ನಮ್ಮ ಜೊತೆ ಕ್ರಿಕೆಟ್ ಆಡಿ ಅಂತ ನಾವು ಭಾರತವನ್ನು ಬೇಡಲ್ಲ: ಪಾಕ್

ICC World Cup 2019 : ಏನೇ ಆದ್ರು ಇವರ ಅಹಂಕಾರ ಮಾತ್ರ ಕಮ್ಮಿ ಆಗಲ್ಲ..? | Oneindia Kannada

India vs Pakistan: Will not beg India to play cricket with us: PCB chief

ಇಸ್ಲಮಾಬಾದ್, ಜೂನ್ 14: ಐಸಿಸಿ ಕ್ರಿಕೆಟ್ ವಿಶ್ವಕಪ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಕಾದಾಡಲು ಇನ್ನೆರಡೇ ದಿನಗಳು (ಜೂನ್ 16ರಂದು ಪಂದ್ಯ) ಬಾಕಿ ಉಳಿದಿವೆ. ಈ ನಡುವೆ ಪಾಕಿಸ್ತಾನ್ ಕ್ರಿಕೆಟ್ ಬೋರ್ಡ್ (ಪಿಸಿಬಿ) ಮುಖ್ಯಸ್ಥ ಎಹ್ಸಾನ್ ಮನಿ ಅವರು ದ್ವಿಪಕ್ಷೀಯ ಸರಣಿಯಲ್ಲಿ ನಮ್ಮೊಂದಿಗೆ ಪಾಲ್ಗೊಳ್ಳಿ ಎಂದು ನಾವು ಭಾರತವನ್ನು ಬೇಡಲ್ಲ ಎಂದಿದ್ದಾರೆ.

ಕುತೂಹಲಕಾರಿ ಸ್ಟೋರಿಗಳು, ಅಂಕಿ-ಅಂಶಗಳು 'ಐಸಿಸಿ ಕ್ರಿಕೆಟ್ ವಿಶ್ವಕಪ್ 2019' ವಿಶೇಷ ಮುಖಪುಟದಲ್ಲಿವೆ

'ನಾವು ಭಾರತ ಅಥವಾ ಯಾವುದೇ ರಾಷ್ಟ್ರಗಳ ಜೊತೆ ನಮ್ಮೊಂದಿಗೆ ಕ್ರಿಕೆಟ್ ಆಡುವಂತೆ ಬೇಡಲಾರೆವು. ಆದರೆ ಭಾರತ-ಪಾಕ್ ದ್ವಿಪಕ್ಷೀಯ ಸರಣಿ ಯೋಗ್ಯ ಮತ್ತು ಘನತೆ ರೀತಿಯಲ್ಲಿ ನಡೆಯೋದನ್ನು ನಾವು ಬಯಸಿದ್ದೇವೆ' ಎಂದು ಎಹ್ಸಾನ್ ಮನಿ ಗುರುವಾರ (ಜೂನ್ 13) ಹೇಳಿದ್ದಾರೆ.

ಪಾಕಿಸ್ತಾನ vs ಭಾರತ: ಹೈ ವೋಲ್ಟೇಜ್ ಪಂದ್ಯದ ಬಗ್ಗೆ ಮಾತನಾಡಿದ ಕೊಹ್ಲಿ ಪಾಕಿಸ್ತಾನ vs ಭಾರತ: ಹೈ ವೋಲ್ಟೇಜ್ ಪಂದ್ಯದ ಬಗ್ಗೆ ಮಾತನಾಡಿದ ಕೊಹ್ಲಿ

2013ರಿಂದಲೂ ಅಂದರೆ ಸುಮಾರು 6 ವರ್ಷಗಳಿಂದಲೂ ಪುರುಷರ ವಿಭಾಗದ ಭಾರತ ಮತ್ತು ಪಾಕಿಸ್ತಾನ ಕ್ರಿಕೆಟ್ ತಂಡಗಳು ಯಾವುದೇ ದ್ವಿಪಕ್ಷೀಯ ಸರಣಿಗಳಲ್ಲಿ ಪಾಲ್ಗೊಂಡಿಲ್ಲ. ಆದರೆ ಬಹುಪಕ್ಷೀಯ ಸರಣಿಗಳಲ್ಲಿ ಎರಡೂ ತಂಡಗಳು ಪಂದ್ಯಗಳನ್ನಾಡುತ್ತಿವೆಯಷ್ಟೆ.

ಧೋನಿ-ಯುವಿ ನಡುವಣ ಗೆಳೆತನ ವೈರತ್ವಕ್ಕೆ ತಿರುಗಿದೆಯೇ? ಧೋನಿ-ಯುವಿ ನಡುವಣ ಗೆಳೆತನ ವೈರತ್ವಕ್ಕೆ ತಿರುಗಿದೆಯೇ?

ಬೇಡುವುದರ ಬದಲು ಎರಡೂ ದೇಶಗಳು ಸೌಹಾರ್ದ ನೆಲೆಯಲ್ಲಿ ಪಂದ್ಯಗಳನ್ನು ನಡೆಸಲು ಅವಕಾಶ ಮಾಡಿಕೊಡಬೇಕು ಎಂಬರ್ಥದಲ್ಲಿ ಮಾತನಾಡಿದ ಮನಿ, ಪಾಕಿಸ್ತಾನ ಮಹಿಳಾ ಕ್ರಿಕೆಟ್ ತಂಡ ನವೆಂಬರ್‌ನಲ್ಲಿ ಭಾರತದಲ್ಲಿ ಐಸಿಸಿ ಮಹಿಳಾ ಚಾಂಪಿಯನ್‌ಷಿಪ್ ಪಂದ್ಯಗಳನ್ನಾಡಲಿದೆ ಎಂದೂ ಖಾತರಿಪಡಿಸಿದ್ದಾರೆ.