ಶೌಚಾಲಯ ತಾವೇ ಕ್ಲೀನ್ ಮಾಡಬೇಕು
ಬ್ರಿಸ್ಬೇನ್ನಲ್ಲಿ ಭಾರತೀಯ ಆಟಗಾರರಿಗೆ ಎಷ್ಟು ಕಟ್ಟುನಿಟ್ಟಿನ ಕ್ವಾರಂಟೈನ್ ವಿಧಿಸಲಾಗಿದೆಯೆಂದರೆ; ಆಟಗಾರರು ತಮ್ಮ ತಮ್ಮ, ಹಾಸಿಗೆಗಳನ್ನು ತಾವೇ ಸಿದ್ಧಪಡಿಸಿಕೊಳ್ಳಬೇಕು, ಶೌಚಾಲಯವನ್ನೂ ತಾವೇ ಸ್ವಚ್ಛ ಮಾಡಿಕೊಳ್ಳಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ವರದಿಯೊಂದು ಹೇಳಿದೆ.
ಆಟಗಾರರು ಖೈದಿಯಂತೆ ಬಂಧಿ
'ನಮ್ಮನ್ನು ಕೋಣೆಯಲ್ಲಿ ಬಂಧಿಸಿಡಲಾಗಿದೆ. ಇಲ್ಲಿ ನಾವೇ ನಮ್ಮ ಹಾಸಿಗೆ ಸಿದ್ಧಪಡಿಸಿಕೊಳ್ಳಬೇಕು, ನಮ್ಮ ಶೌಚಾಲಯ ನಾವೇ ಸ್ವಚ್ಛ ಮಾಡಿಕೊಳ್ಳಬೇಕು. ಹತ್ತಿರದ ಭಾರತೀಯ ರೆಸ್ಟೋರೆಂಟ್ನಿಂದ ಊಟ ತಂದು ನಮ್ಮ ಮಹಡಿಗೆ ನೀಡಲಾಗುತ್ತದೆ. ನಮಗೆ ಗೊತ್ತುಪಡಿಸಿದ ಮಹಿಡಿ ಬಿಟ್ಟು ನಾವು ಬೇರೆಕಡೆ ಚಲಿಸುವಂತೆಯೂ ಇಲ್ಲ,' ಎಂದು ಭಾರತೀಯ ತಂಡದ ಸದಸ್ಯರೊಬ್ಬರು ಹೇಳಿದ್ದಾರೆ.
ಯಾವುದೇ ಸೌಲಭ್ಯಗಳು ಬಳಸುವಂತಿಲ್ಲ
ಟೀಮ್ ಇಂಡಿಯಾ ಆಟಗಾರರು ಉಳಿದುಕೊಳ್ಳುತ್ತಿರುವ ಹೋಟೆಲ್ನಲ್ಲಿ ಬೇರೆ ಯಾರೂ ಇಲ್ಲದಿರುವುದರಿಂದ ಇಡೀ ಹೋಟೆಲ್ ಖಾಲಿಯಿದೆ. ಅಲ್ಲಿ ಸ್ವಿಮ್ಮಿಂಗ್ ಪೂಲ್ ಮತ್ತು ಜಿಮ್ನಂತ ಸೌಲಭ್ಯಗಳೂ ಇವೆ. ಆದರೆ ಆ ಯಾವುದೇ ಸೌಲಭ್ಯಗಳನ್ನು ಬಳಸಿಕೊಳ್ಳಲು ಆಟಗಾರರಿಗೆ ಅವಕಾಶವಿಲ್ಲ. ಹೋಟೆಲ್ ಒಳಗಿರುವ ಕೆಫೇಸ್, ರೆಸ್ಟೋರೆಂಟ್ಗಳು ಮುಚ್ಚಲ್ಪಟ್ಟಿವೆ ತಂಡದ ಜೊತೆಗಿರುವ ಒಬ್ಬರು ಹೋಟೆಲ್ ಅನ್ನು ವಿವರಿಸಿದ್ದಾರೆ.