ದುಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ ಪಾಯಿಂಟ್ಸ್ ಟೇಬಲ್ನಲ್ಲಿ ಮಹತ್ವದ ಬದಲಾವಣೆಯಾಗಿದೆ. ಟೇಬಲ್ನಲ್ಲಿ ಮೊದಲ ಸ್ಥಾನದಲ್ಲಿದ್ದ ರಾಜಸ್ಥಾನ್ ರಾಯಲ್ಸ್ ಅನ್ನು ಡೆಲ್ಲಿ ಕ್ಯಾಪಿಟಲ್ಸ್ ಕೆಳಗಿಳಿಸಿದೆ. ಡಿಸಿ ಈಗ ನಂ.1 ಸ್ಥಾನ ಆವರಿಸಿದೆ. ರಾಜಸ್ಥಾನ್ ತಂಡ ಮೂರನೇ ಸ್ಥಾನಕ್ಕೆ ಕುಸಿದಿದೆ.
ಐಸಿಸಿ ನಿಯಮ ಉಲ್ಲಂಘನೆ: ಶಿಕ್ಷಗೆ ಒಳಗಾಗುತ್ತಾರಾ ಉತ್ತಪ್ಪ? ವೈರಲ್ ವಿಡಿಯೋ
13ನೇ ಆವೃತ್ತಿಯ ಐಪಿಎಲ್ನಲ್ಲಿ ಈವರೆಗೆ 12 ಪಂದ್ಯಗಳು ಮುಗಿದಿವೆ. ಈ ಮಧ್ಯೆ ಪಾಯಿಂಟ್ಸ್ ಟೇಬಲ್ನಲ್ಲೂ ಏರುಪೇರಾಗಿವೆ. ಅಗ್ರ ಸ್ಥಾನದಲ್ಲಿದ್ದ ತಂಡಗಳು ಕೆಳಕ್ಕೆ ಕುಸಿಯುತ್ತಿದ್ದರೆ, ತಳದಲ್ಲಿದ್ದ ತಂಡಗಳು ಮೇಲೇರುತ್ತ ಟೂರ್ನಿಗೆ ಜಿದ್ದಾಜಿದ್ದಿ ಹೆಚ್ಚಿಸುತ್ತಿದೆ.
ಈವರೆಗಿನ ಪಂದ್ಯಗಳನ್ನು ಗಮನಿಸಿದರೆ, ಆಡಿರುವ 3 ಪಂದ್ಯಗಳಲ್ಲಿ 2 ಪಂದ್ಯ ಗೆದ್ದು 4 ಪಾಯಿಂಟ್ಸ್ ಕಲೆ ಹಾಕಿರುವ ಡೆಲ್ಲಿ ಕ್ಯಾಪಿಟಲ್ಸ್ +0.483 ನೆಟ್ ರನ್ರೇಟ್ನೊಂದಿಗೆ ಮೊದಲ ಸ್ಥಾನದಲ್ಲಿದೆ. 3ರಲ್ಲಿ 2 ಪಂದ್ಯ ಗೆದ್ದಿರುವ ಕೆಕೆಆರ್ 4 ಪಾಯಿಂಟ್ಸ್ ಮತ್ತು +0.117 ನೆಟ್ ರನ್ರೇಟ್ ನೊಂದಿಗೆ 2ನೇ ಸ್ಥಾನಕ್ಕೇರಿದೆ.
ಮುಂಬೈ ಇಂಡಿಯನ್ಸ್ ವಿರುದ್ಧ ಗೆದ್ದ ಮೇಲೆ ಮಸ್ತ್ ಎಂಜಾಯ್ ಮಾಡಿದ RCB ಪ್ಲೇಯರ್ಸ್
ಇನ್ನು 3ನೇ ಸ್ಥಾನದಲ್ಲಿ ರಾಜಸ್ಥಾನ್ ರಾಯಲ್ಸ್ (3ರಲ್ಲಿ 2 ಗೆಲುವು, 4 ಪಾಯಿಂಟ್ಸ್, -0.219 ರನ್ರೇಟ್), 4ನೇ ಸ್ಥಾನದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (3ರಲ್ಲಿ 2 ಜಯ, 4 ಪಾಯಿಂಟ್ಸ್, -1.450 ರನ್ರೇಟ್), 5ನೇ ಸ್ಥಾನದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ (3ರಲ್ಲಿ 1 ಗೆಲುವು, 2 ಪಾಯಿಂಟ್ಸ್, +1.498 ರನ್ರೇಟ್) ಇದೆ.
6ನೇ ಸ್ಥಾನದಲ್ಲಿ ಮುಂಬೈ ಇಂಡಿಯನ್ಸ್ (3ರಲ್ಲಿ 1 ಗೆಲುವು, 2 ಪಾಯಿಂಟ್ಸ್, +0.654 ನೆಟ್ ರನ್ರೇಟ್), 7ನೇ ಸ್ಥಾನದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ (3ರಲ್ಲಿ 1 ಗೆಲುವು, 2 ಪಾಯಿಂಟ್ಸ್, -0.228), 8ನೇ ಸ್ಥಾನದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (3ರಲ್ಲಿ 1 ಜಯ, 2 ಪಾಯಿಂಟ್ಸ್, -0.840) ಇವೆ. ಗುರುವಾರ 13ನೇ ಪಂದ್ಯದಲ್ಲಿ ಕಿಂಗ್ಸ್ XI ಪಂಜಾಬ್ ಮತ್ತು ಮುಂಬೈ ಇಂಡಿಯನ್ಸ್ ಕಾದಾಡಲಿವೆ.