ಸಚಿನ್-ಗಂಗೂಲಿ ಹೆಸರಿನಲ್ಲಿದೆ ದೊಡ್ಡ ದಾಖಲೆ
ಆರಂಭಿಕ ಆಟಗಾರರಲ್ಲಿ ಭಾರತದ ದಿಗ್ಗಜ ಜೋಡಿಯಾದ ಸಚಿನ್ ತೆಂಡೂಲ್ಕರ್ ಹಾಗೂ ಸೌರವ್ ಗಂಗೂಲಿ ಜೋಡಿ 26 ಶತಕದ ಜೊತೆಯಾಟವನ್ನು ನೀಡಿ ಅತಿ ಹೆಚ್ಚಿನ ಬಾರಿ ಈ ಸಾಧನೆ ಮಾಡಿದ ಜೋಡಿ ಎನಿಸಿದೆ. ಒಟ್ಟಾರೆ ಶತಕದ ಜೊತೆಯಾಟವನ್ನು ನೀಡಿದ ಪಟ್ಟಿಯಲ್ಲಿ ಶರ್ಮಾ-ಧವನ್ ಜೋಡಿ 3ನೇ ಸ್ಥಾನದಲ್ಲಿದ್ದಾರೆ. ಸಚಿನ್ ಹಾಗೂ ಗಂಗೂಲಿ ಜೋಡಿ ಮೊದಲ ಸ್ಥಾನದಲ್ಲಿದ್ದರೆ ಎರಡನೇ ಸ್ಥಾನದಲ್ಲಿ ಟೀಮ್ ಇಂಡಿಯಾದ ಸ್ಟಾರ್ ಆಟಗಾರರಾದ ವಿರಾಟ್ ಕೊಹ್ಲಿ ಹಾಗೂ ರೋಹಿತ್ ಶರ್ಮಾ ಇದ್ದಾರೆ. ಶರ್ಮಾ-ಕೊಹ್ಲಿ ಜೋಡಿ 18 ಶತಕದ ಜೊತೆಯಾಟವನ್ನು ನೀಡಿದೆ.
ಉತ್ತಮ ಆರಂಭ ನೀಡಿದ ಆರಂಭಿಕ ಜೋಡಿ
ಇಂಗ್ಲೆಂಡ್ ವಿರುದ್ಧದ 3ನೇ ಪಂದ್ಯದಲ್ಲಿ ರೋಹಿತ್ ಶರ್ಮಾ ಹಾಗೂ ಶಿಖರ್ ಧವನ್ ಆರಂಭಿಕರಾಗಿ 103 ರನ್ಗಳ ಕೊಡುಗೆ ನೀಡಿದರು. ಆದಿಲ್ ರಶೀದ್ಗೆ ಬೌಲ್ಡ್ ಆಗುವ ಮೂಲಕ ಈ ಜೋಡಿ ಬೇರ್ಪಟ್ಟಿತು. ರೋಹಿತ್ ಶರ್ಮಾ 37 ರನ್ಗಳಿಗೆ ವಿಕೆಟ್ ಒಪ್ಪಿಸಿದರು. ಶಿಖರ್ ಧವನ್ ಈ ಪಂದ್ಯದಲ್ಲಿ ಮತ್ತೊಂದು ಅರ್ಧ ಶತಕವನ್ನು ಬಾರಿಸಿದ್ದು 67 ರನ್ಗಳಿಸಿ ಔಟಾದರು.
ಭಾರತದ ಪರ ದೀರ್ಘ ಕಾಲದಿಂದ ಆರಂಭಿಕರು
ಶಿಖರ್ ಧವನ್ ಹಾಗೂ ರೋಹಿತ್ ಶರ್ಮಾ ಜೋಡಿ 2013ರಲ್ಲಿ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಮೊಟ್ಟ ಮೊದಲ ಬಾರಿಗೆ ಆರಂಭಿಕರಾಗಿ ಕಣಕ್ಕಿಳಿದಿದ್ದರು. ಬಳಿಕ ನಿರಂತರವಾಗಿ ಭಾರತದ ಪರವಾಗಿ ಆರಂಭಿಕರಾಗಿ ಕಣಕ್ಕಿಳಿದಿರುವ ಈ ಜೋಡಿ ಸಾಕಷ್ಟು ಅದ್ಭುತವಾದ ಇನ್ನಿಂಗ್ಸ್ಅನ್ನು ಭಾರತಕ್ಕೆ ನೀಡಿದೆ. ಈ ಮೂಲಕ ಹಲವಾರು ಭಾರತದ ಗೆಲುವುಗಳಿಗೆ ಈ ಜೋಡಿ ಬುನಾದಿ ಒದಗಿಸಿದೆ.