ಜೋಸ್ ಬಟ್ಲರ್ ಬ್ಯಾಟಿಂಗ್‌ಗೆ ಶರಣೆಂದ ಚೆನ್ನೈ ಸೂಪರ್ ಕಿಂಗ್ಸ್

ಅಬುಧಾಬಿ: ಅಬುಧಾಬಿಯ ಶೈಕ್ ಝಾಯೆದ್ ಸ್ಟೇಡಿಯಂನಲ್ಲಿ ಸೋಮವಾರ (ಅಕ್ಟೋಬರ್ 19) ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ 37 ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ 7 ವಿಕೆಟ್ ಸುಲಭ ಗೆಲುವು ಕಂಡಿದೆ. ಜೋಸ್ ಬಟ್ಲರ್ ಚತುರ ಬ್ಯಾಟಿಂಗ್‌ನಿಂದ ಆರ್ಆರ್ ಗೆಲುವಿನ ನಗು ಬೀರಿದೆ.

ಲಂಕಾ ಪ್ರೀಮಿಯರ್ ಲೀಗ್: ಕ್ಯಾಂಡಿಗೆ ಗೇಲ್, ಗ್ಯಾಲೆಗೆ ಮಾಲಿಂಗ ಆಯ್ಕೆ

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಚೆನ್ನೈ ಸೂಪರ್ ಕಿಂಗ್ಸ್, ಸ್ಯಾಮ್ ಕರನ್ 22, ಫಾಫ್ ಡು ಪ್ಲೆಸಿಸ್ 10, ಅಂಬಾಟಿ ರಾಯುಡು 13, ಎಂಎಸ್ ಧೋನಿ 28, ರವೀಂದ್ರ ಜಡೇಜಾ 35 ರನ್ ಸೇರ್ಪಡೆಯೊಂದಿಗೆ 20 ಓವರ್‌ಗೆ 5 ವಿಕೆಟ್ ನಷ್ಟದಲ್ಲಿ ಕೇವಲ 125 ರನ್ ಗಳಿಸಿತು.

ಗುರಿ ಬೆನ್ನಟ್ಟಿದ ರಾಜಸ್ಥಾನ್ ರಾಯಲ್ಸ್ ಕೂಡ ಬೇಗನೆ ವಿಕೆಟ್‌ ಕಳೆದುಕೊಳ್ಳಲಾರಂಭಿಸಿತು. ಆದರೆ ನಾಯಕ ಸ್ಟೀವ್ ಸ್ಮಿತ್ ಮತ್ತು ಜೋಸ್ ಬಟ್ಲರ್ ಜವಾಬ್ದಾರಿಯುತ ಆಟ ಆಡಿದರು. ಬೆನ್ ಸ್ಟೋಕ್ಸ್ 19, ಸ್ಮಿತ್ 26, ಜೋಸ್ ಬಟ್ಲರ್ 70 (48) ರನ್ ಕೊಡುಗೆಯೊಂದಿಗೆ ಆರ್‌ಆರ್ 17.3 ಓವರ್‌ಗೆ 3 ವಿಕೆಟ್ ನಷ್ಟದಲ್ಲಿ 126 ರನ್ ಮಾಡಿತು.

CSK ಪರ 4,000 ರನ್ ಮತ್ತು IPLನಲ್ಲಿ ವಿಕೆಟ್ ಹಿಂಬದಿ 150 ಬಲಿ ಪಡೆದ ಧೋನಿ

ಚೆನ್ನೈ ಸೂಪರ್ ಕಿಂಗ್ಸ್ ಇನ್ನಿಂಗ್ಸ್‌ನಲ್ಲಿ ರಾಜಸ್ಥಾನ್ ರಾಯಲ್ಸ್‌ನ ಜೋಫ್ರಾ ಆರ್ಚರ್, ಕಾರ್ತಿಕ್ ತ್ಯಾಗಿ, ಶ್ರೇಯಸ್ ಗೋಪಾಲ್ ಮತ್ತು ರಾಹುಲ್ ತೆವಾಟಿಯಾ ತಲಾ 1 ವಿಕೆಟ್ ಪಡೆದರೆ, ರಾಜಸ್ಥಾನ್ ಇನ್ನಿಂಗ್ಸ್‌ನಲ್ಲಿ ಚೆನ್ನೈಯ ದೀಪಕ್ ಚಹಾರ್ 2, ಜೋಶ್ ಹ್ಯಾಝಲ್ವುಡ್ 1 ವಿಕೆಟ್‌ಗಾಗಿ ಗಮನ ಸೆಳೆದರು.