ಐಪಿಎಲ್: ವಿರಾಟ್ ಕೊಹ್ಲಿ ಹಿಂದಿಕ್ಕಿ ದಾಖಲೆ ಬರೆದ ಡೇವಿಡ್ ವಾರ್ನರ್

ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಲ್ಲಿ ಮತ್ತೊಂದು ಪಂದ್ಯ ಸೂಪರ್ ಓವರ್ ನಲ್ಲಿ ಅಂತ್ಯ ಕಂಡಿದೆ. ಗೆಲುವಿನ ಹೊಸ್ತಿಲಲ್ಲಿ ಡೇವಿಡ್ ವಾರ್ನರ್ ನೇತೃತ್ವದ ಸನ್ ರೈಸರ್ಸ್ ಹೈದರಾಬಾದ್ ತಂಡ ಮುಗ್ಗರಿಸಿದೆ. ಆದರೆ, ಸೋಲು ಕಂಡ ಪಂದ್ಯದಲ್ಲೂ ವಾರ್ನರ್ ದಾಖಲೆ ಬರೆದಿದ್ದಾರೆ.

ಈ ಪಂದ್ಯದಲ್ಲಿ ವಾರ್ನರ್ 4ನೇ ಕ್ರಮಾಂಕದಲ್ಲಿ ಆಡಿ 33 ಎಸೆತಗಳಲ್ಲಿ 47ರನ್ (5 ಬೌಂಡರಿ) ಗಳಿಸಿದರು. ಸೂಪರ್ ಓವರ್ ನಲ್ಲಿ ಶೂನ್ಯಕ್ಕೆ ಔಟಾದರು. ನಿಗದಿತ 20 ಓವರ್ ಗಳಲ್ಲಿ ಕೆಕೆಆರ್ 163/5 ಹಾಗೂ ಹೈದರಾಬಾದ್ 163/6 ಗಳಿಸಿದ್ದರಿಂದ ಸೂಪರ್ ಓವರ್ ಆಡಬೇಕಾಯಿತು. ಸೂಪರ್ ಓವರ್ ನಲ್ಲಿ ಸನ್ ರೈಸರ್ಸ್ ಕೇವಲ 2 ರನ್ ಗಳಿಸಿ ವಾರ್ನರ್ ವಿಕೆಟ್ ಕಳೆದುಕೊಂಡಿತು. ಕೆಕೆಆರ್ ಅಂತಿಮವಾಗಿ ಗೆಲುವಿನ ನಗೆ ಬೀರಿತು.

ಐಪಿಎಲ್ ನಲ್ಲಿ 5000ರನ್:

ಐಪಿಎಲ್ ನಲ್ಲಿ 5000ರನ್ ಗಳಿಸುವ ಮೂಲಕ ಡೇವಿಡ್ ವಾರ್ನರ್ ಅವರು 5000ರನ್ ಕ್ಲಬ್ ಸೇರಿದ ಮೊದಲ ವಿದೇಶಿ ಆಟಗಾರ ಎನಿಸಿಕೊಂಡಿದ್ದಾರೆ. ಒಟ್ಟಾರೆ, ನಾಲ್ಕನೇ ಕ್ರಿಕೆಟರ್ ಆಗಿದ್ದಾರೆ. ವಿರಾಟ್ ಕೊಹ್ಲಿ, ಸುರೇಶ್ ರೈನಾ, ರೋಹಿತ್ ಶರ್ಮ ಉಳಿದ ಮೂವರು ಆಟಗಾರರು.

ಕೊಹ್ಲಿ ಹಿಂದಿಕ್ಕಿದ ವಾರ್ನರ್

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್ ಕೊಹ್ಲಿ ಅವರು 5000ರನ್ ಗಡಿಯನ್ನು ದಾಟಲು 157 ಇನ್ನಿಂಗ್ಸ್ ತೆಗೆದುಕೊಂಡಿದ್ದರು. ಆದರೆ, ಹೈದರಾಬಾದ್ ತಂಡದ ನಾಯಕ ಡೇವಿಡ್ ವಾರ್ನರ್ 135 ಇನ್ನಿಂಗ್ಸ್ ಗಳಲ್ಲೇ 5000ರನ್ ಮೈಲಿಗಲ್ಲು ದಾಟಿದ್ದು, ತ್ವರಿತಗತಿಯಲ್ಲಿ ಈ ಸಾಧನೆ ಮಾಡಿದ್ದಾರೆ.

ಕೆಕೆಆರ್‌vsಎಸ್‌ಆರ್‌ಹೆಚ್: ಸೂಪರ್ ಓವರ್‌ನಲ್ಲಿ ಗೆದ್ದ ಬೀಗಿದ ಕೊಲ್ಕತಾ

ಟಾಪ್ 4 ರನ್ ಸ್ಕೋರರ್ಸ್;

ವಿರಾಟ್ ಕೊಹ್ಲಿ 186 ಪಂದ್ಯ, 178 ಇನ್ನಿಂಗ್ಸ್, 5759ರನ್

ಸುರೇಶ್ ರೈನಾ 193 ಪಂದ್ಯ, 192 ಇನ್ನಿಂಗ್ಸ್ , 5368 ರನ್

ರೋಹಿತ್ ಶರ್ಮ 197 ಪಂದ್ಯ, 192 ಇನ್ನಿಂಗ್ಸ್, 5158 ರನ್

ಡೇವಿಡ್ ವಾರ್ನರ್ 135 ಪಂದ್ಯ, 135 ಇನ್ನಿಂಗ್ಸ್, 5037ರನ್

For Quick Alerts
ALLOW NOTIFICATIONS
For Daily Alerts

ಕ್ರಿಕೆಟನ್ನು ಪ್ರೀತಿಸುತ್ತೀರಾ? ಋಜುವಾತುಪಡಿಸಿ! ಮೈಖೇಲ್ ಫ್ಯಾಂಟಸಿ ಕ್ರಿಕೆಟ್ ಆಟವಾಡಿ

Story first published: Sunday, October 18, 2020, 21:30 [IST]
Other articles published on Oct 18, 2020
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X