Click it and Unblock the Notifications
ಈ ತಿಂಗಳ ಕೊನೆಯಲ್ಲಿ ತಂಡ ಸೇರಬೇಕಿದ್ದ ಚಹಾರ್
ಐಪಿಎಲ್ ಆರಂಭಕ್ಕೂ ಮುನ್ನ ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದ ಚಹಾರ್ ಚೇತರಿಸಿಕೊಂಡು ದ್ವೀತಿಯಾರ್ಧದಲ್ಲಿ ತಂಡವನ್ನು ಸೇರಲು ಸಿದ್ಧರಾಗಿದ್ದರು. ಈಗ ಹೊಸದಾಗಿ ಬೆನ್ನು ನೋವು ಕಾಣಿಸಿಕೊಂಡಿದ್ದರಿಂದ ಪ್ರಾಥಮಿಕ ಚಿಕಿತ್ಸೆಗೆ ಒಳಪಡಿಸಲಾಗಿದ್ದು, ಬಲಗೈ ವೇಗಿ ಕನಿಷ್ಠ ನಾಲ್ಕು ತಿಂಗಳ ಕಾಲ ಮೈದಾನದಿಂದ ದೂರ ಉಳಿಯಬೇಕು ಎಂದು ಸೂಚನೆ ಸಿಕ್ಕಿದೆ. ಹೀಗಾಗಿ 2022 ರ ಟಿ-20 ವಿಶ್ವಕಪ್ ನಲ್ಲಿ ಭಾಗಿಯಾಗುವ ಅವಕಾಶ ಕೈ ತಪ್ಪಿದಂತಾಗಿದೆ.
ಬೌಲಿಂಗ್ ವಿಭಾಗದಲ್ಲಿ ಚಹರ್ ಅನುಪಸ್ಥಿತಿ ಕಾಡಲಿದೆ
ಪವರ್‌ಪ್ಲೇ ಓವರ್‌ಗಳಲ್ಲಿ ವಿಕೆಟ್‌ಗಳನ್ನು ಪಡೆಯುವ ಸಾಮರ್ಥ್ಯ ಹೊಂದಿರುವ ದೀಪಕ್ ಚಹಾರ್ ಚೆನೈ ಫ್ರಾಂಚೈಸಿಯಲ್ಲಿ ಅಗ್ರ ಪ್ರದರ್ಶನಕಾರರಲ್ಲಿ ಒಬ್ಬರಾಗಿದ್ದರು. 29 ವರ್ಷ ವಯಸ್ಸಿನ ಬಲಗೈ ವೇಗಿ ಸಿಎಸ್‌ಕೆ ತಂಡದ ಪ್ರಮುಖ ಆಟಗಾರರಾಗಿ ಹೊರಹೊಮ್ಮಿದ್ದರು. ಅತ್ಯಂತ ವೇಗದ ಬೌಲಿಂಗ್ ಜೊತೆಗೆ ಹೊಸ ಚೆಂಡನ್ನು ಸ್ವಿಂಗ್ ಮಾಡುವ ಸಾಮರ್ಥ್ಯ ಹೊಂದಿದ್ದ ಚಹರ್ ಅದನ್ನೇ ಅಸ್ತ್ರವಾಗಿಸಿಕೊಂಡು ಸ್ಲಾಗ್ ಓವರ್‌ಗಳಲ್ಲಿ ತೀಕ್ಷ್ಣವಾದ ಯಾರ್ಕರ್ ಮತ್ತು ಚೆನ್ನಾಗಿ ಮರೆಮಾಚುವ ನಿಧಾನಗತಿಯಲ್ಲಿ ಬೌಲ್ ಎಸೆಯುತ್ತಿದ್ದರು.
