Click it and Unblock the Notifications
21 ರನ್ ಗಳಿಸಿ ಔಟಾದ ಶುಭ್‌ಮನ್ ಗಿಲ್
ರೋಹಿತ್ ಶರ್ಮಾ ಮತ್ತು ಶುಭ್‌ಮನ್ ಗಿಲ್ ಅವರ ಆರಂಭಿಕ 35 ರನ್ ಜೊತೆಯಾಟ ಹಠಾತ್ತನೆ ಕೊನೆಗೊಂಡಿತು. ಕಿರಿಯ ಆರಂಭಿಕ ಆಟಗಾರ ಶುಭ್‌ಮನ್ ಗಿಲ್ ಅವರು ವಿಲ್ ಡೇವಿಸ್ ಅವರ ಎಸೆತದಲ್ಲಿ 21 ರನ್ ಗಳಿಸಿ ಔಟಾದರು. ಅವರ ಕ್ಯಾಚ್ ಅನ್ನು ವಿಕೆಟ್ ಕೀಪರ್ ರಿಷಭ್ ಪಂತ್ ಪಡೆದರು.
ಲೀಸೆಸ್ಟರ್‌ನಲ್ಲಿ ಭಾರತದ ವಿಕೆಟ್‌ಗಳು ಪತನಗೊಳ್ಳುತ್ತಲೇ ಇದ್ದವು. ಮೂರು ಪ್ರಮುಖ ಭಾರತ ಬ್ಯಾಟರ್‌ಗಳು ತ್ವರಿತವಾಗಿ ನಿರ್ಗಮಿಸಿದರು. ನಾಯಕ ರೋಹಿತ್ ಶರ್ಮಾ (25), ಹನುಮ ವಿಹಾರಿ (3) ಮತ್ತು ಶ್ರೇಯಸ್ ಅಯ್ಯರ್ (0) ಬೇಗನೆ ಗಿಲ್‌ರನ್ನು ಅನುಸರಿಸಿದರು.
ವಿಲ್ ಡೇವಿಸ್ ಮತ್ತು ರೋಮನ್ ವಾಕರ್ ಮಾರಕ ಬೌಲಿಂಗ್
ಇದೇ ಆಲ್‌ರೌಂಡರ್ ರವೀಂದ್ರ ಜಡೇಜಾ (13) ಕೂಡ ಬೆಳಗಿನ ಅವಧಿಯಲ್ಲಿ ಔಟಾದ ಐದನೇ ಬ್ಯಾಟರ್ ಆಗಿದ್ದು, ಊಟದ ವೇಳೆಗೆ ಭಾರತ 90/5 ಗಳಿಸಿತ್ತು. ಲೀಸೆಸ್ಟರ್‌ಶೈರ್ ವೇಗಿಗಳಾದ ವಿಲ್ ಡೇವಿಸ್ ಮತ್ತು ರೋಮನ್ ವಾಕರ್ ಅವರ ದಾಳಿಗೆ ಭಾರತದ ಅಗ್ರ ಕ್ರಮಾಂಕದ ದಾಂಡಿಗರು ತರಗಲೆಗಳಂತೆ ಉರುಳಿದರು.
ಮಾಝಿ ನಾಯಕ ವಿರಾಟ್ ಕೊಹ್ಲಿ ಮತ್ತು ಶ್ರೀಕಾರ್ ಭರತ್ ಮಧ್ಯಾಹ್ನದ ನಂತರ 57 ರನ್‌ಗಳ ಜೊತೆಯಾಟದೊಂದಿಗೆ ಆರಂಭದಲ್ಲಿ ಭಾರತಕ್ಕೆ ಆಗಿದ್ದ ಹಾನಿಯನ್ನು ಸರಿಪಡಿಸುವ ಪ್ರಯತ್ನ ಮಾಡಿದರು.
Ind vs Eng: ಭಾರತ ವಿರುದ್ಧ ಆಡಲಿದ್ದಾರೆ ಪೂಜಾರ, ಪಂತ್, ಬುಮ್ರಾ, ಪ್ರಸಿದ್ಧ್ ಕೃಷ್ಣ!
