ಐಪಿಎಲ್ ಉದ್ಘಾಟನಾ ಪಂದ್ಯ
ಐಪಿಎಲ್ 2020ರ ಉದ್ಘಾಟನಾ ಪಂದ್ಯ ಸೆಪ್ಟೆಂಬರ್ 19ರಂದು ಮಧ್ಯೆ ನಡೆಯಲಿದೆ. 53 ಪಂದ್ಯಗಳ ಟೂರ್ನಿ ಇದಾಗಿದ್ದು, ದಿನದಲ್ಲಿ ಎರಡು ಪಂದ್ಯಗಳಿದ್ದರೆ ಮೊದಲ ಪಂದ್ಯ ಭಾರತೀಯ ಕಾಲಮಾನ 3.30 pmಗೆ ನಡೆದರೆ, 2ನೇ ಪಂದ್ಯ ರಾತ್ರಿ 7.30ಕ್ಕೆ ಆರಂಭಗೊಳ್ಳಲಿದೆ. ದುಬೈನ ಜನಪ್ರಿಯ ತಾಣಗಳಾದ ದುಬೈ, ಅಬುದಾಬಿ ಹಾಗೂ ಶಾರ್ಜಾ ಸ್ಟೇಡಿಯಂಗಳಲ್ಲಿ ಈ ಬಾರಿಯ ಐಪಿಎಲ್ ಪಂದ್ಯಗಳು ನಡೆಯಲಿವೆ.
ಸಿಎಸ್ಕೆ vs ಎಂಐ ಕದನ
ಈ ಬಾರಿಯ ಐಪಿಎಲ್ ಆರಂಭಿಕ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ಮತ್ತು ಮಾಜಿ ಚಾಂಪಿಯನ್ಸ್ ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಕಾದಾಡಲಿವೆ. ಮಾರ್ಚ್ 29ರಂದು ಐಪಿಎಲ್ ಆರಂಭವಾಗುತ್ತಿದ್ದರೆ ಇದೇ ಎರಡು ತಂಡಗಳು ಮೊದಲ ಪಂದ್ಯ ಆಡುತ್ತಿದ್ದವು. ಅಂದರೆ, ಹಳೆ ವೇಳಾಪಟ್ಟಿಯಂತೆ ಸಿಎಸ್ಕೆ ಮತ್ತು ಎಂಐ ಈ ಬಾರಿಯ ಉದ್ಘಾಟನಾ ಪಂದ್ಯಕ್ಕೆ ಸಾಕ್ಷಿಯಾಗಲಿವೆ.
ದುಬೈನಲ್ಲಿ ಹೆಚ್ಚು ಪಂದ್ಯ
ಈ ಬಾರಿಯ ಐಪಿಎಲ್ನಲ್ಲಿ ಒಟ್ಟು 10 ದಿನ ಎರಡೆರಡು ಪಂದ್ಯಗಳಿರಲಿವೆ. ಪಂದ್ಯಗಳನ್ನು ನಡೆಸಲು ಉದ್ದೇಶಿಸಿರುವ ತಾಣಗಳಲ್ಲಿ ದುಬೈನಲ್ಲಿ 24 ಪಂದ್ಯಗಳು, ಅಬುಧಾಬಿಯಲ್ಲಿ 20 ಪಂದ್ಯಗಳು ಮತ್ತು ಶಾರ್ಜಾದಲ್ಲಿ 12 ಪಂದ್ಯಗಳು ನಡೆಯಲಿವೆ.
ಪ್ಲೇ ಆಫ್ ತಾಣಗಳು ತಿಳಿಸಿಲ್ಲ
ಬಿಸಿಸಿಐ ಈಗ ಲೀಗ್ ಹಂತದ ಪಂದ್ಯಗಳ ವೇಳಾಪಟ್ಟಿ ಮಾತ್ರ ಪ್ರಕಟಿಸಿದೆ. ಆದರೆ ಪ್ಲೇ ಆಫ್ ಪಂದ್ಯಗಳು ಮತ್ತು ಫೈನಲ್ ಪಂದ್ಯದ ತಾಣಗಳ ಬಗ್ಗೆ ಮಾಹಿತಿ ನೀಡಿಲ್ಲ. ಮುಂದಕ್ಕೆ ಪ್ಲೇ ಆಫ್ ಮತ್ತು ಫೈನಲ್ ಪಂದ್ಯದ ತಾಣ ಪ್ರಕಟಿಸುತ್ತೇವೆ ಎಂದು ಬಿಸಿಸಿಐ ಹೇಳಿದೆ.