ಮುಂಬೈ: ಬೋರ್ಡ್ ಆಫ್ ಕಂಟ್ರೋಲ್ ಫಾರ್ ಕ್ರಿಕೆಟ್ ಇನ್ ಇಂಡಿಯಾ (ಬಿಸಿಸಿಐ) ಸೆಪ್ಟೆಂಬರ್ 28ರ ಮಂಗಳವಾರ ಪ್ರಮುಖ ಎರಡು ಘೋಷಣೆಗಳನ್ನು ಮಾಡಿದೆ. ಮುಂದಿನ ಸೀಸನ್ನಲ್ಲಿ ಕಾಣಸಿಕೊಳ್ಳಲಿರುವ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಎರಡು ಹೊಸ ಫ್ರಾಂಚೈಸಿಗಳ ಹೆಸರು ಘೋಷಣೆಗೆ ಬಿಸಿಸಿಐ ದಿನಾಂಕ ನಿಗದಿ ಮಾಡಿದೆ.
ಐಪಿಎಲ್ 2021: ಮೊದಲ ವಾರದ ಅತ್ಯುತ್ತಮ ತಂಡ ಪ್ರಕಟ; ಅತ್ಯುತ್ತಮ ನಾಯಕ ಧೋನಿಯಲ್ಲ!
ಅಕ್ಟೋಬರ್ 25ರಂದು 15ನೇ ಆವೃತ್ತಿಯ ಐಪಿಎಲ್ಗೆ ಬಿಸಿಸಿಐ ಎರಡು ಹೊಸ ತಂಡಗಳ ಹೆಸರುಗಳನ್ನು ಘೋಷಣೆ ಮಾಡಲಿದೆ. ಅಷ್ಟೇ ಅಲ್ಲ, ಐಪಿಎಲ್ 14ನೇ ಆವೃತ್ತಿಯ ಕೊನೇ ಎರಡು ಲೀಗ್ ಪಂದ್ಯಗಳು ಏಕಕಾಲಕ್ಕೆ ನಡೆಯಲಿವೆ ಎಂದು ಬಿಸಿಸಿಐ ಮಂಗಳವಾರ ಮಾಹಿತಿ ನೀಡಿದೆ.
ಮುಂದಿನ ವರ್ಷ ಅಂದರೆ 2022ರ ಐಪಿಎಲ್ ಆವೃತ್ತಿಗೂ ಮುನ್ನ ಆಟಗಾರರ ಮೆಗಾ ಆಕ್ಷನ್ ನಡೆಯಲಿದೆ. ಈ ವೇಳೆ ಎರಡು ಹೊಸ ಫ್ರಾಂಚೈಸಿಗಳು ಹರಾಜಿನಲ್ಲಿ ಪಾಲ್ಗೊಳ್ಳಲಿವೆ. ಘೋಷಣೆಯಾಗಲಿರುವ ಹೊಸ ತಂಡಗಳು ಯಾವುವು ಎನ್ನುವ ಬಗ್ಗೆ ಬಿಸಿಸಿಐ ಸುಳಿವು ನೀಡಿಲ್ಲ.
ಪಂಜಾಬ್ ಕಿಂಗ್ಸ್ ವಿರುದ್ಧ ಕ್ರೀಡಾಸ್ಫೂರ್ತಿ ಮೆರೆದ ಕೃನಾಲ್ ಪಾಂಡ್ಯ: ವಿಡಿಯೋ
2021ರ ಆವೃತ್ತಿಯ ಕೊನೇ ಎರಡು ಲೀಗ್ ಪಂದ್ಯಗಳು ಏಕಕಾಲಕ್ಕೆ ನಡೆಯಲಿವೆ ಎಂದು ಬಿಸಿಸಿಐ ತಿಳಿಸಿದೆ. ಲೀಗ್ ಹಂತದ ಕೊನೇ ಪಂದ್ಯಗಳು ನಡೆಯೋದು ಅಕ್ಟೋಬರ್ 8ರ ಶುಕ್ರವಾರ. ಈ ದಿನ ಡಬಲ್ ಹೆಡ್ಡರ್ ಪಂದ್ಯಗಳಿದ್ದವು. ಅವುಗಳು ಏಕಕಾಲಕ್ಕೆ ನಡೆಯಲಿವೆ. ಅಂದರೆ ಅಕ್ಟೋಬರ್ 8ರಂದು ಸನ್ ರೈಸರ್ಸ್ ಹೈದರಾಬಾದ್ vs ಮುಂಬೈ ಇಂಡಿಯನ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ನಡುವಿನ ಪಂದ್ಯ ಒಂದರ ನಂತರ ಮತ್ತೊಂದು ನಡೆಯದೆ ಒಂದೇ ಸಮಯಕ್ಕೆ ನಡೆಯಲಿದೆ.