ನವದೆಹಲಿ, ಏಪ್ರಿಲ್ 21: ಈ ಬಾರಿಯ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ನಾಯಕ ಆರ್ ಅಶ್ವಿನ್ 'ಮಂಕಡಿಂಗ್' ವಿಚಾರಕ್ಕೆ ಸುದ್ದಿಯಾಗಿದ್ದು ಹೆಚ್ಚು. ಅಶ್ವಿನ್ ಈಗ ದಕ್ಷಿಣ ಆಫ್ರಿಕಾ ವೇಗಿ ಡೇಲ್ ಸ್ಟೇನ್ ವ್ಯಂಗ್ಯಕ್ಕೂ ತುತ್ತಾಗಿದ್ದಾರೆ.
ನನ್ನನ್ನು ಕೆಳ ಕ್ರಮಾಂಕದಲ್ಲಿ ಯಾಕೆ ಇಳಿಸುತ್ತಿದ್ದೀರಿ?: ಕೆಕೆಆರ್ಗೆ ರಸೆಲ್ ಪ್ರಶ್ನೆ
'ಮಂಕಡ್' ಪ್ರಸಂಗ ಶುರುವಾಗಿದ್ದು ಈ ಐಪಿಎಲ್ನ ರಾಜಸ್ಥಾನ್ ರಾಯಲ್ಸ್ ಮತ್ತು ಕಿಂಗ್ಸ್ ಇಲೆವೆನ್ ಪಂಜಾಬ್ ನಡುವಣ ಪಂದ್ಯದ ವೇಳೆ. ಆಗ ಆರ್ಆರ್ ಬ್ಯಾಟ್ಸ್ಮನ್ ಜೋಸ್ ಬಟ್ಲರ್ ಅವರನ್ನು ಅಶ್ವಿನ್, ಎಚ್ಚರಿಕೆ ನೀಡದೆಯೇ 'ಮಂಕಡ್' ಮಾದರಿಯಲ್ಲಿ ಔಟ್ ಮಾಡಿದ್ದರು. ಇದು ವಿವಾದ ಸೃಷ್ಟಿಸಿತ್ತು.
WATCH: Shikhar's dance moves on the crease
— IndianPremierLeague (@IPL) April 20, 2019
📽️📽️https://t.co/KtJkaIpubw
ಶನಿವಾರ (ಏಪ್ರಿಲ್ 20) ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಕಿಂಗ್ಸ್ XI ಪಂಜಾಬ್ ನಡುವಿನ ಪಂದ್ಯದಲ್ಲಿ ಡೆಲ್ಲಿಯ ಶಿಖರ್ ಧವನ್ ನಾನ್ ಸ್ಟ್ರೈಕ್ನಲ್ಲಿದ್ದಾಗ 13ನೇ ಓವರ್ ಎಸೆಯುತ್ತಿದ್ದ ಅಶ್ವಿನ್ ಅರ್ಧಕ್ಕೆ ನಿಲ್ಲಿಸಿದ್ದರು. ಮತ್ತೆ ಅದೇ ಓವರ್ನಲ್ಲಿ ಅಶ್ವಿನ್ ಚೆಂಡು ಎಸೆಯುವಾಗ ಧವನ್ ಕ್ರೀಸ್ನಲ್ಲಿ ನಿಂತಿದ್ದಲ್ಲಿಂದಲೇ ಕ್ರೀಸ್ ಬಿಟ್ಟವರ ಹಾಗೆ ನಟಿಸಿ ವ್ಯಂಗ್ಯವಾಡಿದ್ದರು.
Bumrah- Bowled
— Dale Steyn (@DaleSteyn62) April 20, 2019
Rabada- Caught
Tahir- Lbw
Ashwin- Mankad
All bases covered there Pdog 🤣
ಇದೀಗ ಸ್ಟೇನ್ ಅಶ್ವಿನ್ ಕಾಲೆಳೆದಿದ್ದಾರೆ. ಐಪಿಎಲ್ನಲ್ಲಿ ಪ್ರಮುಖ ಬೌಲರ್ಗಳ ದಾಳಿ ಹೇಗಿದೆ? ಎಂಬ ಪ್ರಶ್ನೆಗೆ ಉತ್ತರಿಸಿ ಟ್ವೀಟ್ ಮಾಡಿರುವ ಸ್ಟೇನ್, 'ಬೂಮ್ರಾ ಬೌಲ್ಡ್ ಮಾಡ್ತಾರೆ, ರಬಾಡಾ ಕ್ಯಾಚ್ ಮೂಲಕ ಔಟ್ ಮಾಡಿಸ್ತಾರೆ, ತಾಹಿರ್ ಎಲ್ಬಿಡ್ಲ್ಯೂ ಮಾಡ್ತಾರೆ, ಅಶ್ವಿನ್ ಮಂಕಡ್ ಮಾಡ್ತಾರೆ' ಎಂದು ಬರೆದು ಜೊತೆಗೊಂದು ಹಲ್ಲು ಕಿಸಿಯುವ ಇಮೋಜಿಯನ್ನೂ ಸೇರಿಸಿದ್ದಾರೆ!