ಯಾಕೆ ಪ್ರಮುಖ ಆಟಗಾರರು ಮಿಸ್?
ದಕ್ಷಿಣ ಆಫ್ರಿಕಾ ರಾಷ್ಟ್ರೀಯ ತಂಡದಲ್ಲಿ ಆಡುವ ಪ್ರಮುಖ ಆಟಗಾರರು ಐಪಿಎಲ್ನ ಬೇರೆ ಬೇರೆ ತಂಡಗಳಲ್ಲಿ ಆಡುತ್ತಿದ್ದಾರೆ. ಪಾಕಿಸ್ತಾನ-ದಕ್ಷಿಣ ಆಫ್ರಿಕಾ ನಡುವಿನ ಮೂರು ಪಂದ್ಯಗಳ ಏಕದಿನ ಸರಣಿ ಏಪ್ರಿಲ್ 2ರಿಂದ ಆರಂಭಗೊಳ್ಳಲಿದೆ. ಹೀಗಾಗಿ ಸರಣಿ ಮುಗಿಸಿ ದಕ್ಷಿಣ ಆಫ್ರಿಕಾ ಆಟಗಾರರು ಕ್ವಾರಂಟೈನ್ ಪಾಲಿಸಿ ಆಯಾ ಫ್ರಾಂಚೈಸಿ ಪರ ಆಡುವಾಗ ಸಹಜವಾಗೇ ತಡವಾಗುವ ಸಾಧ್ಯತೆಯಿದೆ. ಹೀಗಾಗಿ ಆರಂಭಿಕ ಪಂದ್ಯಗಳನ್ನು ಇವರು ಮಿಸ್ ಮಾಡಿಕೊಳ್ಳುವ ಸಾಧ್ಯತೆಯಿದೆ.
ಮೊದಲ ಪಂದ್ಯದಲ್ಲೇ ಆಡಬಹುದು, ಆದರೆ..
ದಕ್ಷಿಣ ಆಫ್ರಿಕಾ ಪರ ಆಡುವ ಐಪಿಎಲ್ ಆಟಗಾರರನ್ನು ಪಾಕ್ ವಿರುದ್ಧ ದ್ವಿತೀಯ ಏಕದಿನ ಮುಗಿದ ಬಳಿಕ ಅಂದರೆ ಏಪ್ರಿಲ್ 4ರ ಬಳಿಕ ಭಾರತಕ್ಕೆ ಕಳುಹಿಸಿಕೊಡಲು ಕ್ರಿಕೆಟ್ ಸೌತ್ ಆಫ್ರಿಕಾ ಒಪ್ಪಿದೆ. ಕ್ವಿಂಟರ್ ಡಿ ಕಾಕ್ ಅವರು ಮುಂಬೈ ಇಂಡಿಯನ್ಸ್ ಪರ ಆರಂಭಿಕ ಪಂದ್ಯದಲ್ಲೇ ಆಡಲು ಅವಕಾಶವಿದೆ. ಆದರೆ ಏಪ್ರಿಲ್ 4ಕ್ಕೆ ಮುಂಬೈ ಫ್ರಾಂಚೈಸಿ ದಕ್ಷಿಣ ಆಫ್ರಿಕಾಕ್ಕೆ ಚಾರ್ಟರ್ಡ್ ಫ್ಲೈಟ್ ವ್ಯವಸ್ಥೆ ಮಾಡಬೇಕು. ಆಗ ಬಯೋ ಬಬಲ್ನಿಂದ ಬಯೋಬಬಲ್ಗೆ ಆಟಗಾರನ ವರ್ಗಾವಣೆ ಆದಂತಾಗುತ್ತದೆ. ಹೀಗಾದರೆ ಒಬ್ಬ ಆಟಗಾರ ಮತ್ತೆ ಕ್ವಾರಂಟೈನ್ ಪಾಲಿಸುವ ಅನಿವಾರ್ಯತೆ ಇರುವುದಿಲ್ಲ. ಬಯೋ ಬಬಲ್ನಿಂದ ಬಯೋ ಬಬಲ್ಗೆ ಆಟಗಾರನ ವರ್ಗಾವಣೆ ಆಗದಿದ್ದರೆ ಆ ಆಟಗಾರ ತಾಣಕ್ಕೆ ಬಂದ ಬಳಿಕ ಕನಿಷ್ಠ 1 ವಾರದ ಕ್ವಾರಂಟೈನ್ ಪಾಲಿಸಬೇಕು.
ಯಾವೆಲ್ಲ ಆಟಗಾರರು ಮಿಸ್?
ದಕ್ಷಿಣ ಆಫ್ರಿಕಾ ರಾಷ್ಟ್ರೀಯ ತಂಡದಲ್ಲಿ ಆಡುವ ಒಟ್ಟು ಐದು ಪ್ರಮುಖ ಆಟಗಾರರು ಐಪಿಎಲ್ನಲ್ಲಿ ಆಡುತ್ತಿದ್ದಾರೆ. ಅವರೆಂದರೆ ಕಾಗಿಸೊ ರಬಾಡ ಮತ್ತು ಅನ್ರಿಕ್ ನಾಟ್ಜ್ (ಇಬ್ಬರೂ ಡೆಲ್ಲಿ ಕ್ಯಾಪಿಟಲ್ಸ್), ಸ್ಫೋಟಕ ಬ್ಯಾಟ್ಸ್ಮನ್ ಡೇವಿಡ್ ಮಿಲ್ಲರ್ (ರಾಜಸ್ಥಾನ್ ರಾಯಲ್ಸ್), ವೇಗಿ ಲುಂಗಿ ಸಾಲಿ ಎನ್ಗಿಡಿ (ಚೆನ್ನೈ ಸೂಪರ್ ಕಿಂಗ್ಸ್). ಈ ಆಟಗಾರರು ಏಪ್ರಿಲ್ 5ಕ್ಕೆ ಅವರವರ ತಾಣಕ್ಕೆ ಬಂದರೂ ಕ್ವಾರಂಟೈನ್ ಮುಗಿಸಿ ಪಂದ್ಯಕ್ಕೆ ಲಭ್ಯರಾಗೋದು ಏಪ್ರಿಲ್ 12ರ ಬಳಿಕ. ಆದರೆ ಏಪ್ರಿಲ್ 9ರಂದು ಐಪಿಎಲ್ ಆರಂಭಗೊಳ್ಳುವುದರಿಂದ 9ರಂದು ಎಂಐ vs ಆರ್ಸಿಬಿ, 10ರಂದು ಸಿಎಸ್ಕೆ vs ಡಿಸಿ, 11ರಂದು ಎಸ್ಆರ್ಎಚ್ vs ಕೆಕೆಆರ್, 12ರಂದು ಆರ್ಆರ್ vs ಪಿಕೆ ಪಂದ್ಯಗಳು ನಡೆಯಲಿವೆ.