ಟಿ20ಐನಲ್ಲಿ 3000 ರನ್
ಟಿ20ಐ ಕ್ರಿಕೆಟ್ನಲ್ಲಿ 78 ಪಂದ್ಯಗಳನ್ನಾಡಿರುವ ವಿರಾಟ್ ಕೊಹ್ಲಿ 3078 ರನ್ ಗಳಿಸಿದ್ದಾರೆ. ಇದರಲ್ಲಿ 27 ಅರ್ಧ ಶತಕಗಳು ಸೇರಿವೆ. ಇನ್ನು 91 ಟೆಸ್ಟ್ ಪಂದ್ಯಗಳಲ್ಲಿ 7490 ರನ್, 251 ಏಕದಿನ ಪಂದ್ಯಗಳಲ್ಲಿ 12040 ರನ್, 302 ಟಿ20 ಪಂದ್ಯಗಳಲ್ಲಿ 9650 ರನ್ ದಾಖಲೆ ಹೊಂದಿದ್ದಾರೆ.
ವಿಲಿಯಮ್ಸನ್ ದಾಖಲೆ ಸರಿಸಮ
ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಲ್ಲಿ ನಾಯಕರಾಗಿದ್ದುಕೊಂಡು ಅತೀ ಹೆಚ್ಚು ಅರ್ಧ ಶತಕ ಬಾರಿಸಿದ ದಾಖಲೆ ನ್ಯೂಜಿಲೆಂಡ್ನ ನಾಯಕ ಕೇನ್ ವಿಲಿಯಮ್ಸನ್ ಅವರ ಹೆಸರಿನಲ್ಲಿತ್ತು. ವಿಲಿಯಮ್ಸನ್ ನಾಯಕರಾಗಿ ಟಿ20ಯಲ್ಲಿ 11 ಅರ್ಧ ಶತಕಗಳನ್ನು ಬಾರಿಸಿದ್ದರು. ಈಗ ವಿರಾಟ್ ಕೊಹ್ಲಿ ಕೂಡ ಈ ದಾಖಲೆಯನ್ನು ಸರಿದೂಗಿಸಿದ್ದಾರೆ. ಟಿ20ಐನಲ್ಲಿ ನಾಯಕರಾಗಿ ಕೊಹ್ಲಿ ಒಟ್ಟು 11 ಅರ್ಧಶತಕಗಳನ್ನು ಬಾರಿಸಿದಂತಾಗಿದೆ.
ಪಂದ್ಯದ ಸಂಕ್ಷಿಪ್ತ ಸ್ಕೋರ್
* ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಭಾರತ, ರೋಹಿತ್ ಶರ್ಮಾ 15, ಇಶಾನ್ ಕಿಶನ್ 4, ನಾಯಕ ವಿರಾಟ್ ಕೊಹ್ಲಿ 77 (46 ಎಸೆತ), ರಿಷಭ್ ಪಂತ್ 25, ಶ್ರೇಯಸ್ ಐಯ್ಯರ್ 9, ಹಾರ್ದಿಕ್ ಪಾಂಡ್ಯ 17 ರನ್ ಸೇರಿಸಿದರು. ಭಾರತ 20 ಓವರ್ಗೆ 6 ವಿಕೆಟ್ ಕಳೆದು 156 ರನ್ ಗಳಿಸಿತು.
* ಗುರಿ ಬೆನ್ನಟ್ಟಿದ ಇಂಗ್ಲೆಂಡ್, ಜೇಸನ್ ರಾಯ್ 9, ಡೇವಿಡ್ ಮಲಾನ್ 18, ಜೋಸ್ ಬಟ್ಲರ್ ಅಜೇಯ 83, ಜಾನಿ ಬೇರ್ಸ್ಟೋವ್ ಅಜೇಯ 40 ರನ್ ಸೇರ್ಪಡೆಯೊಂದಿಗೆ 18.2 ಓವರ್ಗೆ 2 ವಿಕೆಟ್ ನಷ್ಟದಲ್ಲಿ 158 ರನ್ ಬಾರಿಸಿ ಗೆಲುವನ್ನಾಚರಿಸಿತು.