ಕಿಂಗ್ಸ್ ಪರ ರಾಹುಲ್ ಮಿಂಚು
ಕಳೆದೆರಡು ಆವೃತ್ತಿಗಳಿಂದ ಕೆಎಲ್ ರಾಹುಲ್ ಕಿಂಗ್ಸ್ ಇಲವೆನ್ ಪಂಜಾಬ್ ಪರವಾಗಿ ಆಡುತ್ತಿದ್ದು ಪ್ರಮುಖ ಅಸ್ತ್ರವಾಗಿದ್ದಾರೆ. 2018ರ ಐಪಿಎಲ್ ಆವೃತ್ತಿಯಲ್ಲಿ ರಾಹುಲ್ 14 ಪಂದ್ಯಗಳನ್ನಾಡಿದ್ದು 6 ಅರ್ಧ ಶತಕಗಳನ್ನು ಸಿಡಿಸಿ 659 ರನ್ ಗಳಿಸಿ ಮಿಂಚು ಹರಿಸಿದ್ದರು.
ಕಳೆದ ಆವೃತ್ತಿಯಲ್ಲೂ ಭರ್ಜರಿ ಆಟ
ಕಳೆದ ಆವೃತ್ತಿಯಲ್ಲೂ ಕೆಎಲ್ ರಾಹುಲ್ ತಮ್ಮ ಉತ್ತಮ ಪ್ರದರ್ಶನವನ್ನು ಮುಂದುವರೆಸಿದ್ದು 53.90 ಸರಾಸರಿಯಲ್ಲಿ 593 ರನ್ ಗಳಿಸಿದ್ದಾರೆ. ಇದರಲ್ಲಿ 6 ಅರ್ಧ ಶತಕ ಹಾಗೂ ಒಂದು ಶತಕ ಸೇರಿದೆ. ಈ ಎರಡು ಆವೃತ್ತಿಗಳಲ್ಲಿನ ಅದ್ಭುತ ಪ್ರದರ್ಶನ ರಾಹುಲ್ ಅವರು ಕಿಂಗ್ಸ್ ಇಲವೆನ್ ಪಂಜಾಬ್ ತಂಡದ ಚುಕ್ಕಾಗಿ ಹಿಡಿಯಲು ಕಾರಣವೂ ಆಯಿತು.
'ಸಮತೋಲನದ ತಂಡ ಕಿಂಗ್ಸ್'
ಅನಿಲ್ ಕುಂಬ್ಲೆ ಕಿಂಗ್ಸ್ ಇಲವೆನ್ ಪಂಜಾಬ್ ತಂಡದ ಪ್ರದರ್ಶನದ ಮೇಲೂ ಸಾಕಷ್ಟು ಭರವಸೆಯನ್ನು ವ್ಯಕ್ತಡಿಸಿದ್ದಾರೆ. ಕಿಂಗ್ಸ್ ತಂಡ ಈ ಬಾರಿ ಅನುಭವಿ ಹಾಗೂ ಯುವ ಆಟಗಾರರನ್ನು ಒಳಗೊಂಡಿದ್ದು ತುಂಬಾ ಸಮತೋಲನದಿಂದ ಕೂಡಿದೆ ಎಂದು ಕಿಂಗ್ಸ್ ಇಲವೆನ್ ಪಂಜಾಬ್ ತಂಡದ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ ಹೇಳಿಕೆಯನ್ನು ನೀಡಿದ್ದಾರೆ.
ದೊಡ್ಡ ನಿರೀಕ್ಷೆಯಿದೆ
ಈ ಬಾರಿಯ ಆವೃತ್ತಿಯ ಮೇಲೆ ನಾವು ಬಹು ದೊಡ್ಡ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದೇವೆ. ನವು ನಿಜಕ್ಕೂ ಉತ್ತಮ ತಂಡವನ್ನು ಹೊಂದಿದ್ದು ತುಂಬಾ ಸಮತೋಲನದಿಂದ ಕೂಡಿದೆ. ಕೆಲವರ ಆಟವನ್ನು ನಾನು ಮೊದಲ ಬಾರಿಗೆ ನೆಟ್ ನಲ್ಲಿ ಗಮನಿಸುತ್ತಿದ್ದೇನೆ. ಅಭ್ಯಾಸದೊಂದಿಗೆ ತಂಡವನ್ನು ಕಟ್ಟಿಕೊಳ್ಳುತ್ತಿದ್ದು ಐಪಿಎಲ್ ಆರಂಭಕ್ಕೆ ಸಿದ್ದರಾಗುತ್ತಿದ್ದೇವೆ ಎಂದು ಅನಿಲ್ ಕುಂಬ್ಳೆ ಹೇಳಿದ್ದಾರೆ.