8 ಆಟಗಾರರು ಕ್ವಾರಂಟೈನ್?
ತಂಡದಲ್ಲಿ ಕೃನಾಲ್ ಸಂಪರ್ಕಿಸಿದ್ದ ಎಂಟು ಆಟಗಾರರಿಗೆ ಸೋಂಕು ತಗುಲಿರುವ ಭೀತಿ ಇತ್ತಾದರೂ ಅವರ ಕೋವಿಡ್ ಪರೀಕ್ಷೆಯ ಫಲಿತಾಂಶ ನೆಗೆಟಿವ್ ಬಂದಿರುವುದರಿಂದ ಹೆಚ್ಚಿನ ಭೀತಿಯಿಲ್ಲ. ಆದರೆ ಕೆಲ ಆಟಗಾರರು ಮುನ್ನೆಚ್ಚರಿಕೆಯಾಗಿ ಕ್ವಾರಂಟೈನ್ ಪಾಲಿಸುವ ಸಾಧ್ಯತೆಯಿದೆ.
ಹೊಸ ಆಟಗಾರರು ಸೇರ್ಪಡೆ
ಭಾರತ ತಂಡದ ಕೆಲ ಆಟಗಾರರು ಕ್ವಾರಂಟೈನ್ ಪಾಲಿಸಲಿರುವುದರಿಂದ ತಂಡಕ್ಕೆ ಬೇರೆ ಕೆಲ ಆಟಗಾರರನ್ನು ಸೇರಿಸಲಾಗಿದೆ. ಇಶಾನ್ ಪೊರೇಲ್, ಸಂದೀಪ್ ವಾರಿಯರ್, ಅರ್ಶದೀಪ್ ಸಿಂಗ್, ಸಾಯ್ ಕಿಶೋರ್, ಸಮರ್ಜೀತ್ ಸಿಂಗ್ ಅವರನ್ನು ಬಿಸಿಸಿಐ ಟೀಮ್ ಇಂಡಿಯಾಕ್ಕೆ ಸೇರಿಸಿದೆ. ಹೀಗಾಗಿ ಬುಧವಾರದ ಪಂದ್ಯ ವೇಳಾಪಟ್ಟಿಯಂತೆ ನಡೆಯಲಿದೆ.
ಪಂದ್ಯದ ಪ್ರಮುಖ ಮಾಹಿತಿ
ಕೋವಿಡ್ ಪಾಸಿಟಿವ್ ಬಂದಿರುವ ಕೃನಾಲ್ ಪಾಂಡ್ಯ ಅವರನ್ನು ಕೊಲಂಬೋದ ಮೌಂಟ್ ಲೆವೀನಿಯಾ ಹೋಟೆಲ್ಗೆ ಸ್ಥಳಾಂತರಿಸಲಾಗಿದೆ. ಆದರೆ ಭಾರತೀಯ ಇತರ ಆಟಗಾರರು ಮೊದಲಿದ್ದ ಅದೇ ಕೊಲಂಬೋದಲ್ಲಿರುವ ತಾಜ್ ಸಮುದ್ರ ಹೋಟೆಲ್ನಲ್ಲಿದ್ದಾರೆ. ದ್ವಿತೀಯ ಟಿ20ಐ ಪಂದ್ಯ ಕೊಲಂಬೋದ ಆರ್ ಪ್ರೇಮದಾಸ ಸ್ಟೇಡಿಯಂನಲ್ಲಿ 8 PMಗೆ ಆರಂಭಗೊಳ್ಳಲಿದೆ.