ಭಾರತ-ಕಿವೀಸ್ ಸೂಪರ್ ಓವರ್
ಬುಧವಾರದ ಸೂಪರ್ ಓವರ್ ಪಂದ್ಯದಲ್ಲಿ ನ್ಯೂಜಿಲೆಂಡ್ 17 ರನ್ ಬಾರಿಸಿತ್ತು. ಭಾರತ 4 ಎಸೆತಗಳಲ್ಲಿ 8 ರನ್ ಗಳಿಸಿತ್ತು. 2 ಎಸೆಗಳಲ್ಲಿ ಭಾರತದ ಗೆಲುವಿಗೆ ಇನ್ನೂ 10 ರನ್ಗಳು ಬೇಕಿತ್ತು. ರೋಹಿತ್ ಶರ್ಮಾ ಸಿಕ್ಸ್ ಬಾರಿಸಿ ಪಂದ್ಯ ಗೆಲ್ಲಿಸಿದ್ದರಲ್ಲದೆ, ಗೆಲುವಿನ ಕ್ರೆಡಿಟ್ ತಾನು ತೆಗೆದುಕೊಳ್ಳದೆ, ಗೆಲುವಿನ ಶ್ರೇಯಸ್ಸು ಬೌಲರ್ ಮೊಹಮ್ಮದ್ ಶಮಿಗೂ ಸಲ್ಲಬೇಕು ಎಂದಿದ್ದರು.
ಭಾರತ ಮತ್ತು ಸೂಪರ್ ಓವರ್
ಅಂದ್ಹಾಗೆ ಟಿ20 ಕ್ರಿಕೆಟ್ನಲ್ಲಿ ಭಾರತ ಪಂದ್ಯದ ಟೈ ಮಾಡಿಕೊಂಡಿದ್ದು ಇದು ಎರಡನೇ ಬಾರಿ. ಆದರೆ ಟೀಮ್ ಇಂಡಿಯಾ ಸೂಪರ್ ಓವರ್ನಲ್ಲಿ ಆಡಿದ್ದು ಇದೇ ಮೊದಲ ಬಾರಿ. ಇದಕ್ಕೂ ಮುನ್ನ 2007ರಲ್ಲಿ ಐಸಿಸಿ ವಿಶ್ವ ಟಿ20ಯಲ್ಲಿ ಭಾರತ, ಪಾಕಿಸ್ತಾನ ವಿರುದ್ಧ ಪಂದ್ಯ ಟೈ ಮಾಡಿಕೊಂಡಿತ್ತು. ಆಗ ಬೌಲ್ ಔಟ್ ವಿಧಾನದಿಂದ ಭಾರತ ಗೆದ್ದಿತ್ತು.
ಕೊನೆಗೊಂಡ ಕೆಟ್ಟ ದಾಖಲೆ
ಅಂದ್ಹಾಗೆ ರೋಹಿತ್ ಶರ್ಮಾ ಸೂಪರ್ ಓವರ್ನಲ್ಲಿ ರನ್ ಗಳಿಸಿದ್ದು ಇದೇ ಮೊದಲಬಾರಿ. ಇದಕ್ಕೂ ಮುನ್ನ ಟಿ20ಯಲ್ಲಿ ಎರಡು ಬಾರಿ ಬ್ಯಾಟಿಂಗ್ ಮಾಡಿದ್ದರಾದರೂ ಆಗ ರನ್ ಗಳಿಸಿರಲಿಲ್ಲ. ಇನ್ನೊಂದು ಬಾರಿ ರೋಹಿತ್ಗೆ ಬ್ಯಾಟಿಂಗ್ಗೆ ಸವಕಾಶವೇ ಲಭಿಸಿರಲಿಲ್ಲ. ಅಂದರೆ ಸೂಪರ್ ಓವರ್ನಲ್ಲಿ ರನ್ನೇ ಗಳಿಸಿರದ ಕೆಟ್ಟ ದಾಖಲೆ ರೋಹಿತ್ ಮೇಲಿತ್ತು.
ಶರ್ಮಾ ಮತ್ತು ಸೂಪರ್ ಓವರ್
ರೋಹಿತ್ ಮೊದಲ ಸೂಪರ್ ಓವರ್ ಪಂದ್ಯವನ್ನಾಡಿದ್ದು 2012ರಲ್ಲಿ ವೆಸ್ಟ್ ಇಂಡೀಸ್ 'ಎ' ವಿರುದ್ಧ. ಆಗ ಭಾರತ 'ಎ' ಪ್ರತಿನಿಧಿಸಿದ್ದ ಶರ್ಮಾ 1 ಎಸೆತ ಎದುರಿಸಿ ರನ್ ಔಟ್ ಆಗಿದ್ದರು. ಅದಾಗಿ 2017ರಲ್ಲಿ ಐಪಿಎಲ್ನಲ್ಲಿ ಗುಜರಾತ್ ಲಯನ್ಸ್ ವಿರುದ್ಧ ಮುಂಬೈ ಪ್ರತಿನಿಧಿಸಿದ್ದಾಗ ಶರ್ಮಾ ಕ್ರೀಸ್ನಲ್ಲಿದ್ದರಾದರೂ ಚೆಂಡು ಎದುರಿಸಿರಲಿಲ್ಲ. 2019ರ ಐಪಿಎಲ್ನಲ್ಲಿ ಶರ್ಮಾ ನಾಯಕತ್ವದ ಮುಂಬೈ ತಂಡ ಸೂಪರ್ ಓವರ್ ಆಡಿತ್ತಾದರೂ ರೋಹಿತ್ ಬ್ಯಾಟಿಂಗ್ ಮಾಡಿರಲಿಲ್ಲ. ಅದಾಗಿ ಬುಧವಾರ (ಜನವರಿ 29) ಭಾರತ ಪ್ರತಿನಿಧಿಸಿದ್ದ ರೋಹಿತ್ ನ್ಯೂಜಿಲೆಂಡ್ ವಿರುದ್ಧ 4 ಎಸೆತಗಳಲ್ಲಿ 15 ರನ್ ಕೊಡುಗೆ ನೀಡಿದ್ದರು.