ಐಪಿಎಲ್ ಆರಂಭಕ್ಕೂ ಮುನ್ನ ಆರ್ಸಿಬಿ ತನ್ನ ಥೀಮ್ ಸಾಂಗ್ ಬಿಡುಗಡೆ ಮಾಡಿದ್ದಾರೆ. ಆರ್ಸಿಬಿ ತಂಡದ ಅಭಿಮಾನಿಗಳಿಗ ಜೋಶ್ ತುಂಬಲು ತನ್ನ ಹೊಸ ಥೀಮ್ ಸಾಂಗ್ಅನ್ನು ಆರ್ಸಿಬಿ ಫ್ರಾಂಚೈಸಿ ಬಿಡುಗಡೆಗೊಳಿಸಿದೆ. ಯುಎಇನಲ್ಲಿ ಅಭ್ಯಾಸವನ್ನು ನಡೆಸುತ್ತಿರುವ ಆರ್ಸಿಬಿ ಆಟಗಾರರ ವಿಶೇಷ ಕ್ಷಣಗಳ ದೃಶ್ಯಗಳನ್ನು ಹೊಂದಿದೆ ಈ ಥೀಮ್ ಸಾಂಗ್.
The Official RCB Anthem is here! And it’s dedicated to the best fans in the world. Time to crank up the volume to the maximum, 12th Man Army. 🗣🔊#PlayBold #IPL2020 #WeAreChallengers #Dream11IPL #RCBAnthem pic.twitter.com/zUBMfSM4U5
— Royal Challengers Bangalore (@RCBTweets) September 18, 2020
ಎರಡು ಕನ್ನಡದ ಸಾಲುಗಳನ್ನು ಹೊಂದಿರುವ ಈ ಥೀಮ್ ಸಾಂಗ್ನಲ್ಲಿ ಹಾಡಿನಲ್ಲಿ ಇಂಗ್ಲಿಷ್ ಹಾಗೂ ಹಿಂದಿ ಭಾಷೆಯನ್ನು ಹೆಚ್ಚಾಗಿ ಬಳಸಲಾಗಿದೆ. ಹೀಗಾಗಿ ಆರ್ಸಿಬಿಯ ಕನ್ನಡಿಗ ಅಭಿಮಾನಿಗಳು ಈಗ ಆರ್ಸಿಬಿ ಫ್ರಾಂಚೈಸಿ ವಿರುದ್ಧ ಕಿಡಿಕಾರುತ್ತಿದ್ದಾರೆ.
ಐಪಿಎಲ್: ದಾಖಲೆಯ ಸಮೀಪದಲ್ಲಿದ್ದಾರೆ ಆಲ್ ರೌಂಡರ್ ರವೀಂದ್ರ ಜಡೇಜಾ
ಕರ್ನಾಟಕ ಮೂಲದ ಫ್ರಾಂಚೈಸಿಯಾಗಿದ್ದು ಕನ್ನಡ ಭಾಷೆಯನ್ನು ಸೂಕ್ತವಾಗಿ ಬಳಕೆ ಮಾಡದಿರುವುದು ಅಭಿಮಾನಿಗಳಿಗೆ ಬೇಸರವಾಗಲು ಒಂದು ಕಾರಣವಾದರೆ ಮತ್ತೊಂದು ಹಾಡಿನಲ್ಲಿ ಯಥೇಚ್ಛವಾಗಿ ಹಿಂದಿ ಬಳಕೆಯಾಗಿದೆ. ಇದು ಕನ್ನಡಿಗ ಅಭಿಮಾನಿಗಳನ್ನು ಕೆರಳಿಸಿದ್ದು ಸಾಮಾಜಿಕ ಜಾಲತಾಣದಲ್ಲಿ ಸರಿಯಾಗಿಯೇ ಕ್ಲಾಸ್ ತೆಗೆದುಕೊಳ್ಳುತ್ತಿದ್ದಾರೆ.
This is why we Kannadigas shouldn't emotionally get associated with any of these club teams, for them Kannada is nothing.
— Navaneeth H K | ನವನೀತ್ ಹೆಚ್. ಕೆ (@NavaneethGowda1) September 18, 2020
Also they using Namma Bengaluru name for their commercial gains is unacceptable. https://t.co/Zl5BpT0Ldz
ಇದೇ ಕಾರಣಕ್ಕಾಗಿ ಬಹುತೇಕ ಕನ್ನಡಿಗರು ಆರ್ಸಿಬಿ ತಂಡದ ಜೊತೆಗೆ ಭಾವನಾತ್ಮಕವಾಗಿ ಬೆರೆತುಕೊಂಡಿಲ್ಲ ಎಂದು ಕೆಲ ಅಭಿಮಾನಿಗಳು ಅಭಿಪ್ರಾಯವನ್ನು ವ್ಯಕ್ತಪಡಿಸಿದರೆ ಇನ್ನೂ ಕೆಲವರು ನಮಗೆ ಕರ್ನಾಟಕದ ರಣಜಿ ತಂಡವೇ ಸಾಕು ಎಂದು ಹೇಳಿದ್ದಾರೆ. ಇನ್ನೂ ಕೆಲವರು ಈ ರೀತಿಯಾಗಿ ಹಿಂದಿ ಹೇರಿಕೆ ಮಾಡುತ್ತಿದ್ದೀರಾ ಎಂದು ಆಕ್ರೋಶದಿಂದ ಹೇಳಿದ್ದಾರೆ.
ಈ ತಂಡವನ್ನೆ ಮುಚ್ಚಿಬಿಡ್ರಪ್ಪ ಸುಮ್ಮನೆ. ನಮ್ಮ @RanjiKarnataka ಸಾಕು ನಮಗೆ. ಹೇಗಿದ್ರು ಕನ್ನಡದವರೆಲ್ಲ ಬೇರೆ ತಂಡದಲ್ಲಿದ್ದಾರೆ. https://t.co/kz1HDqmflc
— ದರ್ಜಿ - ೨ (@ManjunathSMys) September 18, 2020
ಶನಿವಾರದಿಂದ ಐಪಿಎಲ್ ಆರಂಭವಾಗಲಿದ್ದು ಮೊದಲ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಕಣಕ್ಕಿಳಿಯುತ್ತಿದೆ. ಆರ್ಸಿಬಿ ತಂಡದ ಮೊದಲ ಪಂದ್ಯ ಸೋಮವಾರ ನಡೆಯಲಿದ್ದು ಸನ್ ರೈಸರ್ಸ್ ಹೈದರಾಬಾದ್ ಆರ್ಸಿಬಿ ಗೆ ಮುಖಾಮುಣಿಯಾಗಲಿದೆ.