ಐಪಿಎಲ್ 11ರ ವೇಳಾಪಟ್ಟಿ: ಚೆನ್ನೈ -ಮುಂಬೈ ಮೊದಲ ಪಂದ್ಯ

ಬೆಂಗಳೂರು, ಫೆಬ್ರವರಿ 15: ಬಹು ನಿರೀಕ್ಷಿತ ಟಿ20 ಸಮರಕ್ಕೆ ಸಮಯ ನಿಗದಿಯಾಗಿದೆ. ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್ 11) 2018ನೇ ಆವೃತ್ತಿಯು ಏಪ್ರಿಲ್ 7 ರಿಂದ ಆರಂಭವಾಗಲಿದ್ದು, ಫೈನಲ್ ಪಂದ್ಯ ಮೇ.27 ರಂದು ನಡೆಯಲಿದೆ.

ಐಪಿಎಲ್ ಆಡಳಿತ ಮಂಡಳಿ ಈ ವಿಷಯವನ್ನು ಪ್ರಕಟಿಸಿದ್ದು, ಉದ್ಘಾಟನಾ ಪಂದ್ಯ ಮತ್ತು ಫೈನಲ್ ಪಂದ್ಯಗಳು ಮುಂಬೈನ ವಾಂಖಡೆ ಕ್ರೀಡಾಂಗಣದಲ್ಲಿ ನಡೆಯಲಿದೆ.

ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ಹಾಗೂ ಎರಡು ಬಾರಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಕಾದಾಡಲಿವೆ.

ಈ ಆವೃತಿಯಲ್ಲಿ ಪಂದ್ಯಗಳ ಪ್ರಾರಂಭ ಸಮಯವನ್ನು ಬದಲಾಯಿಸಲಾಗಿದ್ದು, ಪಂದ್ಯಗಳು ಸಂಜೆ 5.30 ಮತ್ತು 7 ಕ್ಕೆ ಪ್ರಾರಂಭ ಆಗಲಿವೆ. ಟಿವಿಗಳ ಬೇಡಿಕೆ ಮೇರೆಗೆ ಈ ಬದಲಾವಣೆ ಮಾಡಲಾಗಿದೆ ಎಂದು ಐಪಿಎಲ್ ಆಡಳಿತ ಮಂಡಳಿ ಹೇಳಿದೆ.

NEWS: VIVO Indian Premier League 2018 fixtures announced

The 11th edition of the world's most popular and competitive T20 tournament will be played at nine venues across 51 days.

Full schedule here - https://t.co/yqVFDc9tTF #IPL2018 pic.twitter.com/qNKraLChA7

— IndianPremierLeague (@IPL) February 14, 2018

ನಿಷೇಧಕ್ಕೆ ಒಳಗಾಗಿದ್ದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಮತ್ತು ರಾಜಸ್ಥಾನ ರಾಯಲ್ಸ್ ತಂಡಗಳು ಈ ಆವೃತ್ತಿಯಲ್ಲಿ ಪುನರ್‌ ಪ್ರವೇಶ ಪಡೆದುಕೊಂಡಿವೆ. ಪಂಜಾಬ್ ಸೂಪರ್ ಕಿಂಗ್ಸ್‌ ತಂಡವು ತನ್ನ ತವರು ನೆಲದ ಪಂದ್ಯಗಳಲ್ಲಿ ನಾಲ್ಕನ್ನು ಮೊಹಾಲಿಯಲ್ಲಿ ಮೂರು ಪಂದ್ಯವನ್ನು ಇಂದೋರ್‌ನಲ್ಲಿ ಆಡಲಿದೆ. ಒಟ್ಟು 9 ತಾಣಗಳಲ್ಲಿ 51 ದಿನಗಳ ಕಾಲ ಟಿ20 ಕ್ರಿಕೆಟ್ ಹಬ್ಬ ನಡೆಯಲಿದೆ.

ಕ್ವಾಲಿಫೈಯರ್ 1 ಹಾಗೂ ಕ್ವಾಲಿಫೈಯರ್ 2 ನಡುವಿನ ಪಂದ್ಯ ವಾಂಖೆಡೆ ಸ್ಟೇಡಿಯಂನಲ್ಲಿ ಭಾನುವಾರ(ಮೇ 27)ದಂದು ನಡೆಯಲಿದೆ. 12 ಪಂದ್ಯಗಳು ಸಂಜೆ 4/ 5.30ಕ್ಕೆ ಆರಂಭಗೊಂಡರೆ, 48 ಪಂದ್ಯಗಳು 8 IST ಗೆ ಆರಂಭವಾಗಲಿದೆ.

* ಲೀಗ್ ಪಂದ್ಯಗಳು : ಏಪ್ರಿಲ್ 7ರಿಂದ ಮೇ 20, 2018
* ಫೈನಲ್ : ಮೇ 27, 2018