ಒಟ್ಟಾರೆ 63 ಐಪಿಎಲ್ ಪಂದ್ಯಗಳಲ್ಲಿ 59 ವಿಕೆಟ್‌ಗಳನ್ನು ಪಡೆದಿರುವ ಚಹಾರ್ 2016 ರಲ್ಲಿ ಐಪಿಎಲ್‌ಗೆ ಪಾದಾರ್ಪಣೆ ಮಾಡಿದರು. ಕಳೆದ ಎರಡು ಸೀಸನ್್ಗಳಲ್ಲಿ ಸಿಎಸ್‌ಕೆ ತಂಡದ ಬೌಲಿಂಗ್ ಬಲವಾಗಿದ್ದರು. ರವೀಂದ್ರ ಜಡೇಜಾ ನೇತೃತ್ವದ ತಂಡವು ಆ್ಡಂ ಮಿಲ್ನೆ, ಕ್ರಿಸ್ ಜೋರ್ಡಾನ್, ಮುಕೇಶ್ ಚೌಧರಿ ಮತ್ತು ತುಷಾರ್ ದೇಶಪಾಂಡೆ ಸೇರಿದಂತೆ ವಿಭಿನ್ನ ವೇಗಿಗಳನ್ನು ಪ್ರಯತ್ನಿಸಿದರು ಮತ್ತು ಯಾರೂ ಗಮನಾರ್ಹ ಪರಿಣಾಮ ಬೀರಲಿಲ್ಲ. ಐದು ಪಂದ್ಯಗಳಲ್ಲಿ ಒಂದು ಪಂದ್ಯದಲ್ಲಿ ಜಯಶಾಲಿಯಾಗಿರುವ ಸಿಎಸ್‌ಕೆ ನಾಲ್ಕು ಸೋಲುಗಳೊಂದಿಗೆ ಐಪಿಎಲ್ ಪಾಯಿಂಟ್ಸ್ ಟೇಬಲ್‌ನಲ್ಲಿ 9 ನೇ ಸ್ಥಾನದಲ್ಲಿದೆ.
ಅಂತರಾಷ್ಟ್ರೀಯ ಪಂದ್ಯಗಳಲ್ಲೂ ಮಿಂಚಿದ್ದ ಚಹಾರ್
ಬೌಲಿಂಗ್ ನಲ್ಲಿ ಅಷ್ಟೇ ಅಲ್ಲದೇ ಕೆಳಕ್ರಮಾಂಕದ ಬ್ಯಾಟಿಂಗ್್ನಲ್ಲಿಯೂ ಉತ್ತಮ ಪ್ರದರ್ಶನ ನೀಡುತ್ತಿದ್ದ ಚಹಾರ್ ಏಕದಿನ ಕ್ರಿಕೆಟ್‌ನಲ್ಲಿ ಎರಡು ಅರ್ಧ ಶತಕಗಳನ್ನು ದಾಖಲಿಸಿದ್ದರು.
ಭಾರತದ ಪರ ಒಟ್ಟು ಏಳು ಏಕದಿನ ಪಂದ್ಯಗಳಲ್ಲಿ 10 ವಿಕೆಟ್‌ಗಳನ್ನು ಪಡೆದಿದ್ದಾರೆ, ಅವರು 20 ಟಿ20 ಪಂದ್ಯಗಳಲ್ಲಿ 26 ವಿಕೆಟ್ ಕಬಳಿಸಿದ್ದರು. ಈ ಎಲ್ಲಾ ಅಂಶಗಳನ್ನು ಗಮನಿಸಿದ್ದ ಸಿಎಸ್‌ಕೆ ಚಹರ್ ಅವರನ್ನು 15 ನೇ ಆವೃತ್ತಿಯಲ್ಲಿ 14 ಕೋಟಿಗೆ ಖರೀದಿಸಿತ್ತು. ಆದರೆ ಈ ಆವೃತ್ತಿಯಲ್ಲಿ ರವೀಂದ್ರ ಜಡೇಜಾ ನೇತೃತ್ವದ ತಂಡ ಚಹರ್ ಇಲ್ಲದೆ ಕಾರ್ಯ ನಿರ್ವಹಿಸಬೇಕಾಗಿರುವುದು ಅನಿವಾರ್ಯವಾಗಿದೆ. ವೇಗದ ಬೌಲಿಂಗ್ ಆಲ್‌ರೌಂಡರ್ ಆಸ್ಟ್ರೇಲಿಯಾದ ಟ್ರ್ಯಾಕ್‌ಗಳಲ್ಲಿ ಉತ್ತಮ ಆಸ್ತಿಯಾಗಿರುವುದರಿಂದ ಭಾರತ ತಂಡವು ಚಹರ್ ಗುಣಮುಖವಾಗಲಿ ಎಂದು ಆಶಿಸುತ್ತಿದೆ.
