ಡಿಆರ್ಎಸ್ ಅವಕಾಶ ಬಳಸಿಕೊಳ್ಳದ ವಿಜಯ್
ಮುರಳಿ ವಿಜಯ್ ಓಟ್ ಆದ ಕೂಡಲೇ ಅಂಪಾಯರ್ ತೀರ್ಪು ಮರುಪರಿಶೀಲಿಸುವ ಅವಕಾಶವನ್ನು ಹೊಂದಿದ್ದರು. ಆದರೆ ಅದನ್ನು ಬಳಸಿಕೊಳ್ಳದ ಮುರಳಿ ವಿಜಯ್ ನೇರವಾಗಿ ಫೆವಿಲಿಯನ್ ಹಾದಿ ಹಿಡಿದರು. ಹೀಗಾಗಿ 6 ರನ್ಗೆ ಚೆನ್ನೈ ತಂಡ 2ನೇ ವಿಕೆಟ್ ಕಳೆದುಕೊಂಡಂತಾಗಿತ್ತು. ಹೀಗಾಗಿ ತಂಡದ ಗೆಲವು ಕಠಿಣವಾಗುವ ಸಂಭವವಿತ್ತು.
ಭರ್ಜರಿ ಆಟವಾಡಿದ ಡು ಪ್ಲೆಸಿಸ್- ರಾಯುಡು
ಆದರೆ ಅದೃಷ್ಠವಶಾತ್ ಮುಂದೆ ಫಾಪ್ ಡು ಪ್ಲೆಸಿಸ್ ಹಾಗೂ ಅಂಬಾಟಿ ರಾಯುಡು ತಂಡಕ್ಕೆ ನೆರವಾಗುವ ಮೂಲಕ ಗೆಲುವನ್ನು ಖಾತ್ರಿಪಡಿಸಿದ್ದರು. ಇಬ್ಬರೂ ತಲಾ ಅರ್ಧ ಶತಕವನ್ನು ಬಾರಿಸಿ ಭರ್ಜರಿ ಗೆಲುವಿಗೆ ಕಾರಣರಾದರು. ಈ ಮೂಲಕ ಮುರಳಿ ವಿಜಯ್ ಮಾಡಿದ ಯಡವಟ್ಟು ತಂಡಕ್ಕೆ ನಷ್ಟವನ್ನೇನು ಮಾಡಲಿಲ್ಲ.
ಕಾಲೆಳೆಯುತ್ತಿದ್ದಾರೆ ಅಭಿಮಾನಿಗಳು
ಹಾಗಿದ್ದರೂ ಅಭಿಮಾನಿಗಳು ಮುರಳಿ ವಿಜಯ್ ಬಗ್ಗೆ ಸಾಕಷ್ಟು ಟ್ರೋಲ್ಗಳನ್ನು ಮಾಡಿತ್ತಿದ್ದಾರೆ. ವಿಕೆಟ್ನಿಂದ ಸಾಕಷ್ಟು ಆಚೆಗೆ ಚೆಂಡು ಹೋಗುತ್ತಿದ್ದರೂ ಅದನ್ನು ಗುರುತಿಸಲು ಮುರಳಿ ವಿಜಯ್ಗೆ ಸಾಧ್ಯವಾಗಲಿಲ್ಲ ಎಂದು ಕಾಲೆಳೆಯುತ್ತಿದ್ದಾರೆ.
ಲಾಕ್ಡೌನ್ ಸಂದರ್ಭದಲ್ಲೂ ಟ್ರೋಲಿಗರಿಗೆ ಆಹಾರವಾಗಿದ್ದ ವಿಜಯ್
ಇನ್ನು ಮುರಳಿ ವಿಜಯ್ ಲಾಕ್ಡೌನ್ ಸಂದರ್ಭದಲ್ಲೂ ಟ್ರೋಲಿಗರಿಗೆ ಆಹಾರವಾಗಿದ್ದರು. ವಿಡಿಯ ಸಂವಾದವೊಂದರಲ್ಲಿ ಯಾರೊಂದಿಗೆ ಡಿನ್ನರ್ ಮಾಡಲು ಬಯಸುತ್ತೀರಿ ಎಂಬ ಪ್ರಶ್ನೆಗೆ ವಿಜಯ್ ಆಸ್ಟ್ರೇಲಿಯಾದ ಮಹಿಳಾ ತಂಡದ ಆಟಗಾರ್ತಿ ಇಲಿಯಾಸ್ ಪೆರ್ರಿ ಹೆಸರು ಹೇಳಿದ್ದರು. ಈ ಸಂದರ್ಭದಲ್ಲಿ ನಾನಾ ರೀತಿಯಲ್ಲಿ ಅಭಿಮಾನಿಗಳು ಮುರಳಿ ವಿಜಯ್ ಅವರನ್ನು ತಮಾಷೆಯಾಡಿದ್ದರು.