ಬೆಂಗಳೂರು, ಮಾರ್ಚ್ 28: ಬೆಂಗಳೂರಿನ ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುವ ಒಟ್ಟು 7 ಐಪಿಎಲ್ 2019ರ ಪಂದ್ಯಗಳಿಗೆ ಭಾರತೀಯ ಸೇನೆಯ ಸೈನಿಕರನ್ನು ಆಹ್ವಾನಿಸಲಿರುವುದಾಗಿ ಕರ್ನಾಟಕ ಸ್ಟೇಟ್ ಕ್ರಿಕೆಟ್ ಅಸೋಸಿಯೇಷನ್ (ಕೆಎಸ್ಸಿಎ) ಬುಧವಾರ (ಮಾರ್ಚ್ 27) ಪ್ರಕಟಿಸಿದೆ.
ಐಪಿಎಲ್ 2019: ಕೊಹ್ಲಿ vs ಬೂಮ್ರಾ ಕುತೂಹಲಕಾರಿ ಅಂಕಿ-ಅಂಶಗಳು!
ಕೆಎಸ್ಸಿಎ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಭಾರತಿ ಸಿಮೆಂಟ್ ಸೇರಿ ಒಟ್ಟು 60 ಮಂದಿ ಭಾರತೀಯ ಸೈನಿಕರನ್ನು ಆಹ್ವಾನಿಸಲಿದೆ. ತವರು ನೆಲದಲ್ಲಿ ನಡೆಯುವ 7 ಐಪಿಎಲ್ ಪಂದ್ಯಗಳನ್ನು ಸೈನಿಕರು ವೀಕ್ಷಿಸಲು ಅವಕಾಶ ಮಾಡಿಕೊಡುವ ಯೋಜನೆಯಿದು.
IPL 2019: KSCA, RCB to invite 60 army men each for every home game pic.twitter.com/mPrkGzo4TJ
— sukumar biswas (@sukumar43208728) March 28, 2019
ಕೆಎಸ್ಸಿಎ, ಆರ್ಸಿಬಿ ಮತ್ತು ಭಾರತಿ ಸಿಮೆಂಟ್ ಈ ಮೂರೂ ಸಂಸ್ಥೆಗಳು ಸೇರಿ ತಲಾ 20 ಟಿಕೆಟ್ಗಳನ್ನು ಜವಾನರಿಗಾಗಿ ಪ್ರಾಯೋಜನೆ ಮಾಡಲಿದೆ. ಬೆಂಗಳೂರಿನಲ್ಲಿ ನಡೆಯುವ ಈ ಏಳೂ ಪಂದ್ಯಗಳಲ್ಲಿ ವಿರಾಟ್ ಕೊಹ್ಲಿ ನಾಯಕತ್ವದ ಆರ್ಸಿಬಿ ಪಂದ್ಯವನ್ನಾಡಲಿದೆ. ಮಾರ್ಚ್ 28ರಿಂದ ಮೇ 4ರ ಅವಧಿಯಲ್ಲಿ ಈ ಪಂದ್ಯಗಳು ನಡೆಯಲಿವೆ.