ಚೆನ್ನೈ, ಮಾರ್ಚ್ 23: ಟೀಮ್ ಇಂಡಿಯಾ ಮಾಜಿ ನಾಯಕ, ಎಂಸ್ ಧೋನಿ ಸಿಕ್ಸ್ ಮೂಲಕ ಬೆರಗು ಮೂಡಿಸೋದು ಅಪರೂಪವಲ್ಲ. ಐಪಿಎಲ್ ಉದ್ಘಾಟನಾ ಪಂದ್ಯಕ್ಕಾಗಿ ತಯಾರಿ ನಡೆಸುವ ವೇಳೆ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಧೋನಿ ಬಾರಿಸಿರುವ ಸಿಕ್ಸ್ ಈ ಬಾರಿ ಗಮನ ಸೆಳೆದಿದೆ.
ಚೆನ್ನೈ ವಿರುದ್ಧ ಆರ್ ಸಿಬಿ ಸಂಭಾವ್ಯ ಆಡುವ XI ಆಟಗಾರರು
ಐಪಿಎಲ್ 12ನೇ ಆವೃತ್ತಿಯ ಆರಂಭಿಕ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ಕಾದಾಡಲಿವೆ. ಈ ಪಂದ್ಯಕ್ಕಾಗಿ ಚೆನ್ನೈಯ ಚೆಪಕ್ ಸ್ಟೇಡಿಯಂನಲ್ಲಿ ಅಭ್ಯಾಸ ನಡೆಸುವಾಗ ಧೋನಿ ಬಾರಿಸಿರುವ ಸಿಕ್ಸ್ ವಿಡಿಯೋ ಟ್ವಿಟರ್ ನಲ್ಲಿ ಓಡಾಡುತ್ತಿದೆ.
#msdstrong pic.twitter.com/s8YUURMj7C
— Karan Arjun (@KaranArjunSm) March 20, 2019
ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ನಾಯಕತ್ವದ ಆರ್ಸಿಬಿ ಆರಂಭಿಕ ಪಂದ್ಯದಲ್ಲೇ ಶುಭಾರಂಭ ಕಾಣುವ ಇಂಗಿತದಲ್ಲಿದೆ. ಆದರೆ ಪಂದ್ಯ ಸಾಕಷ್ಟು ಜಿದ್ದಾಜಿದ್ದಿಯಿಂದ ಕೂಡಿರುವುದರಂತೂ ನಿರೀಕ್ಷಿತ. ಐಪಿಎಲ್ ಉದ್ಘಾಟನಾ ಪಂದ್ಯ ಮಾರ್ಚ್ 23ರಂದು ಚೆನ್ನೈಯ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ 8 pmಗೆ ಆರಂಭಗೊಳ್ಳಲಿದೆ.