Click it and Unblock the Notifications
ಎರಡೂ ತಂಡಗಳಲ್ಲೂ ಬ್ಯಾನ್ ಕಳಂಕ
ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ಎರಡೂ ತಂಡಗಳ ಮೇಲೂ ಬ್ಯಾನ್ ಕಳಂಕವಿದೆ. ಎರಡೂ ತಂಡಗಳೂ 2016 ಮತ್ತು 2017ರ ಸೀಸನ್‌ನಿಂದ ಬ್ಯಾನ್ ಆಗಿದ್ದವು. ಮ್ಯಾಚ್ ಫಿಕ್ಸಿಂಗ್‌ ಆರೋಪ ಕೇಳಿ ಬಂದ ಹಿನ್ನೆಲೆಯಲ್ಲಿ ಎರಡೂ ತಂಡಗಳ ಮೇಲೆ ಎರಡು ವರ್ಷಗಳ ನಿಷೇಧ ಹೇರಲಾಗಿತ್ತು.
ಸಿಎಸ್‌ಕೆ vs ಆರ್ಆರ್ ಮುಖಾಮುಖಿ
ಐಪಿಎಲ್ ಇತಿಹಾಸದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ಒಟ್ಟು 21 ಬಾರಿ ಮುಖಾಮುಖಿಯಾಗಿವೆ. ಆರ್ಆರ್ ಒಂದೇ ಬಾರಿ ಟ್ರೋಫಿ ಜಯಿಸಿದೆ. ಆದರೆ ಸಿಎಸ್‌ಕೆ ಒಟ್ಟು ಮೂರು ಬಾರಿ ಚಾಂಪಿಯನ್ಸ್ ಪಟ್ಟ ಆವರಿಸಿದೆ.
ಚೆನ್ನೈ ಸೂಪರ್ ಕಿಂಗ್ಸ್ ಮೇಲುಗೈ
ಆಡಿರುವ 21 ಪಂದ್ಯಗಳಲ್ಲಿ ಸಿಎಸ್‌ಕೆ ಬಲಿಷ್ಠ ತಂಡವಾಗಿ ಕಾಣಿಸಿದೆ. 21ರಲ್ಲಿ 14 ಪಂದ್ಯಗಳನ್ನು ಸಿಎಸ್‌ಕೆ ಜಯಿಸಿದೆ. ಇನ್ನುಳಿದ 7 ಪಂದ್ಯಗಳಲ್ಲಿ ಆರ್ಆರ್ ಗೆದ್ದು ಬೀಗಿದೆ. ಹೀಗಾಗಿ ಆರ್‌ಆರ್‌ಗೆ ಹೋಲಿಸಿದರೆ ಸಿಎಸ್‌ಕೆ ಕೊಂಚ ಬಲಿಷ್ಠ ತಂಡ.
ತಂಡಗಳ ಬಲಾಬಲ
ಈ ಬಾರಿ ಎರಡೂ ತಂಡಗಳೂ ಬಲಿಷ್ಠವಾಗಿವೆ. ಸಿಎಸ್‌ಕೆಯಲ್ಲಿ ಎಂಎಸ್ ಧೋನಿ, ಶೇನ್ ವಾಟ್ಸನ್, ಫಾಪ್ ಡು ಪ್ಲೆಸಿಸ್, ಅಂಬಾಟಿ ರಾಯುಡು, ಲುಂಗಿ ಎನ್‌ಗಿಡಿ, ಸ್ಯಾಮ್ ಕರನ್, ರವಿಂದ್ರ ಜಡೇಜಾ ಅವರಂಥ ಆಟಗಾರರಿದ್ದರೆ, ಆರ್‌ಆರ್‌ನಲ್ಲಿ ಸ್ಟೀವ್ ಸ್ಮಿತ್, ಡೇವಿಡ್ ಮಿಲ್ಲರ್, ಸಂಜು ಸ್ಯಾಮ್ಸನ್, ರಾಬಿನ್ ಉತ್ತಪ್ಪ, ಶ್ರೇಯಸ್ ಗೋಪಾಲ್, ಯಶಸ್ವಿ ಜೈಸ್ವಾಲ್ ಇದ್ದಾರೆ. ಇಂಗ್ಲೆಂಡ್ ಅನುಭವಿ ಬ್ಯಾಟ್ಸ್‌ಮನ್ ಜೋಸ್ ಬಟ್ಲರ್ ಈ ಪಂದ್ಯದಲ್ಲಿ ಆಡೋದು ಅನುಮಾನ.
