ಮುಂಬೈನ ಇಬ್ಬರು ಬೌಲರ್ಗಳನ್ನು ಎದುರಿಸುವ ಧೈರ್ಯ ಕೊಹ್ಲಿಗಿಲ್ಲ
ಸತತ 2 ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಿರುವ ವಿರಾಟ್ ಕೊಹ್ಲಿ ಪ್ರದರ್ಶನದ ಕುರಿತು ಕೊಂಕು ನುಡಿದಿರುವ ಸಂಜಯ್ ಮಂಜ್ರೇಕರ್ 'ಬಹುಶಃ ವಿರಾಟ್ ಕೊಹ್ಲಿಗೆ ಸ್ಪಿನ್ ಬೌಲರ್ಗಳನ್ನು ದಿಟ್ಟವಾಗಿ ಎದುರಿಸಿ ದೊಡ್ಡ ಹೊಡೆತಗಳನ್ನು ಬಾರಿಸುವ ವಿಶ್ವಾಸವಿಲ್ಲ ಎನಿಸುತ್ತದೆ. ವೇಗಿಗಳಿಗೆ ದೊಡ್ಡ ಸಿಕ್ಸರ್ ಸಿಡಿಸಿದ ವಿರಾಟ್ ಕೊಹ್ಲಿ ಮುಂಬೈ ಇಂಡಿಯನ್ಸ್ ತಂಡದ ಸ್ಪಿನ್ ಬೌಲರ್ಗಳಾದ ರಾಹುಲ್ ಚಾಹರ್ ಮತ್ತು ಕೃನಾಲ್ ಪಾಂಡ್ಯರಿಗೆ ಒಂದೇ ಓವರ್ನಲ್ಲಿ ಎರಡಕ್ಕಿಂತ ಹೆಚ್ಚು ದೊಡ್ಡ ದೊಡ್ಡ ಸಿಕ್ಸರ್ಗಳನ್ನು ಬಾರಿಸುವ ಧೈರ್ಯ ಮಾಡಲಿಲ್ಲ, ಬದಲಾಗಿ ಸಿಂಗಲ್ ತೆಗೆದುಕೊಂಡು ಆಟವನ್ನಾಡಿದರು' ಎಂದು ವಿರಾಟ್ ಕೊಹ್ಲಿಯ ಕಾಲೆಳೆದಿದ್ದಾರೆ.
ವೈಯಕ್ತಿಕ ಅರ್ಧಶತಕ ಬಾರಿಸಲು ಕೊಹ್ಲಿ ಆಟ
ಇನ್ನೂ ಮುಂದುವರಿದು ಕೊಹ್ಲಿ ಪ್ರದರ್ಶನದ ಕುರಿತು ನಕಾರಾತ್ಮಕವಾಗಿ ಟೀಕಿಸಿರುವ ಸಂಜಯ್ ಮಂಜ್ರೇಕರ್ ವಿರಾಟ್ ಕೊಹ್ಲಿ ಅರ್ಧಶತಕ ಬಾರಿಸಲು ಬ್ಯಾಟ್ ಬೀಸಿದರು ಎಂದು ಆರೋಪಿಸಿದ್ದಾರೆ. '40 ಎಸೆತಗಳಿಗೆ ಅರ್ಧ ಶತಕವನ್ನು ಬಾರಿಸಿದ ವಿರಾಟ್ ಕೊಹ್ಲಿ ಮೊದಲ 27 ಎಸೆತಗಳಲ್ಲಿ 40 ರನ್ ಬಾರಿಸಿದ್ದರು ಆದರೆ, ಉಳಿದ 10 ರನ್ಗಳನ್ನು ಬಾರಿಸಲು 13 ಎಸೆತಗಳನ್ನು ತೆಗೆದುಕೊಂಡರು. ಕಳೆದ ಚೆನ್ನೈ ವಿರುದ್ಧ ಸಿಡಿಸಿದ ಅರ್ಧಶತಕದಂತೆಯೇ ಈ ಬಾರಿಯ ಅರ್ಧಶತಕವನ್ನೂ ವಿರಾಟ್ ಕೊಹ್ಲಿ ವೈಯಕ್ತಿಕ ಕಾರಣಕ್ಕಾಗಿ ಬಾರಿಸಿದರು' ಎಂದು ಸಂಜಯ್ ಮಂಜ್ರೇಕರ್ ವಿರಾಟ್ ಕೊಹ್ಲಿ ಪ್ರದರ್ಶನದ ವಿರುದ್ಧ ಕೊಂಕು ನುಡಿದಿದ್ದಾರೆ.
ಕೊಹ್ಲಿ ಬಾರಿಸಿದ ಸಿಕ್ಸರ್ ಹೆಚ್ಚು ದೂರ ಹೋಗಿ ಬೀಳುತ್ತಿರಲಿಲ್ಲ
ವಿರಾಟ್ ಕೊಹ್ಲಿ ವೈಯಕ್ತಿಕ ಕಾರಣಕ್ಕೋಸ್ಕರ ಅರ್ಧಶತಕಗಳನ್ನು ಸಿಡಿಸುತ್ತಿದ್ದಾರೆ ಎಂದು ಆರೋಪಿಸಿರುವ ಸಂಜಯ್ ಮಂಜ್ರೇಕರ್ ವಿರಾಟ್ ಕೊಹ್ಲಿ ಬಾರಿಸುತ್ತಿದ್ದ ಸಿಕ್ಸರ್ಗಳು ಹೆಚ್ಚು ದೂರ ಹೋಗಿ ಬೀಳುತ್ತಿರಲಿಲ್ಲ ಎಂದು ಕಾಲೆಳೆದಿದ್ದಾರೆ. ಕೊಹ್ಲಿ ಬಾರಿಸಿದ ಸಿಕ್ಸರ್ಗಳು ಬೌಂಡರಿ ಲೈನ್ನಿಂದ ಸ್ವಲ್ಪ ಅಡಿಗಳಷ್ಟು ಮುಂದೆ ಹೋಗಿ ಬೀಳುತ್ತಿದ್ದವಷ್ಟೇ ಎಂದು ಸಂಜಯ್ ಮಂಜ್ರೇಕರ್ ಟೀಕಿಸಿದ್ದಾರೆ.