್ ಗುಪ್ಟಿಲ್, ನ್ಯೂಜಿಲೆಂಡ್- 68 ಪಂದ್ಯ
ಶೋಯೆಬ್ ಮಲಿಕ್, ಪಾಕಿಸ್ತಾನ- 92 ಪಂದ್ಯ
|
ಒಂದೇ ದಿನ ಎರಡು ಶತಕ
ಒಂದೇ ದಿನ ನಡೆದ ಟಿ20 ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಎರಡು ಶತಕಗಳು ದಾಖಲಾಗಿದ್ದು ಇದು ಎರಡನೆಯ ಬಾರಿ. ಈ ಎರಡೂ ಉದಾಹರಣೆಗಳಲ್ಲಿ ಕೆ.ಎಲ್. ರಾಹುಲ್ ಭಾಗಿಯಾಗಿದ್ದಾರೆ ಎನ್ನುವುದು ವಿಶೇಷ.
ವೆಸ್ಟ್ ಇಂಡೀಸ್ ಮತ್ತು ಭಾರತ ನಡುವೆ ನಡೆದ ಪಂದ್ಯದಲ್ಲಿ ವಿಂಡೀಸ್ನ ಎವಿನ್ ಲೆವಿಸ್ ಶತಕ ಗಳಿಸಿದ್ದರೆ, ಅದೇ ಪಂದ್ಯದಲ್ಲಿ ರಾಹುಲ್ ಶತಕ ಗಳಿಸಿದ್ದರು.
ಎವಿನ್ ಲೆವಿಸ್ (ವೆಸ್ಟ್ ಇಂಡೀಸ್) -100 ಮತ್ತು ಕೆ.ಎಲ್. ರಾಹುಲ್ 110* - 2016, ಆಗಸ್ಟ್ 27
ಆರೋನ್ ಫಿಂಚ್ (ಆಸ್ಟ್ರೇಲಿಯಾ)- 172 ಮತ್ತು ಕೆ.ಎಲ್. ರಾಹುಲ್ 101* - 2018, ಜುಲೈ 3
ಭಾರತದ ಪರ ಐದನೇ ಶತಕ
118 ರೋಹಿತ್ ಶರ್ಮಾ Vs ಶ್ರೀಲಂಕಾ, 2017
110* ಕೆ.ಎಲ್. ರಾಹುಲ್ Vs ವೆಸ್ಟ್ ಇಂಡೀಸ್, 2016
106 ರೋಹಿತ್ ಶರ್ಮಾ Vs ದಕ್ಷಿಣ ಆಫ್ರಿಕಾ, 2015
101 ಸುರೇಶ್ ರೈನಾ Vs ದಕ್ಷಿಣ ಆಫ್ರಿಕಾ, 2010
101* ಕೆ.ಎಲ್. ರಾಹುಲ್ Vs ಇಂಗ್ಲೆಂಡ್, 2018
ಮೂರನೇ ಭಾರತೀಯ ಬೌಲರ್
ಕುಲದೀಪ್ ಯಾದವ್ ಟಿ20 ಪಂದ್ಯವೊಂದರಲ್ಲಿ ಐದು ವಿಕೆಟ್ ಕಬಳಿಸಿದ ಭಾರತದ ಮೂರನೇ ಬೌಲರ್ ಎಂದೆನಿಸಿಕೊಂಡರು.
ಇದಕ್ಕೂ ಮೊದಲು ಯಜುರ್ವೇಂದ್ರ ಚಾಹಲ್ ಮತ್ತು ಭುವನೇಶ್ವರ್ ಕುಮಾರ್ ಐದು ವಿಕೆಟ್ ಪಡೆದಿದ್ದರು. 2017ರಲ್ಲಿ ಯುಜುರ್ವೇಂದ್ರ ಚಾಹಲ್ ಇಂಗ್ಲೆಂಡ್ ವಿರುದ್ಧ 27 ರನ್ ನೀಡಿ 6 ವಿಕೆಟ್ ಪಡೆದಿದ್ದರು. 2018ರ ಫೆಬ್ರುವರಿಯಲ್ಲಿ ಭುವನೇಶ್ವರ್ ಕುಮಾರ್ ದಕ್ಷಿಣ ಆಫ್ರಿಕಾ ವಿರುದ್ಧ 24 ರನ್ ನೀಡಿ 5 ವಿಕೆಟ್ ಪಡೆದಿದ್ದರು.