ಆಲ್ಔಟ್ ಆಗದಿರುವುದೇ ಕೆಕೆಆರ್ ಸಾಧನೆ
ಸಿರಾಜ್ ಬಳಿಕ ಯುಜುವೇಂದ್ರ ಚಾಹಲ್ ತಮ್ಮ ಕೈಚಳಕವನ್ನು ತೋರಿಸಿ ಎರಡು ವಿಕೆಟ್ ಪಡೆದರು. ಕೆಕೆಆರ್ನ ಬ್ಯಾಟಿಂಗ್ ಪಡೆಗೆ ಸ್ವಲ್ಪವೂ ಸೊಲ್ಲೆತ್ತದಂತೆ ಮಾಡುವಲ್ಲಿ ಆರ್ಸಿಬಿ ಬೌಲಿಂಗ್ ಪಡೆ ಯಶಸ್ವಿಯಾಗಿತ್ತು. ಒಟ್ಟಾರೆಯಾಗಿ ನಿಗದಿತ 20 ಓವರ್ಗಳಲ್ಲಿ ಕೆಕೆಆರ್ ತನ್ನ 8 ವಿಕೆಟ್ ಕಳೆದುಕೊಂಡು 84 ರನ್ ಗಳಿಸಲಷ್ಟೇ ಶಕ್ತವಾಯಿತು. ಆಲೌಟ್ ಆಗದೆ ಉಳಿದಿದ್ದೇ ಕೆಕೆಆರ್ನ ಸಾಧನೆಯೆನಿಸಿತು.
ಆರ್ಸಿಬಿ ಬೌಲಿಂಗ್ ದಾಳಿ
ಇನ್ನು ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿದ ಸಿರಾಜ್ ತಮ್ಮ ನಾಲ್ಕು ಓವರ್ಗಳಲ್ಲಿ ಕೇವಲ 8 ರನ್ ನೀಡಿ 3 ವಿಕೆಟ್ ಪಡೆದುಕೊಂಡರು. ಇದರಲ್ಲಿ ಎರಡು ಮೇಡನ್ ಓವರ್ಗಳು ಕೂಡ ಸೇರಿತ್ತು. ಇನ್ನು ಚಾಹಲ್ 15 ರನ್ಗಳನ್ನು ನೀಡಿ 2 ವಿಕೆಟ್ ಕೀಳುವಲ್ಲಿ ಯಶಸ್ವಿಯಾದರು. ಉಳಿದಂತೆ ನವ್ದೀಪ್ ಸೈನಿ ಹಾಗೂ ವಾಶಿಂಗ್ಟನ್ ಸುಂದರ್ ತಲಾ ಒಂದು ವಿಕೆಟ್ ಪಡೆದುಕೊಂಡರು.
ಆರ್ಸಿಬಿಗೆ ಏಳನೇ ಗೆಲುವು
ಕೆಕೆಆರ್ ನೀಡಿದ ಈ ಗುರಿಯನ್ನು ಆರ್ಸಿಬಿ ಸುಲಭವಾಗಿ ತಲುಪುವಲ್ಲಿ ಯಶಸ್ವಿಯಾಯಿತು. 13.3 ಓವರ್ಗಳಲ್ಲಿ 2 ವಿಕೆಟ್ ಕಳೆದುಕೊಂಡ ಆರ್ಸಿಬಿ 85 ರನ್ ಗಳಿಸಿ 8 ವಿಕೆಟ್ಗಳ ಭರ್ಜರಿ ಗೆಲುವು ಆಚರಿಸಿಕೊಂಡಿತು. ಈ ಮೂಲಕ ಟೂರ್ನಿಯಲ್ಲಿ 7ನೇ ಗೆಲುವನ್ನು ತನ್ನದಾಗಿಸಿಕೊಂಡಿದೆ.
ಉತ್ತಮ ಬ್ಯಾಟಿಂಗ್
ಆರ್ಸಿಬಿ ತಂಡದ ಬ್ಯಾಟಿಂಗ್ನಲ್ಲಿ ಆರಂಭಿಕರು ಉತ್ತಮ ಬ್ಯಾಟಿಂಗ್ ಪ್ರದರ್ಶನವನ್ನು ನೀಡಿದರು. ಮೊದಲ ವಿಕೆಟ್ಗೆ ಫಿಂಚ್, ಪಡಿಕ್ಕಲ್ ಜೋಡಿ 46 ರನ್ಗಳ ಜೊತೆಯಾಟವನ್ನು ನೀಡಿತು. ಪಡಿಕ್ಕಲ್ 25 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರೆ ಫಿಂಚ್ 16 ರನ್ ಗಳಿಸಿ ಔಟಾದರು. ಬಳಿಕ ಬಂದ ಗುರುಕೀರತ್ ಹಾಗೂ ಕೊಹ್ಲಿ ಗೆಲುವಿನ ದಡ ತಲುಪಿಸುವಲ್ಲಿ ಯಶಸ್ವಿಯಾದರು.