ಹಿಂದಿನ ಪಂದ್ಯಗಳಲ್ಲಿ ನೀರಸ ಬ್ಯಾಟಿಂಗ್
ವಿರಾಟ್ ಕೊಹ್ಲಿ ಈ ಬಾರಿ ಆಡಿದ್ದ ಬಹುತೇಕ ಪಂದ್ಯಗಳಲ್ಲಿ ನೀರಸ ಬ್ಯಾಟಿಂಗ್ ಪ್ರದರ್ಶಿಸಿದ್ದರು. ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ 14, ಕಿಂಗ್ಸ್ XI ಪಂಜಾಬ್ ವಿರುದ್ಧ 1, ಮುಂಬೈ ಇಂಡಿಯನ್ಸ್ ವಿರುದ್ಧ 3, ರಾಜಸ್ಥಾನ್ ರಾಯಲ್ಸ್ ವಿರುದ್ಧ 72, ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 43 ರನ್ ಬಾರಿಸಿದ್ದರು.
|
ಅನುಷ್ಕಾರಿಂದ ಫ್ಲೈಯಿಂಗ್ ಕಿಸ್
ಶನಿವಾರದ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ಆರ್ಸಿಬಿ ಪರ 3ನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬಂದಿದ್ದ ಕೊಹ್ಲಿ ಅಜೇಯ 90 ರನ್ ಬಾರಿಸಿದ್ದರು. ಆ ವೇಳೆ ಸ್ಟೇಡಿಯಂನ ಸ್ಟ್ಯಾಂಡ್ನತ್ತ ಬ್ಯಾಟ್ ಮೇಲೆತ್ತಿ ಕೊಹ್ಲಿ ಸಂಭ್ರಮಾಚರಿಸಿದರು. ಆಗ ಅಲ್ಲಿ ಆರ್ಸಿಬಿ ತಂಡದ ಸದಸ್ಯರ ಜೊತೆ ಕುಳಿತಿದ್ದ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಮೇಲೆದ್ದು ನಿಂತು ಚಪ್ಪಾಳೆ ತಟ್ಟಿ ಫ್ಲೈಯಿಂಗ್ ಕಿಸ್ ಕೂಡ ನೀಡಿದ್ದರು. ಆ ಪ್ರೀತಿಯ ಬೂಸ್ಟ್ ಪಡೆದುಕೊಂಡ ಕೊಹ್ಲಿ ಚೆನ್ನೈ ಇನ್ನಿಂಗ್ಸ್ನಲ್ಲಿ ಉತ್ತಮ ಬೌಲಿಂಗ್, ಫೀಲ್ಡಿಂಗ್ನತ್ತ ಗಮನ ಹರಿಸಿದರು. ಪಂದ್ಯ ಜಯಿಸಿದರು.
ಇತ್ತಂಡಗಳ ಸಂಕ್ಷಿಪ್ತ ಸ್ಕೋರ್
ಮೊದಲು ಇನ್ನಿಂಗ್ಸ್ ಆಡಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನಿಂದ ದೇವದತ್ ಪಡಿಕ್ಕಲ್ 33, ವಿರಾಟ್ ಕೊಹ್ಲಿ 90, ವಾಷಿಂಗ್ಟನ್ ಸುಂದರ್ 10, ಶಿವಂ ದೂಬೆ 22 ರನ್ ಸೇರಿಸಿದ್ದರು. ಆರ್ಸಿಬಿ 20 ಓವರ್ಗೆ 4 ವಿಕೆಟ್ ಕಳೆದು 169 ರನ್ ಬಾರಿಸಿತ್ತು. ಗುರಿ ಬೆನ್ನಟ್ಟಿದ ಚೆನ್ನೈ ಶೇನ್ ವಾಟ್ಸನ್ 14, ಅಂಬಾಟಿ ರಾಯುಡು 42, ಎನ್ ಜಗದೀಸನ್ 33 ರನ್ ಸೆರ್ಪಡೆಯೊಂದಿಗೆ 20 ಓವರ್ಗೆ 8 ವಿಕೆಟ್ ಕಳೆದು 132 ರನ್ ಬಾರಿಸಿತು.
ಐಪಿಎಲ್ನಲ್ಲಿ ಕೊಹ್ಲಿ ಸಾಧನೆ
ಐಪಿಎಲ್ನಲ್ಲಿ ಒಟ್ಟು 183 ಪಂದ್ಯಗಳನ್ನಾಡಿರುವ ಕೊಹ್ಲಿ 38.33ರ ಸರಾಸರಿಯಂತೆ 5635 ರನ್ ಬಾರಿಸಿದ್ದಾರೆ. ಇದರಲ್ಲಿ 38 ಅರ್ಧ ಶತಕಗಳು ಸೇರಿವೆ. ಇನ್ನು 493 ಫೋರ್ಸ್, 197 ಸಿಕ್ಸರ್ಗಳನ್ನು ಬಾರಿಸಿದ್ದಾರೆ. ಕೊಹ್ಲಿ ಬಾರಿಸಿದ ವೈಯಕ್ತಿಕ ಅತ್ಯಧಿಕ ರನ್ ಅಂದರೆ 113.