ಕುತೂಹಲಕಾರಿ ಅಂಕಿ-ಅಂಶ
ಅತೀ ಬಲಿಷ್ಠ ತಂಡ ಮುಂಬೈ ಇಂಡಿಯನ್ಸ್ ಎದುರು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವೇ ಗೆಲ್ಲಲಿದೆ ಎನ್ನಲು ಕಾರಣವಿದೆ. ಯಾಕೆಂದರೆ ಕುತೂಹಲಕಾರಿ ಅಂಕಿ-ಅಂಶವೊಂದು ಈ ಸತ್ಯ ಬಹಿರಂಗಪಡಿಸುತ್ತಿದೆ. ಅದೇನೆಂದರೆ ಆರಂಭಿಕ ಪಂದ್ಯದಲ್ಲಿ ಮುಂಬೈ ಗೆದ್ದಿದ್ದು ಕಡಿಮೆ. ಸೋತಿದ್ದೇ ಹೆಚ್ಚು. ಸಾಲದ್ದಕ್ಕೆ ವಿರಾಟ್ ಕೊಹ್ಲಿ ಪಡೆ ಈ ಸಾರಿ ಇನ್ನೂ ಬಲಿಷ್ಠವಾಗಿರುವುದರಿಂದ ಗೆಲ್ಲುವ ನಿರೀಕ್ಷೆ ಮೂಡಿಸಿದೆ.
8 ವರ್ಷಗಳಿಂದ ಸತತ ಸೋಲು
2013ರಿಂದ 2020ರ ವರೆಗೂ ಎಂಐ ತಂಡ ಟೂರ್ನಿಯ ಆರಂಭಿಕ ಪಂದ್ಯಗಳನ್ನು ಸೋತಿದೆ ಎಂದರೆ ನಿಮಗೆ ಅಚ್ಚರಿಯೆನಿಸಬಹುದು. ಆದರೆ ಇದು ನಿಜ. ಕಳೆದ 8 ವರ್ಷಗಳಿಂದಲೂ ಮುಂಬೈ ತಂಡ ಟೂರ್ನಿಯ ಆರಂಭಿಕ ಪಂದ್ಯದಲ್ಲಿ ಗೆದ್ದಿದ್ದೇ ಇಲ್ಲ. ಆದರೆ ಟೂರ್ನಿಯ ಮಧ್ಯದಲ್ಲಿ ಅಥವಾ ಕಡೇ ಪಂದ್ಯಗಳಲ್ಲಿ ಗೆಲ್ಲಲು ಮುಂಬೈ ತೀವ್ರವಾದ ಹೋರಾಟ ನಡೆಸಿದ್ದು ಕಾಣಿಸುತ್ತದೆ. ಈ ನಿಟ್ಟಿನಲ್ಲಿ ಆರ್ಸಿಬಿಗೆ ಟೂರ್ನಿ ಆರಂಭದಲ್ಲೇ ಶುಭಾರಂಭ ಕಾಣುವ ನಿರೀಕ್ಷೆ ಹೆಚ್ಚಿದೆ.
ಆರಂಭಿಕ ಪಂದ್ಯಗಳಲ್ಲಿ ಮುಂಬೈ ಇಂಡಿಯನ್ಸ್ ಫಲಿತಾಂಶ
* 2013ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಸೋಲು
* 2015ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಪರಾಜಯ
* 2016ರಲ್ಲಿ ರೈಸಿಂಗ್ ಪುಣೆ ಸೂಪರ್ ಜೈಂಟ್ಸ್ ಎದುರು ಸೋಲು
* 2017ರಲ್ಲಿ ರೈಸಿಂಗ್ ಪುಣೆ ಸೂಪರ್ ಜೈಂಟ್ಸ್ ವಿರುದ್ಧ ಪರಾಭವ
* 2018ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಎದುರು ಸೋಲು
* 2019ರಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಹಿನ್ನಡೆ
* 2020ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಎದುರು ಸೋಲು