69 ಎಸೆತಗಳಲ್ಲಿ 33 ರನ್ ಬಾರಿಸಿದ ವಿರಾಟ್ ಕೊಹ್ಲಿ
ವಿರಾಟ್ ಕೊಹ್ಲಿ ಅವರ 33 ರನ್ 69 ಎಸೆತಗಳಲ್ಲಿ ಬಂದವು ಮತ್ತು ಪ್ರಸಿದ್ಧ್ ಕೃಷ್ಣ ಅವರ ಓವರ್‌ನಲ್ಲಿ ಒಂದು ದೊಡ್ಡ ಸಿಕ್ಸರ್ ಸೇರಿದಂತೆ ಐದು ಬೌಂಡರಿಗಳನ್ನು ಬಾರಿಸಿದರು. ಲೀಸೆಸ್ಟರ್‌ಶೈರ್ ಮಾಜಿ ನಾಯಕ ರೋಮನ್ ವಾಕರ್ ಅವರ ಓವರ್‌ನಲ್ಲಿ ಕ್ಯಾಚ್ ನೀಡಿ ಪೆವಿಲಿಯನ್ ಸೇರಿದರು.
ಕೆಎಸ್ ಭರತ್ ಅವರ ಸಮಯೋಚಿತ ಅರ್ಧಶತಕದೊಂದಿಗೆ ಮೊದಲ ಬಾರಿಗೆ ಭಾರತದ ಟೆಸ್ಟ್ ಕ್ಯಾಪ್‌ಗಾಗಿ ತಮ್ಮನ್ನು ಸಾಬೀತುಪಡಿಸಿಕೊಂಡರು ಅಲ್ಲದೇ, ಭಾರತದ ಪರವಾಗಿ ಅಗ್ರ ಸ್ಕೋರ್ ಮಾಡಿದರು.
ರಾಷ್ಟ್ರೀಯ ತಂಡದ ಬಾಗಿಲು ತಟ್ಟುತ್ತಿರುವ ಕೆಎಸ್ ಭರತ್
28 ವರ್ಷ ವಯಸ್ಸಿನ ವಿಕೆಟ್‌ಕೀಪರ್-ಬ್ಯಾಟರ್ ಕೆಎಸ್ ಭರತ್ ಮೂರು ವರ್ಷಗಳಿಂದ ವೈಟ್-ಬಾಲ್ ಮತ್ತು ರೆಡ್-ಬಾಲ್ ಕ್ರಿಕೆಟ್ ಎರಡರಲ್ಲೂ ಉತ್ತಮ ಪ್ರದರ್ಶನ ನೀಡುತ್ತಾ ರಾಷ್ಟ್ರೀಯ ತಂಡದ ಬಾಗಿಲು ತಟ್ಟುತ್ತಿದ್ದಾರೆ.
ಜಸ್ಪ್ರೀತ್ ಬುಮ್ರಾ ಒಂಬತ್ತು ಓವರ್‌ಗಳನ್ನು ಬೌಲ್ ಮಾಡಿ ಯಾವುದೇ ವಿಕೆಟ್ ಪಡೆಯದಿದ್ದರೂ, ಭಾರತದ ರನ್ ವೇಗಕ್ಕೆ ಕಡಿವಾಣ ಹಾಕಿದರು. ಆದರೆ ಪ್ರಸಿದ್ಧ್ ಕೃಷ್ಣ ಉತ್ತಮ ಓವರ್‌ಗಳ ಮಾಡುವುದರ ಜೊತೆಗೆ ಶ್ರೇಯಸ್ ಅಯ್ಯರ್ ಅವರ ವಿಕೆಟ್ ಪಡೆದರು. ಎರಡನೇ ದಿನಾದಾಟ ಶುಕ್ರವಾರವೂ ಮುಂದುವರೆಯಲಿದೆ. ಕೆಎಸ್ ಭರತ್ ಅಜೇಯ 70 ಮತ್ತು ಮೊಹಮ್ಮದ್ ಶಮಿ 18 ರನ್ ಗಳಿಸಿ ಬ್ಯಾಟ್ ಮಾಡುತ್ತಿದ್ದಾರೆ.
