4 ಆರಂಭಿಕ ಬ್ಯಾಟ್ಸ್ಮನ್ಗಳು
ಇಂಗ್ಲೆಂಡ್ನಲ್ಲಿರುವ ಭಾರತ ತಂಡದಲ್ಲೀಗ ರೋಹಿತ್ ಶರ್ಮಾ, ಕೆಎಲ್ ರಾಹುಲ್, ಮಯಾಂಕ್ ಅಗರ್ವಾಲ್ ಮತ್ತು ಅಭಿಮನ್ಯು ಈಶ್ವರನ್ ಹೀಗೆ ನಾಲ್ವರು ಆರಂಭಿಕ ಬ್ಯಾಟ್ಸ್ಮನ್ಗಳಿದ್ದಾರೆ. ಇದೇ ಕಾರಣಕ್ಕೆ ಬಿಸಿಸಿಐ ಆಯ್ಕೆ ಸಮಿತಿ ಗಿಲ್ಗೆ ಬದಲಿ ಆಟಗಾರರನ್ನು ಇಂಗ್ಲೆಂಡ್ಗೆ ಕಳುಹಿಸಿಕೊಟ್ಟಿಲ್ಲ.
ರೋಹಿತ್ಗೆ ಮಯಾಂಕ್ ಜೋಡಿ?
ಮಯಾಂಕ್ ಅಗರ್ವಾಲ್ ಮತ್ತು ಕೆಲ್ ರಾಹುಲ್ ಸದ್ಯ ಫಾರ್ಮ್ನಲ್ಲಿಲ್ಲ. ಹೀಗಾಗಿಯೇ ನಿರ್ವಹಣಾ ಸದಸ್ಯರು ಗಿಲ್ಗೆ ಬದಲಿ ಆಟಗಾರನಿಗಾಗಿ ಕೋರಿಕೊಂಡಿತ್ತು. ಆದರೆ ಆಯ್ಕೆ ಸಮಿತಿ ಇದಕ್ಕೆ ಸ್ಪಂದಿಸಿಲ್ಲವಾದ್ದರಿಂದ ಟೆಸ್ಟ್ ಸರಣಿಯಲ್ಲಿ ರೋಹಿತ್ ಜೊತೆಗೆ ಮಯಾಂಕ್ ಆಡುವ ಸಾಧ್ಯತೆಯಿದೆ.
ಏಕಕಾಲಕ್ಕೆ ಎರಡೆರಡು ಪ್ರವಾಸ
ಭಾರತ ಎರಡು ತಂಡಗಳಾಗಿ ಬೇರೆ ಬೇರೆ ಪ್ರವಾಸದಲ್ಲಿದೆ. ಒಂದು ತಂಡ ಶ್ರೀಲಂಕಾದಲ್ಲಿದ್ದು, ಭಾರತ-ಶ್ರೀಲಂಕಾ ಮಧ್ಯೆ ಸೀಮಿತ ಓವರ್ಗಳ ಸರಣಿ ಜುಲೈ 13ರಿಂದ ಆರಂಭಗೊಳ್ಳಲಿದೆ. ಈ ತಂಡಕ್ಕೆ ಶಿಖರ್ ಧವನ್ ನಾಯಕರಾಗಿದ್ದಾರೆ. ಮತ್ತೊಂದು ತಂಡ ಇಂಗ್ಲೆಂಡ್ನಲ್ಲಿದ್ದು ಆತಿಥೇಯರ ವಿರುದ್ಧ ಐದು ಪಂದ್ಯಗಳ ಟೆಸ್ಟ್ ಸರಣಿ ಆಡಲಿದೆ. ಆಗಸ್ಟ್ 4ರಿಂದ ಈ ಟೆಸ್ಟ್ ಸರಣಿ ಶುರುವಾಗಲಿದೆ. ಇಲ್ಲಿರುವ ತಂಡಕ್ಕೆ ಎಂದಿನ ನಾಯಕ ವಿರಾಟ್ ಕೊಹ್ಲಿ ನಾಯಕರಾಗಿರಲಿದ್ದಾರೆ.