ರಾಂಚಿಯಲ್ಲಿ ಮಿಂಚಿದ ಭಾರತ, ದಕ್ಷಿಣ ಆಫ್ರಿಕಾಕ್ಕೆ ವೈಟ್‌ವಾಷ್ ಮುಖಭಂಗ

ರಾಂಚಿ, ಅಕ್ಟೋಬರ್ 22: ಪ್ರವಾಸಿ ದಕ್ಷಿಣ ಆಫ್ರಿಕಾಕ್ಕೆ ಮತ್ತೊಂದು ಸೋಲಾಗಿದೆ. ರಾಂಚಿಯಲ್ಲಿ ಮುಕ್ತಾಯಗೊಂಡ ಭಾರತ vs ದಕ್ಷಿಣ ಆಫ್ರಿಕಾ ನಡುವಿನ 3ನೇ ಮತ್ತು ಕೊನೆಯ ಟೆಸ್ಟ್ ನಲ್ಲಿ ಭಾರತ ಒಂದು ಇನ್ನಿಂಗ್ಸ್‌ ಸಹಿತ 202 ರನ್ ಗೆಲುವನ್ನಾಚರಿಸಿದೆ. ಇದರೊಂದಿಗೆ ಸರಣಿಯಲ್ಲಿ ದಕ್ಷಿಣ ಆಫ್ರಿಕಾ 3-0ಯ ವೈಟ್‌ವಾಷ್ ಮುಖಭಂಗ ಅನುಭವಿಸಿದೆ.

'ದ ಹಂಡ್ರೆಡ್‌'ಗೆ ಸ್ಫೋಟಕ ಬ್ಯಾಟ್ಸ್‌ಮನ್ ಕ್ರಿಸ್ ಗೇಲ್‌ ಕೊಳ್ಳೋರೇ ಇಲ್ಲ!

ರೋಹಿತ್ ಶರ್ಮಾ, ಅಜಿಂಕ್ಯ ರಹಾನೆ ಭರ್ಜರಿ ಬ್ಯಾಟಿಂಗ್, ಮೊಹಮ್ಮದ್ ಶಮಿ, ಉಮೇಶ್ ಯಾದವ್, ರವೀಂದ್ರ ಜಡೇಜಾ ಮತ್ತು ಶಬಾಝ್ ನದೀಮ್ ಮತ್ತು ರವಿಚಂದ್ರನ್ ಅಶ್ವಿನ್ ಮಾರಕ ಬೌಲಿಂಗ್ ದಾಳಿಯ ಬೆಂಬಲದೊಂದಿಗೆ ಭಾರತ ದಾಖಲೆಯ ಗೆಲುವು ಕಂಡಿದೆ.

ತಮಾಷೆಯಾಗೇ ಪತ್ರಕರ್ತರ ಕಾಲೆಳೆದ ರೋಹಿತ್ ಶರ್ಮಾ: ವೈರಲ್ ವಿಡಿಯೋ!

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ಭಾರತ, ರೋಹಿತ್ ಶರ್ಮಾ 212, ಅಜಿಂಕ್ಯ ರಹಾನೆ 115, ವಿರಾಟ್ ಕೊಹ್ಲಿ 12, ರವೀಂದ್ರ ಜಡೇಜಾ 51, ವೃದ್ಧಿಮಾನ್ ಸಹಾ 24, ಉಮೇಶ್ ಯಾದವ್ 31, ರವಿಚಂದ್ರನ್ ಅಶ್ವಿನ್ 14 ರನ್‌ನೊಂದಿಗೆ 116.3 ಓವರ್‌ಗೆ 9 ವಿಕೆಟ್‌ ಕಳೆದು 497 ರನ್ ಪೇರಿಸಿ ಡಿಕ್ಲೇರ್ ಘೋಷಿಸಿತ್ತು.

10 ಎಸೆತಗಳಲ್ಲಿ 5 ಸಿಕ್ಸ್‌ ಚಚ್ಚಿದ ವೇಗಿ ಉಮೇಶ್ ಯಾದವ್: ವೈರಲ್ ವೀಡಿಯೋ

ದಕ್ಷಿಣ ಆಫ್ರಿಕಾ, ಜುಬೇರ್ ಹಂಝ 62, ತೆಂಬ ಬವುಮಾ 32, ಜಾರ್ಜ್ ಲಿಂಡ್ಲೆ 37 ರನ್‌ನೊಂದಿಗೆ 56.2 ಓವರ್‌ಗೆ 162 ರನ್ ಬಾರಿಸಿ ಮೊದಲ ಇನ್ನಿಂಗ್ಸ್‌ನಲ್ಲಿ 335 ರನ್ ಹಿನ್ನಡೆ ಅನುಭವಿಸಿತು. ಕೊಹ್ಲಿ ಪಡೆ ಫಾಲೋ ಆನ್ ನೀಡಿದ್ದರಿಂದ ದ್ವಿತೀಯ ಇನ್ನಿಂಗ್ಸ್‌ಗೆ ಇಳಿದ ಆಫ್ರಿಕಾ, ಜಾರ್ಜ್ ಲಿಂಡೆ 27, ಡೇನ್ ಪೀಡ್ಟ್ 23, ಥ್ಯೂನಿಸ್ ಡಿ ಬ್ರೂಯಿನ್ 30 ರನ್‌ನೊಂದಿಗೆ 48 ಓವರ್‌ಗೆ 133 ರನ್ ಪೇರಿಸಿ ಶರಣಾಯಿತು.

ಭಾರತ vs ದ.ಆಫ್ರಿಕಾ: ಅಪರೂಪದ ವಿಶ್ವದಾಖಲೆಗಳ ಬರೆದ ರೋಹಿತ್ ಶರ್ಮಾ!

ಭಾರತದ ಇನ್ನಿಂಗ್ಸ್‌ನಲ್ಲಿ ದಕ್ಷಿಣ ಆಫ್ರಿಕಾದ ಕಾಗಿಸೊ ರಬಾಡ 3, ಜಾರ್ಜ್ ಲಿಂಡೆ 4 ವಿಕೆಟ್‌ ಪಡೆದು ಗಮನ ಸೆಳೆದರೆ, ದಕ್ಷಿಣ ಆಫ್ರಿಕಾ ಇನ್ನಿಂಗ್ಸ್‌ನಲ್ಲಿ ಭಾರತ ಮೊಹಮ್ಮದ್ ಶಮಿ 2+3, ಉಮೇಶ್ ಯಾದವ್ 3+2, ರವೀಂದ್ರ ಜಡೇಜಾ 2+1, ಶಬಾಝ್ ನದೀಮ್ 2+2 ಮತ್ತು ರವಿಚಂದ್ರನ್ ಅಶ್ವಿನ್ 0+1 ವಿಕೆಟ್‌ ನೊಂದಿಗೆ ಮಿಂಚಿದರು. ಪಂದ್ಯಶ್ರೇಷ್ಠ, ಸರಣಿಶ್ರೇಷ್ಠ ಎರಡೂ ಪ್ರಶಸ್ತಿಗಳು ರೋಹಿತ್‌ ಪಡೆದುಕೊಂಡರು.