ಫ್ರಾಂಚೈಸಿಗಳಲ್ಲಿ ಅಸಮಾಧಾನ
ಹೆಚ್ಚುವರಿ ತಂಡಗಳನ್ನು ಸೇರಿಸಲಿರುವುದರಿಂದ ಮುಂದಿನ ವರ್ಷ ಮೆಗಾ ಆಕ್ಷನ್ (ಆಟಗಾರರ ಹರಾಜು) ನಡೆಯುವ ಸಾಧ್ಯತೆಯಿರುವುದರಿಂದ ಈಗಾಗಲೇ ಬಲಿಷ್ಠ ತಂಡಗಳನ್ನು ಉಳಿಸಿಕೊಂಡಿರುವ ಫ್ರಾಂಚೈಸಿಗಳಿಗೆ ಹೆಚ್ಚುವರಿ ತಂಡಗಳ ಸೇರ್ಪಡೆ ಖುಷಿ ನೀಡಿಲ್ಲ. ಅಂತೂ ಮುಂದಿನ ಐಪಿಎಲ್ ಇನ್ನಷ್ಟು ರೋಚಕ ಅನ್ನಿಸಲಿದೆ. ದೊಡ್ಡ ಬದಲಾವಣೆಗಳಿಗೆ ಸಾಕ್ಷಿಯಾಗಲಿದೆ.
ಪ್ರತೀ ತಂಡಗಳಿಗೂ 18 ಪಂದ್ಯಗಳು
ಸದ್ಯ ಐಪಿಎಲ್ನಲ್ಲಿ 8 ತಂಡಗಳು ಭಾಗವಹಿಸುತ್ತಿದ್ದು, ರೌಂಡ್ ರಾಬಿನ್ ಮಾದರಿ ಪ್ರಕಾರ ಪ್ರತೀ ತಂಡಗಳೂ ಎಲ್ಲಾ ಎದುರಾಳಿ ತಂಡಗಳನ್ನು ಒಮ್ಮೆ ಲೀಗ್ನಲ್ಲಿ ಎದುರಿಸಲಿದೆ. ಲೀಗ್ ಹಂತದಲ್ಲಿ ಪ್ರತೀ ತಂಡಗಳೂ 14 ಪಂದ್ಯಗಳನ್ನು ಆಡಲಿದೆ. ಐಪಿಎಲ್ 2021ರ ಐಪಿಎಲ್ನಲ್ಲಿ 10 ತಂಡಗಳಾದರೆ ಇದೇ ಮಾದರಿಯ ಪ್ರಕಾರ ಲೀಗ್ ಹಂತದಲ್ಲಿ ಪ್ರತೀ ತಂಡಗಳೂ 18 ಪಂದ್ಯಗಳನ್ನು ಆಡಬೇಕಾಗುತ್ತದೆ.
ಐಪಿಎಲ್ 2021ಕ್ಕೆ ಹೊಸ ಮಾದರಿ
ಟೈಮ್ಸ್ ಆಫ್ ಇಂಡಿಯಾ ವರದಿಯ ಪ್ರಕಾರ, ಮುಂದಿನ ಐಪಿಎಲ್ಗೆ ಐಪಿಎಲ್ ಮಾದರಿಯಲ್ಲಿ ಬದಲಾವಣೆಯಾಗಲಿದೆ. ಮತ್ತೆ 2011ರ ಮಾದರಿಗೆ ಮರಳಲು ಆಯೋಜಕರು ಯೋಚಿಸುತ್ತಿದ್ದಾರೆ. 2011ರಲ್ಲಿ 10 ತಂಡಗಳನ್ನು 5ರಂತೆ ಎರಡು ಗುಂಪುಗಳಾಗಿ ವಿಭಾಜಿಸಲಾಗಿತ್ತು. ಪ್ರತೀ ತಂಡವೂ ಲೀಗ್ ಹಂತದಲ್ಲಿ 14 ಪಂದ್ಯಗಳನ್ನು ಆಡುತ್ತಿತ್ತು. ಪ್ರತೀ ತಂಡವೂ ತಮ್ಮದೇ ಗುಂಪಿನ ಇತರ ನಾಲ್ಕು ತಂಡಗಳನ್ನು ಎರಡು ಬಾರಿ ಎದುರಿಸುತ್ತಿತ್ತು. ಪ್ರತೀ ತಂಡವೂ ಎದುರಾಳಿ ಗುಂಪಿನಿಂದ ನಾಲ್ಕು ತಂಡಗಳನ್ನು ಒಂದು ಬಾರಿ ಮತ್ತು ಉಳಿದ ಇನ್ನೊಂದು ತಂಡವನ್ನು ಎರಡು ಬಾರಿ ಎದುರಿಸುತ್ತಿತ್ತು.