5. ರಿಷಭ್ ಪಂತ್
23 ವರ್ಷ 6 ತಿಂಗಳ ವಯಸ್ಸಿನ ರಿಷಭ್ ಪಂತ್ ಈ ಬಾರಿಯ ಐಪಿಎಲ್ ಟೂರ್ನಿಯಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ನಾಯಕನಾಗಿ ಮುನ್ನಡೆಸಲಿದ್ದಾರೆ.
4. ಶ್ರೇಯಸ್ ಅಯ್ಯರ್
2018ರಲ್ಲಿ ಗೌತಮ್ ಗಂಭೀರ್ ಬಳಿಕ ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ನಾಯಕತ್ವವನ್ನು ವಹಿಸಿಕೊಂಡಾಗ ಶ್ರೇಯಸ್ ಅಯ್ಯರ್ ಅವರ ವಯಸ್ಸು 23 ವರ್ಷ 4 ತಿಂಗಳು.
3. ಸುರೇಶ್ ರೈನಾ
2010ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಧೋನಿ ಗಾಯಕ್ಕೊಳಗಾದ ಸುರೇಶ್ ರೈನಾ ತಂಡದ ನಾಯಕತ್ವವನ್ನು ವಹಿಸಿಕೊಂಡಿದ್ದರು. ಆ ಸಮಯದಲ್ಲಿ ರೈನಾ ಅವರ ವಯಸ್ಸು 23 ವರ್ಷ 3 ತಿಂಗಳು.
2. ಸ್ಟೀವ್ ಸ್ಮಿತ್
ಆಸ್ಟ್ರೇಲಿಯದ ಮಾಜಿ ನಾಯಕ ಸ್ಟೀವ್ ಸ್ಮಿತ್ ಪುಣೆ ವಾರಿಯರ್ಸ್ ತಂಡದ ನಾಯಕನಾಗಿ 2012ರಲ್ಲಿ ಆಯ್ಕೆಯಾಗಿದ್ದರು. ಸತತ 6 ಸೋಲುಗಳನ್ನು ತಂಡ ಕಂಡ ನಂತರ ಸೌರವ್ ಗಂಗೂಲಿ ಅವರನ್ನು ಸ್ಮಿತ್ ಬದಲು ನಾಯಕರನ್ನಾಗಿ ನೇಮಿಸಲಾಯಿತು. ಸ್ಮಿತ್ ನಾಯಕತ್ವವನ್ನು ವಹಿಸಿಕೊಂಡಾಗ ಅವರ ವಯಸ್ಸು 22 ವರ್ಷ 11 ತಿಂಗಳಾಗಿತ್ತು.
1. ವಿರಾಟ್ ಕೊಹ್ಲಿ
ಐಪಿಎಲ್ ದಾಖಲೆ ಕುರಿತು ಮಾತನಾಡುವಾಗ ಬಹುತೇಕ ವಿಷಯಗಳಲ್ಲಿ ವಿರಾಟ್ ಕೊಹ್ಲಿ ಅವರ ಹೆಸರು ಕೇಳಿ ಬಂದೇ ಬರುತ್ತದೆ. ಹಾಗೆ ಅತಿ ಕಿರಿಯ ವಯಸ್ಸಿನಲ್ಲಿಯೇ ಐಪಿಎಲ್ ತಂಡವೊಂದರ ನಾಯಕತ್ವ ವಹಿಸಿಕೊಂಡವರ ದಾಖಲೆಯಲ್ಲೂ ಸಹ ವಿರಾಟ್ ಕೊಹ್ಲಿ ಅವರು ಅಗ್ರಸ್ಥಾನದಲ್ಲಿದ್ದಾರೆ. 2011ರ ಐಪಿಎಲ್ ಟೂರ್ನಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಡೇನಿಯಲ್ ವೆಟ್ಟೋರಿ ಮುನ್ನಡೆಸುತ್ತಿದ್ದರು. ವೆಟ್ಟೋರಿ ಗಾಯಕ್ಕೊಳಗಾದ ತಂಡದ ಉಪನಾಯಕನಾಗಿದ್ದ ಕೊಹ್ಲಿ ಅವರಿಗೆ ನಾಯಕತ್ವವನ್ನು ವಹಿಸಲಾಯಿತು. ಆ ಸಮಯದಲ್ಲಿ ವಿರಾಟ್ ಅವರ ವಯಸ್ಸು 22 ವರ್ಷ 6 ತಿಂಗಳು. ಈ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಅತಿ ಕಿರಿಯ ವಯಸ್ಸಿಗೆ ವಿರಾಟ್ ಕೊಹ್ಲಿ ನಾಯಕತ್ವ ವಹಿಸಿಕೊಂಡಿದ್ದರು.