ಕೊಹ್ಲಿ ಮಾಡಿದ್ದ ಮಿಸ್ಟೇಕ್
ಪಂಜಾಬ್ ವಿರುದ್ಧದ ಮೊದಲ ಮುಖಾಮುಖಿಯ ವೇಳೆ ಕೊಹ್ಲಿ ಮಾಡಿದ್ದ ತಪ್ಪೆಂದರೆ ಕೆಎಲ್ ರಾಹುಲ್ ಅವರ ಕ್ಯಾಚ್ ಅನ್ನು ಎರಡೆರಡು ಸಾರಿ ಕೈ ಚೆಲ್ಲಿದ್ದು. ವಿಶ್ವದ ಶ್ರೇಷ್ಠ ಫೀಲ್ಡರ್ಗಳ ಸಾಲಿನಲ್ಲಿ ಗುರುತಿಸಿಕೊಂಡಿರುವ ಕೊಹ್ಲಿ ಆವತ್ತು ಕ್ಯಾಚ್ ಮಿಸ್ ಮಾಡಿದ್ದರಿಂದ ಆರ್ಸಿಬಿ ಹೀನಾಯವಾಗಿ ಸೋತಿತ್ತು.
ಶತಕ ಚಚ್ಚಿದ್ದ ರಾಹುಲ್
ಆವತ್ತಿನ ಪಂದ್ಯದಲ್ಲಿ 17ನೇ ಓವರ್ನಲ್ಲಿ ರಾಹುಲ್ ಬೀಸಿದ ಚೆಂಡನ್ನು ಡೀಪ್ ಸ್ಕ್ವೇರ್ ಲೆಗ್ನಲ್ಲಿದ್ದ ಕೊಹ್ಲಿ ಕೈ ಚೆಲ್ಲಿದ್ದರು. ಆಗ ರಾಹುಲ್ 83 ರನ್ ಬಾರಿಸಿದ್ದರು. ಅದಾಗಿ ಮತ್ತೆ 18ನೇ ಓವರ್ನಲ್ಲೂ ಕೊಹ್ಲಿ, ರಾಹುಲ್ ಕ್ಯಾಚ್ ಡ್ರಾಪ್ ಮಾಡಿದರು. ಹೀಗಾಗಿ ರಾಹುಲ್ 132 ರನ್ ಬಾರಿಸಿ ಪಂದ್ಯ ಗೆದ್ದಿದ್ದರು.
ಕೊಹ್ಲಿ ಕಾಲೆಳೆದ ರಾಹುಲ್
ಇನ್ಸ್ಟಾಗ್ರಾಮ್ ಲೈವ್ನಲ್ಲಿ ವಿರಾಟ್ ಮತ್ತು ರಾಹುಲ್ ಮಾತನಾಡುತ್ತಿದ್ದಾಗ ರಾಹುಲ್ ತಮಾಷೆ ಮಾಡಿದರು. 'ಆರ್ಸಿಬಿ ವಿರುದ್ಧ ಆಡುವುದೆಂದರೆ ಖುಷಿ. ಹೀಗಾಗಿ ನಾನು ಮತ್ತೊಂದು ಗೆಲುವಿನತ್ತ ಎದುರು ನೋಡುತ್ತಿದ್ದೇನೆ. ಯಾಕೆಂದರೆ ಕೆಲ ಫೀಲ್ಡರ್ಗಳು ಒಂದಿಷ್ಟು ಕ್ಯಾಚ್ ಡ್ರಾಪ್ ಮಾಡಲಿದ್ದಾರೆ,' ಎಂದು ರಾಹುಲ್ ಅವರು ಕೊಹ್ಲಿಯ ಕಾಲೆಳೆದರು.
ರಾಹುಲ್ಗೆ ಕೊಹ್ಲಿ ಎಚ್ಚರಿಕೆ
ರಾಹುಲ್ ಮಾತಿಗೆ ಪ್ರತಿಕ್ರಿಯಿಸಿದ ವಿರಾಟ್, 'ಹಿಂದಿನ ಬಾರಿಯಂತೆ ಈ ಬಾರಿಯೂ ನಾನು ಅದೇ ಜಾಗದಲ್ಲಿ ನಿಲ್ಲುತ್ತೇನೆ. ಆದರೆ ಈ ಬಾರಿ ಬಾನೆತ್ತರಕ್ಕೆ ಚೆಂಡು ಹೊಡೆಯುವ ಮೊದಲು ಎರಡೆರಡು ಬಾರಿ ಯೋಚಿಸು,' ಎಂದು ಎಚ್ಚರಿಸಿದ್ದಾರೆ.