347 ರನ್ ಚೇಸ್ ಮಾಡಿದ ಕಿವೀಸ್
340+ ರನ್ ಚೇಸಿಂಗ್ ಭಾರತ ಪರ ಕೊಹ್ಲಿ 51, ಶ್ರೇಯಸ್ ಐಯ್ಯರ್ 103, ಕೆಎಲ್ ರಾಹುಲ್ 88, ಪೃಥ್ವಿ ಶಾ 20, ಮಯಾಂಕ್ ಅಗರ್ವಾಲ್ 32, ಕೇದಾರ್ ಜಾಧವ್ 26 ರನ್ನೊಂದಿಗೆ ತಂಡ 50 ಓವರ್ಗೆ 4 ವಿಕೆಟ್ ನಷ್ಟದಲ್ಲಿ 347 ರನ್ ಗಳಿಸಿತ್ತು. ಗುರಿ ಬೆಂಬತ್ತಿದ ನ್ಯೂಜಿಲೆಂಡ್, ಮಾರ್ಟಿನ್ ಗಪ್ಟಿಲ್ 32, ಹೆನ್ರಿ ನಿಕೋಲ್ಸ್ 78, ರಾಸ್ ಟೇಲರ್ 109, ನಾಯಕ ಟಾಮ್ ಲ್ಯಾಥಮ್ 69 ರನ್ ಸೇರ್ಪಡೆಯೊಂದಿಗೆ 48.1ನೇ ಓವರ್ಗೆ 6 ವಿಕೆಟ್ ಕಳೆದು 348 ರನ್ ಬಾರಿಸಿ ಗೆಲುವು ಸಂಭ್ರಮಿಸಿತು.
ಭಾರತ ವಿರುದ್ಧ ಅತ್ಯಧಿಕ ರನ್
ಹ್ಯಾಮಿಲ್ಟನ್ ಪಂದ್ಯದಲ್ಲಿ 109 ರನ್ ಗಳಿಸುವುದರೊಂದಿಗೆ ರಾಸ್ ಟೇಲರ್ ಭಾರತ ವಿರುದ್ಧ ಏಕದಿನ ಕ್ರಿಕೆಟ್ನಲ್ಲಿ ಅತ್ಯಧಿಕ ರನ್ ಬಾರಿಸಿದ ಮುಂಚೂಣಿ ನ್ಯೂಜಿಲೆಂಡ್ ಬ್ಯಾಟ್ಸ್ಮನ್ ಆಗಿ ಗುರುತಿಸಿಕೊಂಡಿದ್ದಾರೆ. ಭಾರತ ವಿರುದ್ಧ 32 ಇನ್ನಿಂಗ್ಸ್ಗಳಲ್ಲಿ 1300+ ರನ್ ಗಳಿಸಿರುವ ಟೇಲರ್ ಈ ದಾಖಲೆಗಾಗಿ ಗಮನ ಸೆಳೆದಿದ್ದಾರೆ.
14 ವರ್ಷಗಳ ಹಿಂದಿನ ದಾಖಲೆ ಪತನ
ಏಕದಿನ ಕ್ರಿಕೆಟ್ನಲ್ಲಿ ಭಾರತ ವಿರುದ್ಧ, ನ್ಯೂಜಿಲೆಂಡ್ ಪರ ಅತ್ಯಧಿಕ ರನ್ ಬಾರಿಸಿದ ದಾಖಲೆ ನೇತನ್ ಆ್ಯಸ್ಟಲ್ ಹೆಸರಿನಲ್ಲಿತ್ತು. 2005ರಲ್ಲಿ ಜಿಂಬಾಬ್ವೆಯಲ್ಲಿ ನಡೆದಿದ್ದ ಪಂದ್ಯದಲ್ಲಿ ಭಾರತ ವಿರುದ್ಧ ಕಡೇಯ ಮತ್ತು 29ನೇ ಇನ್ನಿಂಗ್ಸ್ ಆಡಿದ್ದ ಆ್ಯಸ್ಟಲ್ 1207 ರನ್ ಬಾರಿಸಿ ಈ ಮೈಲಿಗಲ್ಲು ಸ್ಥಾಪಿಸಿದ್ದರು. ಈಗ ಟೇಲರ್, ಆ್ಯಸ್ಟಲ್ ಅವರನ್ನು ಹಿಂದಿಕ್ಕಿದ್ದಾರೆ.
4ನೇ ಸ್ಥಾನದಲ್ಲಿ ವಿಲಿಯಮ್ಸನ್
ಭಾರತ ವಿರುದ್ಧ ಏಕದಿನದಲ್ಲಿ ಅತ್ಯಧಿಕ ರನ್ ಬಾರಿಸಿದ ನ್ಯೂಜಿಲೆಂಡ್ ಆಟಗಾರರಲ್ಲಿ ರಾಸ್ ಟೇಲರ್ (1300 ರನ್, 32 ಇನ್ನಿಂಗ್ಸ್) ಮೊದಲ ಸ್ಥಾನದಲ್ಲಿದ್ದರೆ, ನೇತನ್ ಆ್ಯಸ್ಟಲ್ (1207 ರನ್, 29 ಇನ್ನಿಂಗ್ಸ್), ಸ್ಟೀಫನ್ ಫ್ಲೆಮಿಂಗ್ (1098 ರನ್, 38 ಇನ್ನಿಂಗ್ಸ್), ಕೇನ್ ವಿಲಿಯಮ್ಸನ್ (962 ರನ್, 24 ಇನ್ನಿಂಗ್ಸ್) ಅನಂತರದ ಸ್ಥಾನಗಳಲ್ಲಿದ್ದಾರೆ.