ಸಾರಿ ರಾಯಲ್ಸ್ ಫ್ಯಾಮಿಲಿ ಎಂಬ ಮಿಲ್ಲರ್
ಒಂದನೇ ಕ್ವಾಲಿಫೈಯರ್ ಪಂದ್ಯ ಮುಕ್ತಾಯಗೊಂಡ ನಂತರ ತಡರಾತ್ರಿ 1.09ಕ್ಕೆ ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಟ್ವೀಟ್ ಮಾಡಿರುವ ಡೇವಿಡ್ ಮಿಲ್ಲರ್ ಸಾರಿ ರಾಯಲ್ಸ್ ಫ್ಯಾಮಿಲಿ ಎಂದು ಬರೆದುಕೊಂಡಿದ್ದಾರೆ.
ಮಿಲ್ಲರ್ ಕ್ಷಮೆ ಕೇಳಲು ಇದುವೇ ಕಾರಣ
ಇನ್ನು ಡೇವಿಡ್ ಮಿಲ್ಲರ್ ಈ ರೀತಿ ಕ್ಷಮೆ ಕೇಳಲು ಕಾರಣ ರಾಜಸ್ಥಾನ್ ರಾಯಲ್ಸ್ ಈ ಹಿಂದಿನ ಐಪಿಎಲ್ ಆವೃತ್ತಿಗಳಲ್ಲಿ ತಾನು ಪ್ರತಿನಿಧಿಸಿದಂತಹ ಫ್ರಾಂಚೈಸಿ. ಹೌದು, ಡೇವಿಡ್ ಮಿಲ್ಲರ್ ತಾನು ಪ್ರತಿನಿಧಿಸಿದಂತಹ ತಂಡದ ವಿರುದ್ಧವೇ ಸ್ಫೋಟಕ ಬ್ಯಾಟಿಂಗ್ ನಡೆಸಿ ಫೈನಲ್ ಪ್ರವೇಶಿಸುವ ಮೊದಲ ಅವಕಾಶವನ್ನು ಕೈತಪ್ಪಿದ ಕಾರಣಕ್ಕೆ ಕ್ಷಮೆಯಾಚಿಸಿದ್ದಾರೆ. ಸದ್ಯ ತನ್ನ ಹಳೆ ಫ್ರಾಂಚೈಸಿಯ ಕ್ಷಮೆ ಯಾಚಿಸಿ ಡೇವಿಡ್ ಮಿಲ್ಲರ್ ಮಾಡಿರುವ ಈ ಟ್ವೀಟ್ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಪಂದ್ಯದಲ್ಲಿ ಅಬ್ಬರಿಸಿದ ಜೋಸ್ ಬಟ್ಲರ್
ಈ ಬಾರಿಯ ಐಪಿಎಲ್ ಆವೃತ್ತಿಯಲ್ಲಿ ಗುಜರಾತ್ ಟೈಟನ್ಸ್ ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿರುವ ಡೇವಿಡ್ ಮಿಲ್ಲರ್ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಈ ಕ್ವಾಲಿಫೈಯರ್ ಪಂದ್ಯದಲ್ಲಿ 38 ಎಸೆತಗಳಿಗೆ ಅಜೇಯ 68 ರನ್ ಚಚ್ಚಿದರು. ಅದರಲ್ಲಿಯೂ ತಮ್ಮ ತಂಡ ಗೆಲ್ಲಲು ಅಂತಿಮ 6 ಎಸೆತಗಳಲ್ಲಿ 16 ರನ್ ಬೇಕಿದ್ದಾಗ ಪ್ರಸಿದ್ಧ್ ಕೃಷ್ಣ ಎಸೆದ ಅಂತಿಮ ಓವರ್ನ ಮೊದಲ 3 ಎಸೆತಗಳಲ್ಲಿ ಹ್ಯಾಟ್ರಿಕ್ ಸಿಕ್ಸರ್ ಬಾರಿಸಿದ ಡೇವಿಡ್ ಮಿಲ್ಲರ್ ಅಬ್ಬರಿಸಿದರು.