1. ಡೇವಿಡ್ ವಾರ್ನರ್
ಐಪಿಎಲ್ನಲ್ಲಿ ಸುಮಾರು 10 ವರ್ಷಗಳಿಂದಲೂ ಪಾಲ್ಗೊಳ್ಳುತ್ತಿರುವ, ಸದ್ಯ ಸನ್ ರೈಸರ್ಸ್ ಹೈದರಾಬಾದ್ನಲ್ಲಿರುವ ಆಸ್ಟ್ರೇಲಿಯಾದ ಸ್ಫೋಟಕ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್ ಐಪಿಎಲ್ ಇತಿಹಾಸದಲ್ಲಿ ಅತ್ಯಧಿಕ ರನ್ ಗಳಿಸಿದವರಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ವಾರ್ನರ್, 126 ಪಂದ್ಯಗಳಲ್ಲಿ 43.17ರ ಸರಾಸರಿಯಂತೆ ಒಟ್ಟು 4706 ರನ್ ಬಾರಿಸಿದ್ದಾರೆ. ಡೇವಿಡ್ ಒಟ್ಟಿಗೆ 4 ಶತಕ, 50 ಅರ್ಧಶತಕಗಳ ದಾಖಲೆ ಹೊಂದಿದ್ದಾರೆ.
2. ಕ್ರಿಸ್ ಗೇಲ್
ಬಿರುಸಿನ ಬ್ಯಾಟಿಂಗ್ಗೆಂದೇ ಖ್ಯಾತರಾಗಿರುವ ವೆಸ್ಟ್ ಇಂಡೀಸ್ ದೈತ್ಯ ಕ್ರಿಸ್ ಗೇಲ್ ಐಪಿಎಲ್ನಲ್ಲಿ ಅತ್ಯಧಿಕ ರನ್ ಪಟ್ಟಿಯಲ್ಲಿ ದ್ವಿತೀಯ ಸ್ಥಾನದಲ್ಲಿದ್ದಾರೆ. ಗೇಲ್, ಒಟ್ಟು 125 ಪಂದ್ಯಗಳಲ್ಲಿ 41.13ರ ಸರಾಸರಿಯಲ್ಲಿ 4484 ರನ್ ಬಾರಿಸಿದ್ದಾರೆ. ಇದರಲ್ಲಿ 6 ಶತಕಗಳು, 28 ಅರ್ಧ ಶತಕಗಳು ಸೇರಿವೆ.
3. ಎಬಿ ಡಿವಿಲಿಯರ್ಸ್
ಮಿಸ್ಟರ್ 360 ಎಂದು ಕರೆಯಲ್ಪಡುವ ದಕ್ಷಿಣ ಆಫ್ರಿಕಾ ತಂಡ ಸ್ಫೋಟಕ ಬ್ಯಾಟ್ಸ್ಮನ್, ಸದ್ಯ ಆಕರ್ಷಣೀಯ ತಂಡ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪ್ರತಿನಿಧಿಸುವ ಎಬಿ ಡಿವಿಲಿಯರ್ಸ್, 154 ಐಪಿಎಲ್ ಪಂದ್ಯಗಳಲ್ಲಿ 4395 ರನ್ ಬಾರಿಸಿದ್ದಾರೆ. ಒಟ್ಟು 3 ಶತಕಗಳು ಮತ್ತು 33 ಅರ್ಧ ಶತಕಗಳು ಎಬಿಡಿ ಹೆಸರಿನಲ್ಲಿದೆ.
4. ಶೇನ್ ವಾಟ್ಸನ್
ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಮಾಜಿ ಬ್ಯಾಟ್ಸ್ಮನ್, ಸದ್ಯ ಚೆನ್ನೈ ಸೂಪರ್ ಕಿಂಗ್ಸ್ನಲ್ಲಿರುವ ಶೇನ್ ವಾಟ್ಸನ್ 134 ಐಪಿಎಲ್ ಪಂದ್ಯಗಳಲ್ಲಿ 3575 ರನ್ ದಾಖಲೆ ಹೊಂದಿದ್ದಾರೆ. ಇದರಲ್ಲಿ 4 ಶತಕಗಳು, 19 ಅರ್ಧ ಶತಕಗಳೂ ಸೇರಿವೆ. ಚೆಂಡು ಕೂಡ ಎಸೆಯಬಲ್ಲ ವಾಟ್ಸನ್ ಐಪಿಎಲ್ ವೃತ್ತಿ ಬದುಕಿನಲ್ಲಿ 92 ವಿಕೆಟ್ಗಳನ್ನು ಮುರಿದಿದ್ದಾರೆ.
5. ಬ್ರೆಂಡನ್ ಮೆಕಲಮ್
ನ್ಯೂಜಿಲೆಂಡ್ನ ಅಪಾಯಕಾರಿ ಬ್ಯಾಟ್ಸ್ಮನ್ ಬ್ರೆಂಡನ್ ಮೆಕಲಮ್ 109 ಐಪಿಎಲ್ ಪಂದ್ಯಗಳಲ್ಲಿ 2880 ರನ್ಗಳನ್ನು ಬಾರಿಸಿದ್ದಾರೆ. ಇದರಲ್ಲಿ 2 ಶತಕಗಳು ಮತ್ತು 13 ಅರ್ಧಶತಕಗಳೂ ಸೇರಿವೆ. ನ್ಯೂಜಿಲೆಂಡ್ ತಂಡದ ಮಾಜಿ ನಾಯಕರಾಗಿರುವ ಮೆಕಲಮ್, 2008ರಲ್ಲಿ ಆರ್ಸಿಬಿ ಪರ 158 ಇನ್ನಿಂಗ್ಸ್ನ ಅತ್ಯಧಿಕ ವೈಯಕ್ತಿಕ ರನ್ ಬಾರಿಸಿದ್ದರು.