ಶಿಖರ್ ಧವನ್ ತಂಡ ಬ್ಯಾಟಿಂಗ್
ಬೋರ್ಡ್ ಆಫ್ ಕಂಟ್ರೋಲ್ ಫಾರ್ ಕ್ರಿಕೆಟ್ ಇನ್ ಇಂಡಿಯಾ (ಬಿಸಿಸಿಐ) ಅಭ್ಯಾಸ ಪಂದ್ಯದ ಕುರಿತು ಅಪ್ಡೇಟ್ಸ್ ನೀಡಿದೆ. ಟ್ವೀಟ್ ಮಾಡಿರುವ ಬಿಸಿಸಿಐ ಪಂದ್ಯ ವಿಡಿಯೋ ಹಾಕಿಕೊಂಡಿದೆ. ಈ ವಿಡಿಯೋದಲ್ಲಿ ಶಿಖರ್ ಧವನ್ ತಂಡ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿತ್ತು ಎಂದು ಭಾರತದ ಬೌಲಿಂಗ್ ಕೋಚ್ ಪರಾಸ್ ಮ್ಹಾಬ್ರೆ ಮಾಹಿತಿ ನೀಡಿದ್ದಾರೆ.
ಪಡಿಕ್ಕಲ್, ಪೃಥ್ವಿ, ಯಾದವ್ ಉತ್ತಮ ಆಟ
ಮೊದಲು ಬ್ಯಾಟಿಂಗ್ ಮಾಡಿದ್ದ ಧವನ್ ತಂಡ 154ರನ್ ಗಳಿಸಿತ್ತು, ಇದರಲ್ಲಿ ಮನೀಶ್ ಪಾಂಡೆಯ 62 ರನ್ ಗಮನಾರ್ಹವಾಗಿತ್ತು. 20 ಓವರ್ಗಳಲ್ಲಿ ಧವನ್ ತಂಡ ನೀಡಿದ್ದ ಗುರಿಯನ್ನು ಭುವಿ ತಂಡ ಕೇವಲ 17 ಓವರ್ಗಳಲ್ಲೇ ಚೇಸ್ ಮಾಡಿತು. ಈ ವೇಳೆ ಸೂರ್ಯಕುಮಾರ್ 50+ ರನ್ ಗಳಿಸಿದರೆ, ಇನ್ನು ದೇವದತ್ ಪಡಿಕ್ಕಲ್ ಮತ್ತು ಪೃಥ್ವಿ ಶಾ ಕೂಡ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದ್ದರು.
|
ಭಾರತ-ಶ್ರೀಲಂಕಾ ಪಂದ್ಯಗಳು
ಭಾರತ-ಶ್ರೀಲಂಕಾ ಸೀಮಿತ ಓವರ್ಗಳ ಸರಣಿಗಳು ಮೂರು ಏಕದಿನ ಪಂದ್ಯಗಳು ಮತ್ತು ಮೂರು ಟಿ20ಐ ಪಂದ್ಯಗಳನ್ನು ಒಳಗೊಂಡಿರಲಿದೆ. ಜುಲೈ 13ರಿಂದ ಆರಂಭಗೊಳ್ಳುವ ಸರಣಿ ಜುಲೈ 25ಕ್ಕೆ ಕೊನೆಗೊಳ್ಳಲಿದೆ. ಏಕದಿನ ಸರಣಿಯೊಂದಿಗೆ ಪಂದ್ಯಗಳು ಆರಂಭಗೊಳ್ಳಲಿವೆ. ಎಲ್ಲಾ ಪಂದ್ಯಗಳು ಕೊಲಂಬೋದಲ್ಲಿರುವ ಆರ್ ಪ್ರೇಮಾನಂದ ಸ್ಟೇಡಿಯಂನಲ್ಲಿ ನಡೆಯಲಿವೆ.