27 ಪಂದ್ಯಗಳಲ್ಲಿ ಗೆಲುವು
ಧೋನಿ 60 ಪಂದ್ಯಗಳಲ್ಲಿ ಭಾರತ ತಂಡವನ್ನು ಮುನ್ನಡೆಸಿದ್ದಾರೆ. ಇದರಲ್ಲಿ ಭಾರತ 27 ಪಂದ್ಯಗಳಲ್ಲಿ ಗೆದ್ದು, 18 ಪಂದ್ಯಗಳಲ್ಲಿ ಸೋತು, 15 ಪಂದ್ಯಗಳಲ್ಲಿ ಡ್ರಾ ಸಾಧಿಸಿತ್ತು. ಕೊಹ್ಲಿ ನಾಯಕತ್ವದಲ್ಲಿ ಭಾರತ 47 ಪಂದ್ಯಗಳನ್ನಾಡಿದ್ದು, ಇದರಲ್ಲಿ 27 ಗೆಲುವು, 10 ಸೋಲು, 15 ಪಂದ್ಯಗಳು ಡ್ರಾ ಎನಿಸಿವೆ.
ಗಂಗೂಲಿಗೆ 3ನೇ ಸ್ಥಾನ
ಭಾರತ-ವೆಸ್ಟ್ ಇಂಡೀಸ್ ಮೊದಲ ಟೆಸ್ಟ್ ಪಂದ್ಯವನ್ನು ಭಾರತ 318 ರನ್ಗಳಿಂದ ಗೆದ್ದುಕೊಂಡಿದ್ದರಿಂದ ಧೋನಿ ದಾಖಲೆಯನ್ನು ಕೊಹ್ಲಿ ಸರಿದೂಗಿಸಿಕೊಂಡಿದ್ದರು. ಟೆಸ್ಟ್ ನಾಯಕತ್ವದಲ್ಲಿ ಭಾರತ ಅತೀ ಹೆಚ್ಚು ಜಯಗಳಿಸಿದ ದಾಖಲೆ ಸಾಲಿನಲ್ಲಿ ಮಾಜಿ ನಾಯಕ ಸೌರವ್ ಗಂಗೂಲಿ 3ನೇ ಸ್ಥಾನದಲ್ಲಿದ್ದಾರೆ. 49 ಪಂದ್ಯಗಳಲ್ಲಿ ಗಂಗೂಲಿ ನಾಯಕತ್ವದಲ್ಲಿ ವಹಿಸಿದ್ದು, ಇದರಲ್ಲಿ 21 ಜಯ, 13 ಸೋಲು, 15 ಡ್ರಾ ಎನಿಸಿತ್ತು.
ಕೊಹ್ಲಿ ಮತ್ತೊಂದು ದಾಖಲೆ
ವಿದೇಶದಲ್ಲಿ ನಡೆದ ಟೆಸ್ಟ್ ಪಂದ್ಯಗಳಲ್ಲಿ ನಾಯಕತ್ವ ವಹಿಸಿ ಅತೀ ಹೆಚ್ಚು ಪಂದ್ಯಗಳನ್ನು ಗೆದ್ದವರಲ್ಲಿ ಕೊಹ್ಲಿ, ಗಂಗೂಲಿಯನ್ನು ಮೀರಿಸಿದ್ದಾರೆ. ವಿದೇಶದಲ್ಲಿ ನಡೆದ 26 ಟೆಸ್ಟ್ ಪಂದ್ಯಗಳಲ್ಲಿ ಕೊಹ್ಲಿ ನಾಯಕತ್ವ ವಹಿಸಿದ್ದಾರೆ. ಇದರಲ್ಲಿ 12 ಗೆಲುವು, 9 ಸೋಲು, 5 ಪಂದ್ಯಗಳು ಡ್ರಾ ಎನಿಸಿವೆ.
ಎಂಎಸ್ಡಿ ತೃತೀಯ
ವಿದೇಶಿ ನೆಲದಲ್ಲಿ ನಡೆದ ಟೆಸ್ಟ್ ಪಂದ್ಯಗಳಲ್ಲಿ ನಾಯಕತ್ವ ವಹಿಸಿ ಹೆಚ್ಚು ಗೆಲುವು ದಾಖಲಿಸಿದವರಲ್ಲಿ ದ್ವಿತೀಯ ಸ್ಥಾನದಲ್ಲಿರುವ ಗಂಗೂಲಿ, 28 ಪಂದ್ಯಗಳಲ್ಲಿ 11 ಜಯ, 10 ಸೋಲು, 5 ಡ್ರಾ ಎನಿಸಿವೆ, ಎಂಎಸ್ ಧೋನಿ ನಾಯಕತ್ವದಲ್ಲಿ 30 ಪಂದ್ಯಗಳಲ್ಲಿ ಭಾರತ 6 ಗೆಲುವು, 15 ಸೋಲು, 9 ಪಂದ್ಯಗಳನ್ನು ಡ್ರಾ ಮಾಡಿಕೊಂಡಿತ್ತು.