ನವದೆಹಲಿ: ದೆಹಲಿಯ ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ಗುರುವಾರ (ಏಪ್ರಿಲ್ 29) ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 25ನೇ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಹಾಲಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ 7 ವಿಕೆಟ್ ಸುಲಭ ಜಯ ಗಳಿಸಿದೆ. ಆರಂಭಿಕ ಬ್ಯಾಟ್ಸ್ಮನ್ ಕ್ವಿಂಟನ್ ಡಿ ಕಾಕ್ ಅರ್ಧ ಶತಕದೊಂದಿಗೆ ಮುಂಬೈ 3ನೇ ಜಯ ದಾಖಲಿಸಿದೆ.
ದೇವದತ್ ಪಡಿಕ್ಕಲ್ ನೆಚ್ಚಿನ ಐಪಿಎಲ್ ಆಟಗಾರ ಯಾರು ಗೊತ್ತಾ?
ಆರಂಭಿಕರಾಗಿ ಬಂದಿದ್ದ ಕ್ವಿಂಟನ್ ಡಿ ಕಾಕ್ 50 ಎಸೆತಗಳಿಗೆ ಅಜೇಯ 70 ರನ್ ಗಳಿಸಿದ್ದರು. ಇದರಲ್ಲಿ 6 ಫೋರ್ಸ್, 2 ಸಿಕ್ಸರ್ ಸೇರಿತ್ತು. ಇದು ಡಿ ಕಾಕ್ ಐಪಿಎಲ್ನಲ್ಲಿ ಬಾರಿಸಿದ 15ನೇ ಅರ್ಧ ಶತಕ. 71ನೇ ಐಪಿಎಲ್ ಪಂದ್ಯದಲ್ಲಿ ಡಿ ಕಾಕ್ ಈ ಸಾಧನೆ ಮಾಡಿದ್ದಾರೆ.
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ರಾಜಸ್ಥಾನ್ ರಾಯಲ್ಸ್, ಜೋಸ್ ಬಟ್ಲರ್ 41, ಯಶಸ್ವಿ ಜೈಸ್ವಾಲ್ 32, ಸಂಜು ಸ್ಯಾಮ್ಸನ್ 42, ಶಿವಂ ದೂಬೆ 35, ಡೇವಿಡ್ ಮಿಲ್ಲರ್ 7, ರಿಯಾನ್ ಪರಾಗ್ 8 ರನ್ನೊಂದಿಗೆ 20 ಓವರ್ಗೆ 4 ವಿಕೆಟ್ ಕಳೆದು 171 ರನ್ ಗಳಿಸಿತ್ತು.
ಐಪಿಎಲ್ 2021: ಬೆನ್ ಸ್ಟೋಕ್ಸ್ಗೆ ಬದಲಿಯಾಗಿ ರಾಜಸ್ಥಾನ್ ರಾಯಲ್ಸ್ಗೆ ದಕ್ಷಿಣ ಆಫ್ರಿಕಾದ ಆಟಗಾರ ಸೇರ್ಪಡೆ
ಗುರಿ ಬೆನ್ನಟ್ಟಿದ ಮುಂಬೈ ಇಂಡಿಯನ್ಸ್, ರೋಹಿತ್ ಶರ್ಮಾ 14, ಕ್ವಿಂಟನ್ ಡಿ ಕಾಕ್ 70, ಸೂರ್ಯಕುಮಾರ್ ಯಾದವ್ 16, ಕೃನಾಲ್ ಪಾಂಡ್ಯ 39, ಕೀರನ್ ಪೊಲಾರ್ಡ್ 16 ರನ್ನೊಂದಿಗೆ 18.3ನೇ ಓವರ್ಗೆ 3 ವಿಕೆಟ್ ಕಳೆದು 172 ರನ್ ಗಳಿಸಿ ಗೆಲುವನ್ನಾಚರಿಸಿತು.