ಮನೀಶ್ ಪಾಂಡೆ ಹೆಸರಲ್ಲಿದೆ ದಾಖಲೆ
ಐಪಿಎಲ್ನಲ್ಲಿ ಅತಿ ಕಿರಿಯ ವಯಸ್ಸಿನಲ್ಲಿ ಶತಕ ಸಿಡಿಸಿದ ಆಟಗಾರ ಎನಿಸಿರುವ ಮನೀಶ್ ಪಾಂಡೆ 19 ವರ್ಷ 253 ದಿನಗಳಾಗಿದ್ದಾಗ ಈ ಸಾಧನೆಯನ್ನು ಮಾಡಿದ್ದರು. 2009ರ ಐಪಿಎಲ್ ಆವೃತ್ತಿಯಲ್ಲಿ ಮನೀಶ್ ಈ ದಾಖಲೆ ಬರೆದಿದ್ದರು. ಈ ಮೂಲಕ ಐಪಿಎಲ್ನಲ್ಲಿ ಶತಕ ಸಿಡಿಸಿದ ಮೊದಲ ಭಾರತೀಯ ಆಟಗಾರ ಎಂಬ ಹೆಗ್ಗಳಿಕೆಯನ್ನು ಮನೀಶ್ ಪಾಂಡೆ ಪಡೆದುಕೊಂಡಿದ್ದಾರೆ.
ಎರಡನೇ ಸ್ಥಾನದಲ್ಲಿ ಪಂತ್
ಇನ್ನು ಶತಕ ಸಿಡಿಸಿದ ಅತಿ ಕಿರಿಯ ಆಟಗಾರರ ಪೈಕಿ ಎರಡನೇ ಸ್ಥಾನದಲ್ಲಿರುವ ರಿಷಭ್ ಪಂತ್ 2018ರ ಐಪಿಎಲ್ ಆವೃತ್ತಿಯಲ್ಲಿ ಈ ಸಾಧನೆಯನ್ನು ಮಾಡಿದ್ದಾರೆ. ಆ ಸಂದರ್ಭದಲ್ಲಿ ರಿಷಭ್ ಪಂತ್ ವಯಸ್ಸು 20 ವರ್ಷ 218 ದಿನಗಳಾಗಿತ್ತು
ದಾಖಲೆ ಬರೆದ ಪಡಿಕ್ಕಲ್
ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಶತಕ ಸಿಡಿಸುವಾಗ ದೇವದತ್ ಪಡಿಕ್ಕಲ್ಗೆ ವಯಸ್ಸು 20 ವರ್ಷ 289 ದಿನಗಳು. ಈ ಮೂಲಕ ಆರ್ಸಿಬಿ ತಂಡದ ಪರವಾಗಿ 14ನೇ ಶತಕವನ್ನು ಸಿಡಿಸಿದ್ದಾರೆ ದೇವದತ್ ಪಡಿಕ್ಕಲ್. ಐಪಿಎಲ್ನಲ್ಲಿ ತಂಡವೊಂದು ಬಾರಿಸಿದ ಅತಿ ಹೆಚ್ಚು ಶತಕ ಇದಾಗಿದೆ.
ಬೃಹತ್ ಜೊತೆಯಾಟದಲ್ಲಿ ಭಾಗಿಯಾದ ಪಡಿಕ್ಕಲ್
ಇನ್ನು ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ದೇವದತ್ ಪಡಿಕ್ಕಲ್ ಭರ್ಜರಿ ಶತಕವನ್ನು ಸಿಡಿಸಿದ್ದಲ್ಲದೆ ನಾಯಕ ವಿರಾಟ್ ಕೊಹಲಿ ಜೊತೆಗೆ ಮೊದಲ ವಿಕೆಟ್ಗೆ 181 ರನ್ಗಳ ಜೊತೆಯಾಟವನ್ನು ನೀಡಿದ್ದಾರೆ. ಇದು ರನ್ ಬೆನ್ನಟ್ಟುವ ವೇಳೆ ವಿಕೆಟ್ ಕಳೆದುಕೊಳ್ಳದೆ ಐಪಿಎಲ್ನಲ್ಲಿ ದಾಖಲಾದ ಎರಡನೇ ಅತಿ ದೊಡ್ಡ ಸ್ಕೋರ್ ಎನಿಸಿದೆ.