ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ ಈ ಬಾರಿಯ ಐಪಿಎಲ್ನ ಅದ್ಭುತ ಸಿಕ್ಸರ್ವೊಂದನ್ನು ಬಾರಿಸಿದ್ದಾರೆ. ಆರ್ ಅಶ್ವಿನ್ ಎಸೆತವನ್ನು ಒಂದೇ ಕೈಯ್ಯಲ್ಲಿ ಬಾರಿಸಿದ ರೋಹಿತ್ ಶರ್ಮಾ ಬೌಡರಿ ಗೆರೆಯ ಆಚೆಗೆ ಅಟ್ಟಿದ್ದರು.
ಡೆಲ್ಲಿ ಆರ್ ಅಶ್ವಿನ್ ಎಸೆದ ನಾಲ್ಕನೇ ಓವರ್ನ ಅಂತಿಮ ಎಸೆತವನ್ನು ರೋಹಿತ್ ಶರ್ಮಾ ಬೌಲರ್ಗೆ ಗೊಂದಲವಾಗುವಂತೆ ಮಾಡಿ ಚೆಂಡನ್ನು ಗಾಳಿಯಲ್ಲಿ ಚಿಮ್ಮುವಂತೆ ಮಾಡಿದರು. ಎಕ್ಸ್ಟ್ರಾ ಕವರ್ ಬೌಂಡರಿಯತ್ತ ಸಾಗಿ ಈ ಚೆಂಡು 78 ಮೀಟರ್ ದೂರ ಬಿದ್ದಿತ್ತು. ಒಂದೇ ಕೈಯ್ಯಲ್ಲಿ ರೋಹಿತ್ ಶರ್ಮಾ ಬಾರಿಸಿದ್ದರೂ ಅದ್ಭುತವಾದ ಟೈಮಿಂಗ್ನಿಂದಾಗಿ ಆರು ರನ್ಗಳು ರೋಹಿತ್ ಖಾತೆಗೆ ಸೇರಿಕೊಂಡಿತ್ತು.
'ನಾನು ಅನ್ಫಿಟ್ ಎಂದು ಯಾರಾದರು ಹೇಳುವುದನ್ನು ಬಯಸುವುದಿಲ್ಲ'
one handed six by rohit sharma. wow 😍!! pic.twitter.com/mKdBSULrwk
— vardhan. (@putitdownx) April 20, 2021
ಎರಡನೇ ವಿಕೆಟ್ಗೆ ರೋಹಿತ್ ಶರ್ಮಾ ಹಾಗೂ ಸೂರ್ಯಕುಮಾರ್ ಯಾದವ್ ಅರ್ಧ ಶತಕದ ಜೊತೆಯಾಟವನ್ನು ನೀಡುವ ಮೂಲಕ ಮುಂಬೈ ಇಂಡಿಯನ್ಸ್ ಬೃಹತ್ ಮೊತ್ತ ದಾಖಲಿಸುವ ಮುನ್ಸೂಚನೆ ನೀಡಿತ್ತು. ಆದರೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಅಮಿತ್ ಮಿಶ್ರಾ ಮುಂಬೈ ಲೆಕ್ಕಾಚಾರವನ್ನು ಬುಡಮೇಲುಗೊಳಿಸಿದರು.
ಮುಂಬೈ ಇಂಡಿಯನ್ಸ್ ಪರವಾಗಿ ನಾಯಕ ರೋಹಿತ್ ಶರ್ಮಾ 30 ಎಸೆತಗಳನ್ನು ಎದುರಿಸಿ 44 ರನ್ ಬಾರಿಸಿದರು. ಇಂದಿನ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಪರವಾಗಿ ದಾಖಲಾದ ಅತಿ ಹೆಚ್ಚಿನ ರನ್ ಇದಾಗಿದೆ. ಮೂರು ಸಿಕ್ಸರ್ ಹಾಗೂ ಮೂರು ಬೌಂಡರಿ ಸಿಡಿಸಿದ ರೋಹಿತ್ ಶರ್ಮಾ ಅಮಿತ್ ಮಿಶ್ರಾಗೆ ವಿಕೆಟ್ ಒಪ್ಪಿಸಿದರು.