ನವದೆಹಲಿ: ತಮಿಳುನಾಡಿನ ಆಲ್ ರೌಂಡರ್ ಶಾರುಖ್ ಖಾನ್ ಈ ಬಾರಿಯ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಆಟಗಾರ ಹರಾಜಿನಲ್ಲಿ ಪಂಜಾಬ್ ಕಿಂಗ್ಸ್ ಪಾಲಾಗಿದ್ದಾರೆ. ಗುರುವಾರ (ಫೆಬ್ರವರಿ 18) ನಡೆದ ಆಟಗಾರರ ಹರಾಜಿನಲ್ಲಿ ಶಾರುಖ್ ಪಂಜಾಬ್ ತಂಡ ಸೇರಿಕೊಂಡಿದ್ದರು.
ಐಪಿಎಲ್ 2021: ಎಲ್ಲಾ 8 ತಂಡಗಳ ಆಟಗಾರರ ಸಂಪೂರ್ಣ ಪಟ್ಟಿ
ತಮಿಳುನಾಡು ರಾಜ್ಯ ತಂಡದ ಪರ ಆಡುವ ಶಾರುಖ್ ಖಾನ್ ಅವರನ್ನು ಪಂಜಾಬ್ ಕಿಂಗ್ಸ್ 5.25 ಕೋಟಿ ರೂ.ಗೆ ಖರೀದಿಸಿತ್ತು. ಪಂಜಾಬ್ನಲ್ಲಿ ಕೆಎಲ್ ರಾಹುಲ್, ಕ್ರಿಸ್ ಗೇಲ್, ಮೊಹಮ್ಮದ್ ಶಮಿ, ನಿಕೋಲಸ್ ಪೂರನ್ ಅವರಂಥ ಪ್ರತಿಭಾನ್ವಿತ ಆಟಗಾರರಿದ್ದಾರೆ. ಇವರಲ್ಲಿ ಶಾರುಖ್ಗೆ ಯುನಿವರ್ಸಲ್ ಬಾಸ್ ಗೇಲ್ ಭೇಟಿಯಾಗುವ ಆಸೆಯಂತೆ.
'ನನಗೆ ಕೆಎಲ್ ರಾಹುಲ್ ಪರಿಚಯವಿದ್ದಾರೆ. ಒಂದಿಷ್ಟು ಸಾರಿ ಅವರನ್ನು ನಾನು ಭೇಟಿಯಾಗಿದ್ದೇನೆ. ಆದರೆ ಕ್ರಿಸ್ ಗೇಲ್ ಅವರನ್ನು ಭೇಟಿಯಾಗಲು ತುಂಬಾ ಉತ್ಸುಕನಾಗಿದ್ದೇನೆ. ಆತ ವಿಶ್ವದಲ್ಲೇ ಅತ್ಯಂತ ಅಪಾಯಕಾರಿ ಬ್ಯಾಟ್ಸ್ಮನ್. ಅನುಭವಿ ಆಟಗಾರ ಗೇಲ್ ಮತ್ತು ರಾಹುಲ್ ಅವರೊಂದಿಗೆ ಡ್ರೆಸ್ಸಿಂಗ್ ರೂಮ್ನಲ್ಲಿ ಇರುವ ಅವಕಾಶ ದೊರೆತಿದ್ದಕ್ಕೆ ನನಗೆ ಖುಷಿಯಾಗಿದೆ,' ಎಂದು ಖಾರುಖ್ ಹೇಳಿದ್ದಾರೆ.
"ಈ ಬಾರಿಯ ಐಪಿಎಲ್ನಲ್ಲಿ ಬೆನ್ ಸ್ಟೋಕ್ಸ್ ಹೆಚ್ಚು ಬೌಲಿಂಗ್ ಮಾಡಲಾರರು"
25ರ ಹರೆಯದ ಬಲಗೈ ಬ್ಯಾಟ್ಸ್ಮನ್ ಶಾರುಖ್ ಖಾನ್, ಪ್ರಥಮದರ್ಜೆ ಕ್ರಿಕೆಟ್ನ 9 ಇನ್ನಿಂಗ್ಸ್ಗಳಲ್ಲಿ 231 ರನ್ ಬಾರಿಸಿದ್ದಾರೆ. ಲಿಸ್ಟ್ ಎ 20 ಪಂದ್ಯಗಳಲ್ಲಿ 286 ರನ್ ಬಾರಿಸಿದ್ದಾರೆ. 31 ಟಿ20 ಪಂದ್ಯಗಳಲ್ಲಿ 293 ರನ್ ದಾಖಲೆ ಹೊಂದಿದ್ದಾರೆ. ಪ್ರಥಮದರ್ಜೆ ಮತ್ತು ಲಿಸ್ಟ್ ಪಂದ್ಯಗಳಲ್ಲಿ ತಲಾ 2 ಅರ್ಧ ಶತಕ ಬಾರಿಸಿದ್ದಾರೆ.